¹ Hino Josefa wainga asikachakoni kudzibata pamberi pavo veshe vaiema paduze pake. Akadaidzira echiti: “Budisai mundhu weshe kubva kwendiri.” Ndizvo apana naumwe wakaema naye apo Josefa paakadziziisa kuvakoma vake. ² Ena Wakachema kukuru vaEgipite vakazwa, nevembhatso yaFaro vakazvizwawo. ³ Josefa wakati kuvakoma vake: “Ndini Josefa. Baba angu vachapona here?” Asi vakoma vake avazi kukona kumupingura, ngeekuti vakatkiswa ngekuapo kwake. ⁴ Apo Josefa wakati kuvakoma vake: “Ndapota, kwedzerai kwendiri.” Saka vakakwedzera. Ena akati: “Ndini Josefa munukuna wenyu wemwakatengesa kuEgipite. ⁵ Musatambudzika nEkuti kudzishoora, ngekundi tengessera uno, ngekuti Mwari wakandituma ngepamberi penyu kuti ndiponese ndaramo. ⁶ Pamakore mairi, pane nzara panyika nekutizwe makore mashanu mwevasikazorimi neku kukura. ⁷ Mwari wakandituma kwamuri kuti ndimungwarire muite vanosara panyika, nekuponesa vazhinji ngekusunungurwa kukuru. ⁸ Ndizvo saka, andimwipi mwakandituma unono, asi ndiMwari; ndiye wakandiita baba kunaFaro, namambo wevembhatso yake yeshe, nemutongi wenyika yeshe yeEgipite., ⁹ Kasirai mukwire kunababa angu, mwechiti kwavari: ‘Izvi ndizvo zvinoronza mwana wenyu Josefa, Mwari wakandiita mambo weEgipite reshe,dzakai kwendiri, musanonoka. ¹⁰ Munozogara munyika yeGosheni, iri pasinde pangu, imwimwi nevana venyu, nevana vevana venyu, nezvifuyo zvenyu nemihlambi yenyu nazvo zveshe zvemunazvo. ¹¹ Apo ndinozomungwarira, ngokuti achipo makore mashanu enzara; kuti imwimwi nemhuri yenyu, nazvo zveshe zvemunazvo musazogumirwa ngeurombo.’, ¹² Wonai madziso enyu anoona, namadziso omunukuna wangu Bhenjamini anoona, kuti muromo wangu unoreketa nemwi. ¹³ Muchaita, Munozovaziisa baba angu ngeukuru hwangu weshe muEgipite, nazvo zveshe zvemwakaona. Mukasire kuvadzasa baba angu kuno.” ¹⁴ Wakakwambatira pamutsipa waBhenjamini munukuna wake, vairi akachema vakakwambatirana. ¹⁵ Ena wakazo chingamidzazve vakoma vake veshe ngemuromo. pakupera kweizvi, vakoma vake vakareketa naye. ¹⁶ Iyi mbiri yazvo yakazwika mumbhatso yaFaro kuti: ''Vakoma vaJosefa vaguma, zvakanasa kudakadza Faro nevaranda vake. ¹⁷ Faro wakati kunaJosefa: “Wechironzera kuvakoma vako wechiti: ‘Itai izvi: twarisai mbongoro dzenyu, mupetuke kunyika yeKhenani. ¹⁸ Mutorezwe baba enyu nembhuri dzenyu muuye kwendiri. Ndinozomupa zvakapinda kunaka zvenyika yeEgipite, nemwi munozorha zvakanuna zvenyika’. ¹⁹ Vapangezve, ‘Itai izvi: torerai vana venyu nevakadzi venyu ngoro kubva muno munyika yeEgipite, mutore baba enyu, muuye. ²⁰ Musafunga ngezviro zvenyu, ngekuti kunaka kwenyika yeshe yeEgipite ngekwenyu’”. ²¹ Vana vaIsuraeri vakaita sekudaro. Josefa wakavapa ngoro, kudai ngezvaakapangwa ndiFaro, naye wakavapa mbuva yemunjira. 22 ²² Wakavapa veshe umwe ngaumwe zvipani zvokusimira, asi wakapa kunaBhenjamini zvigurwa zvesirivha mazana matatu, nezvekusimira zvipani zvishanu. 23 ²³ kunababa ake Wakatumirazve izvi: mbongoro gumi dzakatwariswa zviro zvakanaka zveEgipite, nembongoro dzehadzi gumi dzakatwariswa zviyo nezvingwa nezvokudya kuita mbuva yababa ake munjira. ²⁴ Saka, wakatuma vakoma vake, apo vekaenda wakati kwavari: “Musazorhwa munjira.” ²⁵ Vakabva Egipite, vakaguma munyika yeKhenani kunababa avo Jakobe. ²⁶ Vakavaronzera vechiti: “Josefa uchapona, ndiye mutongi wenyika yeshe yeEgipite.” neMwoyo waJakobe wakapera simba, ngekuti aazi kuvagonda zwevaireketa. ²⁷ Asi apo wakaronzera mazwi eshe ainga akareketwa naJosefa. Jakobe paaka ona ngoro dzaakatumira Josefa kuvatwara, mweya waJakobe baba avo wakamusirirwa. ²⁸ Isuraeri wakati: “Zvakwana. Josefa mwana wangu uchapona. Inini ndinozoenda komuono ndisati ndafa.