¹ Josefa Wakapanga mungwariri wembhatso yake echiti: “Dzadza masaka evamuna ava ngezvekurhya, kudai ngekwevanokona kutwara, uise mare yomundhu weshe mumuromo wesaka rake. ² Uise tsani yangu, tsani yesirivha, mumuromo wesaka remudoko, nemare yemutengo wezviyo zvake.” Ena wakaita kudai ngeizwi raakareketa Josefa. ³ Ngemangwanani, vakomana enda kovaisa ne nembongoro dzavo. ⁴ Apo pavainga vabuda kubva mudhorobha, vasati vaakuretu, Josefa wakati kune mungwariri wembhatso yake: “Muruka, uteere vakomana avo, apo ukawavabata, vavundze wechiti: ‘Mwaunzidzira ngenyi zvakanaka ngezvakashata? ⁵ Ichi andichopi here chaanomwa ndicho mambo wangu nekufembera ndicho? Ngegwinyiso mwaita zvakashata ngekuita kudaro''. ⁶ Mungwariri wakavabata, akaphinda kwavari aya mazwi. ⁷ Vakati kwaari: “Mambo wedu unoreketa ngeyi mazwi akadai? kuretu kwevaranda wenhu kuti vaite chiro chakadaro!, ⁸ Ningira, mare yetakaona iri mumUromo yemasaka edu, takaiunzazve kwEuri kubva kunyika yeKhenani. Ndizvo, saka, tingaita mabireyi sirivha nekuti mukore mumbhatso yamambo wako? ⁹ Kunyazwi ndiani wevaranda vako weinozooneka anayo, ngaafe, nesuzve tinozoita hloko dzamambo wedu.” ¹⁰ Mungwariri Wakati: “Ngakuitikezve kudai ngemazwi enyu. Uwo ozooneka anayo, unozoita hloko yangu imwimwi mweshe munozoita vasina ndaa.”, ¹¹ Saka, mundhu weshe wakakasira kutura saka rake pamavhu, munhu weshe wakabeura saka rake. ¹² Mungwariri Wakatsvakisisa, akatanga ngekumukuru, akapedzisira ngekumudoko, tsani yakaoneka musaka raBhenjamini. ¹³ Apo mwesa zvekusimira zvake. Mundhu weshe wakatwarisa mbongoro yake, vakahwirira kudhorobha. ¹⁴ Apo Judha nehama dzake vakauya kumbhatso yaJosefa. Ena wainga achipo, navo vakawa pashi pamberi pake. ¹⁵ Josefa wakati kwavari: “Chiinyi ichi chemwaita? Amuzii here kuti mundhu wakadai ndini unokona ngegwinyiso kufembera?” ¹⁶ Judha wakati: “Tichatikudhini kunamambo wangu?Tichatikudhini? Tingachadzipembedza ngekuiteyi? Mwari waonisa kushata kwevaranda vako. Wona, taa hloko dzamambo wedu, teshe isusu nouwo weyaoneka kwaari tsani.” ¹⁷ Josefa Wakati: “Mwari asatenda kuti ndiite kudaro. Munyara mweMundhu uwo weyaoneka kwaari tsani, ena unozoita hloko yangu, asi imwimwi kwirai muende mukunyarara kunababa enyu.” ¹⁸ Aapo Judha wakakwedzera kwaari, akati; “A mambo wangu, ndapota, tendera muranda wako kuti arekete izwi mukuzwa kwamambo wangu, husazobaka ushungu wako kune muranda wako, ngekuti iwewe wakadai ndiFaro emene. ¹⁹ Mambo wangu wakabvunza varanda vake echiti: ‘Muna baba here kana munukuna?’, ²⁰ Nesu takati kunamambo wangu: ‘Tina baba, harahwa, nemwana weusharuka hwake, mudoko.Asi, nemukoma wake wakafa, ndiye ega wasara mwana wamai ake, nababa ake vanomuda. ²¹ Saka, newe wakaronzera varanda vako wechiti: ‘Mudzaseyi kwendiri, kuti ndimuone ngemadziso angu.’ ²² Kubva kweizwi, Isusu takati kunamambo wangu: ‘Murumbwana aangasii baba ake, ngekuti kudai echizosiya baba ake, baba ake vangafa.’ ²³ Newe wakadhaira kuvaranda vako wechiti: ‘Kudai asikadzaki nemwi, musazo uyazve pamberi pangu’. ²⁴ “Apo, takakwira kune muranda wako baba angu, takavaronzera mazwi amambo wangu. ²⁵ Baba edu vakati, ‘Endaizve, mutitengere kudya kushomani’. ²⁶ Saka, Isusu takati: ‘Atikoni kudzakeyo, kwega kuti munukuna wedu mudoko aende nesu, naapo tinozodzaka; ngokuti atizokoni kuona hope yemundhuwo, kwega kuti munukuna wedu mudoko unesu.’ ²⁷ Muranda wako, baba edu, vakati kwetiri: ‘Munozia kuti mukadzi wangu wakandibarira vanakomana vairi. ²⁸ Umwe wavo wakabuda kubva kwendiri, neni ndakati, ngegwinyiso wakabvajurwa kuita zvigurwa, andizi kuchazomuonazve. ²⁹ Kana, Kudai mwechitora uyuzve kubva kwendiri, nechakashata chechizomugumira, munozodzasa bvudzi rangu rinemvi kuiba ngekusvipa mwoyo’. ³⁰ Ndizvo, apo pendinozoguma kunemuranda wako baba edu, asipo nesu, ngekuti kupona kwavo kwakasungwa pamwepo nekupona kwemurumbwana, ³¹ Pachaitika kuti, paanoona kuti murumbwana aasiripo akadi nesu, vanozofa; nevaranda vako vanozodzasa bvudzi rinemvi romuranda wako baba edu muiba ngokusvipa mwoyo. ³² Ngekuti muranda wako wakaita chibatiso chemurumbwana kunababa edu ndechiti: ‘Kudai ndisikazomupetudzi kweuri, saka ndinozotora ndaa kunababa edu mhera nariini.’ ³³ Ndizvo, saka, ndapota, tendera kuti muranda wako asare pandau yemurumbwana kuita hloko kunamambo wangu, murumbwana akwire kuenda nevakoma vake. ³⁴ Ngekuti ndingazoita makwirirenyi kunababa angu, murumbwana asiripo neni? Ndinotka kuzoona kushata kunozowira padera pababa angu.”