¹ Ndini munhu wakaona dambudziko pashi pendonga youshungu hwake. ² Wanditungamira, akandiunza muchidima, musina kujeka. ³ Ngegwinyiso wafuratidza nyara yake kurwa neni ndega, zuva ngezuva reshe. ⁴ Waita kuti nyama yangu neganda rangu zvichembere, akagura magodo angu. ⁵ Wandiakira rushosha, akanditendenedza ngechanduru nokurwadziwa. ⁶ Wakandiita kuti ndigare muchidima, kudai ngaavo vakafa karetu. ⁷ Wanditendenedza ngorushosha, kuti ndisakona kutiza; wandisunga ngemaketani anorema. ⁸ Kunyazwi ndikadaidzira nokuchema kuti ndidetserwe, unokonyera kubanze mukumbiro wangu. ⁹ Watsiira njira dzangu ngamapuwe akatsetswa, washongorosa njira dzangu. ¹⁰ Kwendiri wakadai ngebheya, iro rinohwarira inini, kudai ngemhondoro yakahwarira, ¹¹ wandipausa kubva munjira yangu, akandidambura kuita zvigurwa; akandiita murombo. ¹² Wakwamura uta hwake, akandiemesa kudai ngechipimo chokufura kwemusee wake. ¹³ Wafura misee yechikomwe chake mutsvo dzangu. ¹⁴ Ndaizwa chishekedzo kuvanhu vangu veshe, nokuizwa ruyo rwavo zuva reshe. ¹⁵ Wandizadza ngokuvava, wandirairisa mvura yomuti unovava. ¹⁶ Waita kuti mazino angu akuyike ngetsanza; wanditononesa mumadota. ¹⁷ Mweya wangu uri kuretu kubva murunyararo; ndariyarwa kuti kugarisika kudini.

18.

¹⁸ Ndizvo ndinoti, “Simba rangu rapera nazvo zveshe zvendaigondera kubva kunaMambo Mwari. ¹⁹ Ndinokarakadza kurwadziwa kwangu nokunzerereka kwangu, muto womuti unovava nechanduru. ²⁰ Mweya wangu unoangira kupinimidza ndizvo, unokotamiswa pashi mukati mwangu. ²¹ Asi ndichakarakadza ichi, ndizvo ndichine gonda: ²² Nyasha dzinorudo dzaMambo Mwari dzinoita kuti tisapedzwa, ngokuti kuzwiro urombo kwake akuperi. ²³ Itsva mangwanani eshe; kugonda kwako kukuru. ²⁴ “Mambo Mwari uri chikoaniswa changu,” unoronza mweya wangu; Ndizvo ndinozoisa gonda rangu mwaari. ²⁵ Mambo Mwari wakanaka kwevari vanomugarira, kumweya unomutsvaka. ²⁶ Zvakanaka kuti munhu agarire mukunyarara ruponeso rwaMambo Mwari. ²⁷ Zvakanaka kuti munhu atware joka achi muutsva hwake. ²⁸ Ngaagare ega mukunyarara apo Mambo Mwari amutwarisa, ²⁹ ngaaise muromo wake mubukuta, kuti pamweni kungaapo gonda, ³⁰ ngaapire tsaya kwaari unomuchaya; azadzwe ngokutukwa. ³¹ Ngokuti Mambo Mwari aazorashi mhera nariini. ³² Kunyazwi anyaunza kusvipo mwoyo, unozoitira nyasha kudai ngouwandu hwenyasha dzake dzinorudo. ³³ Ngokuti aatambudzi nokuti kusvipisa mwoyo vana vevanhu ngokuda. ³⁴ Naapo mabanditi eshe munyika apwanyirwa pashi petsoka, ³⁵ apo maruramiro omunhu abviswa kwaari pamberi pehope yoUwo-Uri-padera-pezveshe, ³⁶ apo ndaa yomunhu yapauswa, aazvioni here Mambo Mwari. ³⁷ Ndiani ungapanga, nazvo zvechiitika, kuti Mambo Mwari asikazi kuzvipanga? ³⁸ Zvakanaka nezvakashata azvibvi pamuromo woUwo-Uri-padera-pezveshe here? ³⁹ Munhu unopona unovhuruvhuta ngenyi ngokuororwa ngendaa yezvishaishi zvake? ⁴⁰ Ngatiringisise nokuedza njira dzedu, tihwirire kunaMambo Mwari. ⁴¹ Ngatimirudze mwoyo yedu pamwepo nenyara dzedu kunaMwari wedu uri mudenga. ⁴² Takapauka nokumukira; auzi kutirekerera. ⁴³ Wadziputira ngoushungu ukatirumbirira; wechiuraya usikakunguriri. ⁴⁴ Wadziputira ngegore, kuti kusaapo nomukumbiro ungapindamwo. ⁴⁵ Watiita kuti tidai ngemarara nezvinorashwa pakati pevanhu. ⁴⁶ Magaa edu eshe atishamira miromo yawo kurwa nesu. ⁴⁷ Kukaruka nehunza zvatigumira, urombo nokuparadzwa. ⁴⁸ Madziso angu anoerera ndwizi dzemasodzi, ngendaa yokuparadzwa kwevanhu vangu. ⁴⁹ Madziso angu anozoerera asikarekeri asikagumi. ⁵⁰ metsa Mambo Mwari aringira pashi, kubva mudenga aone. ^{52 51} Madziso angu anotambudza mwoyo wangu ngendaa yevanasikana veshe vedhorobha rangu. 52 Avo vaiya magaa angu ndisina ndaa vakandirumbirira kakurutu, kudai ngeshiri. ⁵³ Vakandikandira murindi ndechipona, vakakandira mapuwe padera pangu. ⁵⁴ Mvura yakafukidza padera pesoro rangu; ndakati, “Ndafa. ⁵⁵ Ndakadaidza zina rako, O Mambo Mwari, kubva muudzamu hwerindi. ⁵⁶ Wakazwa kupota kwangu: Usatsiira nzee dzako, kunokuchema kwangu, kwokuda kudetserwa. ⁵⁷ Wakakwedzera pasinde apo pendakadaidza kwouri; wakati, Usatya. ⁵⁸ . Waereketa ndaa dzomwoyo wangu, O Mambo Mwari; waripira kupona kwangu. ⁵⁹ Waona kushata kwaitwa kwendiri; O Mambo Mwari, tonga ndaa yangu.

60.

⁶⁰ Waona kuunzidzira kwavo kweshe, nezvevakaronga ndini. ⁶¹ Wazwa kushoora kwavo, O Mambo Mwari, nokuronga kwavo ndini. ⁶² Zvinovherevhedzwa nokugunun'una ngemagaa angu zvinonditambudza zuva reshe. ⁶³ Kunyazwi kugara pashi nokuti kumiruka ringira, ndiri ruyo rwavo. ⁶⁴ Vaunzidzire, O Mambo Mwari, kudai ngomushando wenyara dzavo. ⁶⁵ Vape mwoyo yakakonza; kutuka kwako ngakuapo padera pavo. ⁶⁶ Varumbirirenyi muushungu, muvaparadze kubva pashi pematenga aMambo Mwari.