¹ Mumazuva amambo Amraferi weShina, mambo Ariokhi weErasa, mambo Kedhoraoma weEramu, namambo Thidhari weGoyimu, ² madzimambo aya akarwa hondo namambo Bhera weSodhoma, mambo Bhirsha weGomora, mambo Shinabhi weAdhima, mambo Shemebha weZebhoimu, namambo weBhera, (iro ndiro Zoa) ³ Aya madzimambo mashanu ekupedzisira eshe vakasangana muBani reSidhimu, (ndiro Ruandhle rwoMunyu.) ⁴ Pamakore gumi nemairi Vakashandira Kedhoraoma, asi ngegore regumi namatatu vakamupandukira. ⁵ Pakadharika gore rechi gumi nemarongomuna Kedhoraoma wakauya, namadzimambo awo ainga naye, vakanyisa vaRefaimu muAshiterothi-karenaimu, vaZuzimu muHamu, vaEmimu muShavhe- kiriathaimu, ⁶ nevaHori munyika yemutunhu weSeira, metsa kuguma Eri-pharani, iro riri pamuganu peshango. ⁷ vakazopetuka vakaenda Eni-mishipati, (iro ndiro Kedheshi), vakanyisa nyika yeshe yevaAmareki, navo vaAmori vaigara Hazazoni-thama. ⁸ Pamberipo mambo weSodhoma, mambo weGomora, mambo weAdhima, mambo weZebhoimu namambo weBhera (iro ndiro Zoa) vakabuda, vakaronga hondo kurwa navo muBani reSidhimu, ⁹ namambo Kedhoraoma weEramu, mambo Thidhari weGoyimu, mambo Amraferi weShina namambo Ariokhi weErasa: madzimambo marongomuna echirwa nemadzimambo mashanu. ¹⁰ Bani reSidhimu rainga rakadzara ngemugodhi yebhithumini, apo madzimambo eSodhoma neeGomora vatiza, vamweni vakawiremwo. Vayani vakasara vakatizira kumatunhu. ¹¹ Saka, Magaa akatora pfuma yeshe yeSodhoma neGomora, nokudya kwavo kweshe, vakaenda. ¹² Vakatorawo Roti mukororo wemunukuna waAbrama, uwo waigara muSodhoma, nepfuma yake, vakaenda. ¹³ Uumwe ainga akatiza, wakauya akaronzera Abrama muHebheru, uwo waigara pamiti yemiokhi yeMamure muAmori, mukoma waEshikhori nomukoma waAna, ava vakabatana pamwepo naAbrama. ¹⁴ Apo Abrama azwa kuti hama yake yakabatwa kuitwa hloko, wakatungamirira varwi vake vakadzidziswa, vakabarwa mumhatso yake, vainga mazana matatu negumi navasere, wakavarumbirira kuguma Dhani. ¹⁵ Ena wakapaura varwi vake usiku, varanda vake wakavanyisa, akavarumbirira kuguma Hobha, dera kweDhamasekusi. ¹⁶ Wakapetudza pfuma yeshe, akapetudzawo Roti hama yake nepfuma yake, vakadzi nevamweni vanhu. ¹⁷ Abrahama paakabva korhwa na Kedhoraoma nemadzimambo ainga naye, mambo weSodhoma wakabuda koosangana naye muBani reShavhe, (iro ndiro Bani raMambo). ¹⁸ Namambo Merekhizedheki weSaremu wakaunza chingwa nevhini. Ena wainga mupristi waMwari Uripadera-Pezveshe. ¹⁹ Wakamufumisa, Abrama, akati: “Ngaafumiswe Abrama ndiMwari Uripadera-Pezveshe, muiti wedenga nenyika. ²⁰ Ngaakudzwe Mwari Uripadera-Pezveshe, uwo wakaisa magaa ako munyara dzako.” Abrama wakamupa chimwe chegumi chazvo zveshe. ²¹ Mambo weSodhoma wakati kunaAbrama, “Ndipe vanhu, asi iwewe utore hako pfuma.” ²² Asi Abrama wakati kunamambo weSodhoma, “Ndakapika kunaMambo Mwari, Mwari Uripadera-Pezveshe, muiti wedenga nenyika, ²³ kuti andizotori katambo, nekuti risinga rwegwada, kanai chiro nachimwe chiri chako, kuitira kuti usazoronza kuti, ‘Ndini ndakafumisa Abrama.’ ²⁴ Andizotori chiro asi izvo zvakadyiwa ngemajaha, nechikoaniswa chevanhu avo vakaenda neni, Ana, Eshikhori naMamure. Ngavatore chikoaniswa chavo.”