¹ Njite papia nacojle, madalriwalria naco corricawa iiyani, caaco tsenacja wa Minalri Elía irso, lriaco lriso: ''Piena picañjatacawa Acab irso, njite Nocadaotsa iyao jiwacawa jiipai naco.'' ² Niini Elía iawa Acab icapá carroni; aima pia njerrapitaca maawitacai Samaria lrico. ³ Acab iwana Abdia lricjaolrewa, ima jliaca ianjíicada lrinaco jliaji talricanaati dapana. Njite iacádaca matsiadalri Dio irso jliaji Abdia, ⁴ ima Jezabel inaa caojli nainoca njaji profetanai Waminalri Dio irsoperri, Abdia jipa cien profetanai lridawá carrona Jezabel ioya. Lridawana cincoentape profetanai jalraa dalri rico jiipai njite lria mana jliwa nainjao pan ooni tsacja ⁵ Acab iaco Abdia irso: ''Warsa tjaotsa pianji pioma wadetsa pioketata paapjipa ooni o onipaokja cadaa fepaite rico. Wadetsantja waoketaca malritsi nainjaope njaji waapirra caballo, njite mula tsacja wayomjetá carrotsana, wadentja mayamica waoya pjiomina nja wapirra.'' ⁶ Niini wacaacawa naacarroa papocoa, papocoa nataitá carro naomajica ooni njepaite rico pjiomi. Acab iawa pacja lrico inipo njite Abdia iawa pacja lrico tsacja. ⁷ Abdia iacadanatoa inipo lrico, kjeyanadatsa Elía ioketacawa lriapiya. Tecjoite toa Abdia ianjini niini jliwa lriorsoawa jiipai nacojle lripeyajle, lriaco lrirso: ''¿Pjiatsa pjia no minalri Elía?'' ⁸ Elía jiepani, lriaco: ''Aja, njoatsa Elía. Pidia picaite pitalricanaa irso picapaca njoa anji.'' ⁹ Njite Abdia jiepani, lriaco: ¿Coca nacoa nonaitja maatsi, caicarro picadaca njoa pirsodalri, Acab icapi ricó, lriinó carro njoa? ¹⁰ Ajádalri caafidalrica jliaji pi Minalri Dio, corri pacapa pada jiipai corricawatja Acab imeenaca lrinaikite nacawa naoma pjia. Njite njaji inaiki lri ricodape jiipaica o jliaji talricanaati lri ricodaalri jiipaica nacaite corrica pacapa pjia niini narso njaji ianjicape ioma pjia, Acab inaa nacaiteca pada iacoti nawapacawa pada, njite lrinaa nacaiteca iacoti ajádalri sho, corrica naoketa pjia nirse. ¹¹ Njite panaya picaiteca norso noá carro nocaite Acab irso aca pjiaji?'' ¹² Ima noacatsantja ajaiteji, jliaji wa Minalri Icaolrini idee nacjantja pjia pawe ricojle corricawatsa noanjii. Njite, noantja nocaite Acab irso nocapa capia anji, njite corri nacantja lricapa pjia, icaminantja lrinoca njoa picjaote. Ima njoa pirsodalri, noaca matsiadalri Dio irso noyempetica nacjoite piatoa. ¹³ ¿Capja corrica ncaiteca pirso, pjia nominalri, njaji nonaitjalri Jezabel inaa caojli pia nainoca njaji profetanai Dio irsoperri, nodawa caojli cien profetani Dio irsoperri, njite nodawacana cincoentape papeco jalraacawa rico jiipai njite nodeeca nainjao pan, njite nairrao ooni tsacja? ¹⁴ ¿Njite panaya picaiteca njoa, noá carro nocaite Acab irso aaca nocapa pjia, lrino carro lriino pjia?'' ¹⁵ Njite Elía jiepani, lriaco lrirso: Ajádalri caafidalrica jliaji wa Minalri, naapiyawalre njaji tsolrodaonai aimadan, Jliaji noemalri ipeyajle, nocadaa caotsa Acab icapaca njoa jliadaa jecoapica jliaji.'' ¹⁶ Niini Abdia iawa Acab icjoete, lricaité carro lricapaca Elía. Niini Acab iawa Elía icjaolre. ¹⁷ Acab icapa cádanaco Elía, lriaco lrirso: ''¿Icatsa pjia, Elía? ¡Icatsa pjia, imalrica nacapa njaji iraelitanai!'' ¹⁸ Niini Elía jiepani, lriaco lrirso: ''Cotsa njoaca imalrica nacapaca njaji Iraelnai, pjia decja, njite njaji pjinirri ikitsiñape imaca capoa njaji iacoti wa Minalri inaalri jiepaca, iáa capoa njapodam nja idolonape Baal. ¹⁹ Niini panaya, pimeenaca iacoti narso njaji Iraelnai nanó carro pjiomi nawacacawa Awacada Carmelo ricó, nja tsacja njaji cotrociento cincoenta profetanai Baal irsoperri njite njaji cotrociento cincoenta profetanai Asera isopeeri tsacja, njaji injacape Jezabel inai romesan nacó.'' ²⁰ Ikeena Acab imeenaca iacoti narso pjiomi njaji iraelitanai njite lriwakeeta pjiomi njaji profetanai Awacada Carmelo ricó. ²¹ Njite Elía itsomita njaji inaiki aimadan, lriaco narso: ''¿Coan caojli pjenaotsa ipadameeta iwaopiakje naoya nja idolonai? Ajádalri cadaa Dioca jliaji wa Minalri, iáa watsa Jliapodam. Mitsa Baal cadaa jliaji dio ajádalri, iáa pedacaotsa jliapodam.'' Mitsa njaji inaiki corrin nacaite pada iacoti Elía irso cayo cadanaco lricaitecana. ²² Elia iaco narso njaji inaiki aimadan: ''Padetsa njoa Dio iprofetan iomjerri, mitsa njaji profetanai Baal irsoperri coatrociento cincoenta atsianai namaimaca. ²³ Njite panaya inaa nadeeca warso yaamana toro. Njite icadaotsa naniwanaca narsowao apana toro nanacjoite nacadowá carron njite nacadaotsani tiyena naco, mitsa corriotsa nawacá carroca tiyee lriapjite. Cayo tsacjaotsa nomatsietaca jliaji apana toro, nocadaotsan tiyeena nacó, mitsa corrin tsacjaotsa nowacá carroca tiyee lriapjite. ²⁴ Njiteotsa jia itatjaotsa idiote iipitana naco, njiteotsa njoa notatjaotsa no Minalri iipitana naco, njite cocacaotsa nanacjoite ikerrata tiyee nanaco, jliá pedacaotsa Dio.'' Niini pjiomi naji inaiki aimadan nacaite Elía irso matsia catsa cayoji lricaite capisho. ²⁵ Njite Elía iaco narso njaji profetanai Baal irsoperri: ''Iniwana irsowao apana toro njite imatsieta inita matsia irsowaoni, ima aimadanca jia. Njiteotsa itatja idiote ipitana naco, mitsa corriotsa iwacá carroca tiyee lriapjite jliaji icada caawa inaco jliaji toro.'' ²⁶ Icamina njepa namatsieta jliaji toro nacadanda narso, ikena natatjaca Baal iipitana naco piyompinacjoite mayacan jeeri icjaolre, naaco: ''Baal, pjimica warso.'' Mitsa corrin coca pjemi jiepacana, corrin pjemica pada. Narrapa lriwaida naco jliaji altar nanaitjanda. ²⁷ Njite mayacan cádanacoena jerri, Elía icaa naicao njaji Baal iprofetan, lriaco narso: ''¡Cjaida pja iwanaca! ¡dioca jliaji Baal! Panjii lriwaopia catoa, o lridenji catoa pada, o lriá catoa paafe ricojle, o lrimaa catoa, irsotsa icafietacani.'' ²⁸ Ikena nawanaca cjaida pja, njite nayoacawa njawaca waacatsa matseeta sho, molroco sho cayotsa nanaitjaaca capishotsa mana njite nerrana iarro nanacotsa. ²⁹ Mayacan jerri jiyapawa, njite dainoma naicawa jlinaana nacoena namjaitacawa maaficalri Dio irso, mitsa njaji Baal iprofetan nanaitjaacawa cayoji manjicaperrim sho; mitsa corrin pjemi pada iacoam jliepa cantjana, corrin pada iwapa jimi narso coanca natatjaca. ³⁰ Niini, Elía iaco narso njaji inaiki aimadan ''Inoena, itsoomita ajerriji.'' Njite pjiomi njaji inaiki natsoomitan. Niini, Elía imatsieta matsia jliaji altar wa Minalri ialtarni namatsicanda. ³¹ Elía jipa doce jiipada, pada jiipada icaite papoco naco nanaco njaji Jacob ienipe, ima Jacob irso piaca wa Minalri icaite cayoji: ''Irael watsa piipitana.'' ³² Nasho njaji jiipada lrinaitja pada altar wa Minalri iipitana naco, njjite jlica jiipai tjewaca, jlipacawa kince litro icoa ooni. ³³ Lricadaa nja tiyeena matsia tiyee ipia, njite lricadowa jliaji toro lricadaa carro nanaco nja tiyeena lriwaketaji. Njite Elía iaco narso: ''Ipacjanta ooni sho coatroapi palangana iarró carro lrinaco jliaji maaficalri pamjaitaoda njite nanaco njaji tiyeena tsacja.'' ³⁴ Lriaco tsenacja narso: ''Inaitja tsenacja ipieta yamapia shopa,'' njite nanaitja cayo yamapia shopa. Lrinaa tsenacja naarroca ooni madalripia shopa, njite nanaitja tsenacja cayoji lricaite capisho madalripia shopa. ³⁵ Njite aima ooni iarroca nanaco atee pacjanca jliaji ooni njecaniapji rico lriwaida nacó. ³⁶ Njite dainoma cádanacoena, jlinaana lrico namjaita cawa lrico ofrenda Dio irso, ikena jliaji inoparrotacada Elía itsoomita jliaji altar, lriaco: ''Pjia noMinalri, Abraham iDiote, Isaac iDiote, Jacob IDiote tsacja, njite pirsodalrica njoa, nonaitjaca pjiomi njaji piaco sho. ³⁷ Pjimica norso noMinalri, pjimi norso, nanjíi carro njaji inaiki aimadan, icatsa wa Minalri Dioca Pjia, njite picadaa caotsa nadiáca naoma Pjia.'' ³⁸ Ikeena wa Minalri icadaa tiyee jiwacawa lrinaco jliaji maaficalri ofrenda, nanaco nja tiyeena, jiipada naco, jiipai italre nacó, njite lriperro jliaji ooni njecaniapji ricoda. ³⁹ Njite njaji inaiki nacapa cádanaco jliaji tiyee, ikeena njewacawa jiipai nacojle, njite naaco: ''¡Icatsa Dioca jliaji wa Minalri. Icatsa Dioca jliaji wa Minalri!'' ⁴⁰ Njite Elía iaco narso: ''Jipa pjiomi njaji Baal iprofetan. Macadatsa iomjeca pada nanacjoite.'' Niini njepacana pjiomi, njite Elía ideena onipaocja Cison dalri ricojle lriinó carro nirsena. ⁴¹ Njite Elía iaco Acab irso: ''Pjinicoenawa pinjá carro, pirrá carro tsacja, ima iiya caotsa maatsina.'' ⁴² Niini Acab injaca, lrirra tsacja, njite Elía jirrawa lripolrico nacojle jliaji jiipana Carmelo, ikeena lricoanjacawa jiipai nacojle jliwaacatsa, lricadaa lriecoa lriorsipada ipecolico. ⁴³ Njite lriaco lrirsodalri irso: ''Pjinicoa, pia carro picapa manoa icjaolre.'' Njite Elía irsodalri iaco lrirso: ''Cotsa coca pacapa.'' Njite Elía iaco lrirso tsenacja: ''Pia pjenawa, picapaotsa nirse siete walria.'' ⁴⁴ Niini siete walria nacojlena, lrirsodalri icapa pada iyadaoca tsodalritsa, pada atsia icaapi icoa shodalritsa jinicocawa manoa nacjoite. Niini Elía iaco lrirso: '' Warsa pia picaite Acab irso cayoji: ''Pimatsieta pi caballon cacarretan dalri pidia carroenawa iiyao ipjeya.'' ⁴⁵ Njite kjeyatsa, ikena cadaocaca pjiomi eeno iecoa iyadaoca sho njite caolri tsacja. Ikaamina iiya jiwacawa. Acab jirra ketsa lri caballon naco lridia carrowa Jezreel ricojle, ⁴⁶ mitsa Dio icadaa Elía naco lrianjiikje. Njite Elía jipa jirreta lritsayanalre jiwalripaca lri cintoron ipecolrico jlieco carro Acab jiapodam, lria lriema lrioya tsoomina pjewa carroena Jezreel lricojle.