¹ Apapia naojlena jalredaoca, Nabot Jezrel ricoda pia lrisoca lri kiníkerre uvapji tsoomi Acab iipana ioya (talricanaati dapana), talricanati Samaria lricoda. ² Niini caacoca Acab, Nabot iapiya lrinaco jliaji lri kiníkerre uvapji, lricadaa carro lrirson lrinaitja carro paniapjidao talricanati dapana irso ima tsoomicani lrioya. Licaite lrirso lria carro lrirso paapji uvapji lricoadao matsiadalri pja lrioya paafe ricojle o lricaoñaca lrirso palraata sho coshoca lricoada. ³ Mitsa Nabot iaco Acab irso: ''Corriotsa wa Minalri icadaa carroca noá carrontja pirso jliaji nacadanda norso njaji nocoanjecanai.'' ⁴ Niini Acab idia jiewao lriipana lricojle, maatsi lriwaopiakje, kerroani corricapoa Nabot Jezrel dalri jiepani. Lricaite capoa lrirso: ''Corriotsa nocadaa carroca pirso jliaji nacadanda norso njaji nocoanjecanai.'' Lriorsoawa tjewacajle lrinoma lriorsoa carroita naco, njite corri lrioma lrinjaca. ⁵ Acab iino, Betzabel iáa icapa lriderse, roaco lrirso: ''¿Coadao inona picaolre, imalri corrica pinja?'' ⁶ Njite jliepano: ''Caaco njoa Nabot Jezrel dalri iapiya, njite notatja lrioya jliaji lri kiníkerre ovapji palraata sho o noá catsantja lrirso paapji nacja lricoadao, mitsa lricaite norso corricatsa lricadaa carroca norso.'' ⁷ Niini lrino Jezabel iaco lrirso: ''¿Capja corrica pjiaca Iraelnai italricanaa? Pjinico pinja, catiima carro picaolre. Njoa watsa jita Nabot Jezrel dalri ioya lri kiníkerre ovapji pirso. ⁸ Ikena Jezabel idana papje paperra acab iipitana naco, njite rocadaa lricaapirro iecoa lrinaco sello sho, njite romeenaca jliaji paperra narso njaji pekipenai caconaperri njite narso tsacja njaji riconai iofaacae manao iwacaacawa acab iapiya, njite iofaacape tsoomi Nabot ioya. ⁹ Rodana paperra lrico cayoji: ''Icaite narso njaji inaiki mainjaca carrona njite icadaotsa Nabot iofaawa napeyajle njaji inaiki aimadan naofa cawa njaji caconaperri. ¹⁰ Icadaa tsacjaotsa yaame atsianai cashaaperrim lricodapi, njite icadaotsa nacashatá carro lrinaco nacaitecawa lrinaco cayoji: ''Caaco pjia maatsi Dio naco njite lrinaco jliaji talricanaati. Njiteotsa ideeni pemajle iino carron jiipada sho.'' ¹¹ Niini njaji yaame atsianai, njaji pekipenai caconaperri, njaji riconai iofaacape lriyacalre rico, nanaitja cayoji rodana capisho paperra lrico romeenacanda narso. ¹² Nawaketa njaji inaiki maijaca carrona, njite nacada Nabot iofaawa caconaperri iofacawa naco napeyajle njaji inaiki aimadan. ¹³ Njaji yaame atsianai cashaperrim naoca njewao njite naofawa Nabot ipeyajle; ikena nacashataca Nabot icjoete napeyajle njaji inaiki aimadan, naaco: ''Caaco maatsi Nabot Dio naco njite talricanaati naco tsacja.'' Ikeena namotoeta can pemajle yacaalre ioya nainó carron jiipada shon. ¹⁴ Njite njaji pekipenai caconaperri nameenaca iacoti Jezabel irso, naco rorso: ''Opina naino Nabot jiipada sho, opina mayamini.'' ¹⁵ Njite Jezabel jimi caami nainoca Nabot jiipada sho, oopica mayamini, rocaite Acab irso lria carro jlipa lrirsowao jliaji uvapji Nabot iyadami Jezrel dalri pia, jliaji corridalri pia lrioma lri vendeeca Acab irso. Ima corrinatsa caafica Nabot, oopi mayamini.'' ¹⁶ Acab jimi cádanaco opica mayami Nabot, jlinicoa lriá carro kiníkiapji uvapji rico Nabot Jezreelita iyadam jlipá carro lrirsowaonai. ¹⁷ Ikeena caacoca Dio Elía tisbita dalri irso, cayoji: ¹⁸ ''Panaya pjinicoa piá carro picapaacawa lriapiya jliaji Irael italricanaa Acab, iofacada Samaria lrico. Aotsaniji Nabot ikiníkerrem uvapji rico, ima lriakena jlipá carro lrirsowaoni. ¹⁹ Picaiteotsa lrirso cayoca wa Minalri icaiteca lrirso: ''Oopi piino Nabot njite piñaino lri kiníkerre pirsowao.'' Picaite pjaotsa lrirso cayoji: ''Cayo wa Minalri icaiteca: Atsaji, tsíno iperró carromtsa Nabot írranami, niini tsacjaotsa tsíno ipérroatsa pírranam, ajaca, pírrana watsa napérro.'' ²⁰ Niini Acab iaco Elía irso: ''¿Pioketaca njoa, njoponda?'' Njite Elía jiepani, lriaco lrirso: ''Noketaca pjia, ima pjiacatsa icadaacawa pinaitjá carro maatsi wa Minalri ipjeyajle.'' ²¹ Wa Minalri icaite pja pirso: ''Pjimi matsia norso, nodeotsa maatsidalri pinaco, nowayaketaotsa matsianjerri ima corricaotsa pirso carroca pada atsiada pinacjoite dalri pjiomi Irael rico, nanacjoite cantja njaji narsoperri o nanacjoite cantja njaji corri petsa naroperricana. ²² Cayoatsa nonaitjaca piipaneta nonaitja capisho Jeroboam iipaneta, Nabat irri. Nonaitja capisho tsacja Baasa iipaneta, Ahia irri, ima piomeetaca njoa niini keroaca njoa pima capoa nanaitjaca namatsicanao njaji Iraelnai. ²³ Wa Minalri icaite tsacja cayoji Jezabel naco: ''Njaji tsíno naijacaotsa Jezabel idakim Jezreel iwaida icodapi.'' ²⁴ Cocacaotsa mayami anji yacaalre rico Acab inacjoite dalri cadaa, tsínoatsa injani. Mayami cadan awacada lrico, waayolri watsa inja nadakim.'' ²⁵ Corri piatsa pacapa pada inaitja cada cayoji Acab inaitja capiso, jliaji icadaaca cadao lrinaitja carro maatsi wa Minalri ipeyajle, jliaji icadaaca cada lrino irso lrinaitja carro maatsi. ²⁶ Acab inaitja cadofialre perri narso njaji idolonai lricadalri lricaolre inaco, cayotsa lrinaitjaca nacayo shotsa njaji amoreonai, njaji inaiki Dio iwayakeetalri pia naoya njaji Iraelitanai. ²⁷ Acab jimi cádanaco njaji iacoti, lritsafaa lritsayani lrinaconda njite jlieta lrinacoa tsacowanam, njite maijaca cani, lriñampacawa tsaco wanam sho njite iinonani tsacja. ²⁸ Njite caaco tsenacja wa Mianlri Elía irso tisbita dalri cayoji: ''Picapa coanca kenaaca Acab ianjiacacawa Nopeyajle. ²⁹ Kenaa capoa lrianjiacacawa Nopeyajle, corriotsa Nodee carroca matsirri Acab iipaneta naco caafi cádanacotoani; mitsa Nodeotsa matsirri Acab iipaneta naco lrirri cádanaco jimao.