¹ Kristu wakatisunungura akatiita vakasununguka. Ndizvo emai mwakagwinya, musachasungwazve mujoka reuranda. ² Izwai! Inini Phauri ndinoti kwemuri, kudai mwechiashira kuchekwa, Kristu aadetseri chiro kwemuri. ³ Inini ndinopupura kumunhu weshe unoashira kuchekwa kuti ena unemutari wekungwarira Mupango weshe. ⁴ Imwimwi munoda kupembedzwa ngeMupango mwakadziparadzanisa kubva kunaKristu. Mwawa kubva kunyasha. ⁵ Ngokuti kubudikidza ndiMweya ngekugonda tinogarira gonda rekururama. ⁶ Ngokuti munaKristu Jesu zveshe kuchekwa nokusikachekwa azvidetseri chiro, chiro chimwe chega chinodetsera kugonda ukwo kunoshanda kubudikidza ngerudo. ⁷ Imwimwi mwairumba zvakanaka; ndiani wakamuramurambidza kuti musazwka gwinyiso? ⁸ Uku kunyengererwa akubvi kuneuwo wakamudaidza. ⁹ Zvimumera zvidooko zvinofemesa hlama yeshe. ¹⁰ Ndinogonda munaMambo, kuti amuzotori mukarakadzo umweni. Asi kunyazwi ndiani unomukangaidza unozodzitwarira kutongwa kwake. ¹¹ Asi inini, hama, ndichatambudzirweyi kudai ndichachumaira kuchekwa? Kuti zvakadaro chipumhuniso chomuchinjiko chaduswa. ¹² Ndinoda kuti avo vanomunzeremusa dai vaizodzicheka pachavo. ¹³ Ngokuti imwimwi, hama, mwakadaidzwa kuti muite vakasununguka kwega musashandisa kusununguka kwenyu kuti kumutendere kuita zvenyama, asi ngorudo shandiranai umwe kunoumweni. ¹⁴ Ngokuti Mepango yeshe inozadziswa ngomupango umwe, unoti, “Unozomuda muakirwana wako kudai ngokudzida kwako iwewe.” ¹⁵ Asi kudai mwechirumana nekudyana, ngwarai kuti musazopedzana. ¹⁶ Asi ndinoti, “Hambai ngeMweya, nemwi amuzoiti kuemura kwenyama.” ¹⁷ Ngokuti kuemura kwenyama kunorwisana noMweya, nokuemura kwoMweya kunorwisana nenyama, ngokuti izvi zvinopesana chimwe nechimweni, kumurambidza kuti musaita zvemunoda. ¹⁸ Asi kudai mwechikweyiwa ndiMweya, amusiri pashi peMupangopi. ¹⁹ Zvino mushando yenyama inooneka pambhene, ndiyo iyi: kuomba, kusikasukika, kuemura, ²⁰ kudira miedzaniso, kuringidza, kunyenya, hasha, ndurumwa, ushungu, kudzida, kuparadzana, kudzidzisa manyepo, ²¹ kururumwa, kuradza, kushadaya nezviro zvakadaro. Ndinomupanga kudai ngezvendakamupanga kare, kuti avo vanoita zvakadaro avazogari nhaka yeumambo waMwari. ²² Asi muchero yeMweya irudo, kudakara, kunyarara, kushinga, nyasha, kunaka, kugondeka, ²³ kupfaa, kudzibata. Akuna mupango unorwisana nezvakadai. ²⁴ Naavo vari vaKristu Jesu vakakohomera nyama pamwepo nekudisisa nekuemura kwayo. ²⁵ Kudai techipona ngeMweya, ngatihambe ngeMweya. ²⁶ Tisadziganzisa nokuti kutsenesana kanakuti kururumwirana.