¹ Ndizvo ngokuti Kristu wakatambudzika munyama, imwimwiwo pfekai mupfungwa yakatodzana, ngokuti munhu wakatambudzika munyama wakarekera kushaisha. ² Kuti mupone ndaramo yenyu yeshe, haiwa munyama kuita kuemura kwevanhu, asi ngokuda kwaMwari. ³ Ngokuti mwakapedza mukuwo wakakwana mukuita izvo zvaidiwa kuitwa ngevemadzinza, kuhamba mukushata, kuemura, kudhakwa ngevhini, kutamba zvakashata, madhiri okumwa nokudira miedzaniso kunonyangadza. ⁴ Vanoshamiswa ngokuti amuchahambidzani navo mukuita zvakanyanya kushata, ndizvo vanomutuka. ⁵ Asi vanozodzipingurira kwaari uwo unoema akanasirira kutonga vanopona nevakafa. ⁶ Ngokuti iyi ndiyo ndaa yakaita kuti vhangeri richumairwe kunevakafa navo, kuti vatongwe munyama kudai ngokutongwa kwomunhu weshe, kuti vararame mumweya kudai ndiMwari. ⁷ Asi magumo ezviro zveshe aapasinde; ndizvo itai vakangwara, murinde mukukumbira. ⁸ Kupinda zveshe dananai ngorudo rukuru pakati penyu, ngokuti rudo runofukidzira zvishaishi zvakawanda. ⁹ Mwechikoverana umwe noumweni musikagunun'uni. ¹⁰ Kudai ngevangwariri vakanaka venyasha dzaMwari dzakapetwa, koanisiranai umwe kunoumweni kunyazwi ngechiri chipo chaakaashira umwe ngaumwe wenyu. ¹¹ Kunyazwi ndiani unoreketa ngaaerekete mazwi emene aMwari; kudai aripo unoshandira ngaashandire kudai ngesimba raanopuwa ndiMwari, kuti Mwari airikidzwe ngezviro zveshe kubudikidza ndiye Jesu Kristu. Ane unoutswene nekutonga mhera nariini nariini. Ameni. ¹² Vanodikanwa, musashamiswa ngokuedzwa kwakakura kuri pakati penyu, kunoita kudai ngechiro chinoshamisa chaiitika kwomuri. ¹³ Asi dakarai, kudai ngezvomunoashira chikoaniswa chokutambudzwa kwaKristu, kuti imwimwi mudakare nokudaidzira ngokudakara kurutu apo utswene wake. ¹⁴ Pounooniswa.14Kudai mwechitnyadzwa ngendaa yezina raKristu, mwakapfumiswa, ngokuti mweya mutswene uwo uri Mweya waMwari unogara padera penyu. ¹⁵ Asi kusazoapo naumwe pakati penyu unotambudzika ngendaa yokuita muurayi, mbavha, muiti wezvakashata nousikarekeri zvevamweni. ¹⁶ Asi kuti munhu echitambudzika ngokuita muKristu, asadana, asi ngaakudze Mwari ngokuti unezita iri. ¹⁷ Ngokuti nguva yaguma yekuti kutongwa kutange kumhatso yaMwari. Kudai kwechitanga kwetiri, kunozoita kwakadini kupedzisira kwevasikazkwi vhangeri raMwari? ¹⁸ Zve, “Kudai zvechikonzera vakatendeka kuti vaponeswe, chiinyi chinozoitika kunevasikadiri Mwari nevashaishi?” ¹⁹ Ndizvo avo vanotambudzika kudai ngokuda kwaMwari ngavapire mweya yavo mukuita zvakanaka,