¹ Honi Shinda sha moyo ayepo amba kwa Joshua, ² ''oambe kwa anu o muisilaele, kuamba echi 'A hangule mambongi o kuchilela aya naniamba kulyoko lya mushe. ³ Mukwame kuninga echi, munu oku paa munu koku kana kuhima echi athzemo. Aa mambongi po kenga a kukula o kuchilela ko munu yomuhe oyu na paa munu echi tele apaiwe naye. ⁴ Kenga akuchilela kokuhe koa mambongi ne no kukemana pa mengeneno oshelo shethzo mbongi, nokulumbununa shiamba shenji kwa kulu o mbongi. Honi wangu akumu twale mumbongi no kumupa ndau echi akale noo. ⁵ Ngechipo munu ayepo keya echi naa shwanishe onyinga omunu oyu na paiwa, honi anu omu mbongi kaloelile kupa oyo munu na paa munu kwawa amufota. kaloelile kukwama yo kengeyo mukonda echi kuma na paa mungenjenji kokukana kuhimenamo, kalo kana kala no shithzimbo nenji kukale. ⁶ Aloela kukala mumbongi kutwala apa akukemana mukuta thzo katulo, kutwala pa kufa koyu li muprisita sho kulu mwao mayuwa. Nehonine, oyu napaa mungenjenji kokukana kuhima echi ahuke ku mbongi thzenji no kulyuumbo lyenji, kumbongi thzenjikuya nachili.''' ⁷ Nehonine Maisilaele awopo a hangula Kedeshi omu Galilea mulitunga lyo mikinya thzo Nafetali, Shekemu mulitunga lyo mikinya thzo Efraimu, no Kariati Areba ( kulishoka no Hebroni ) mulitunga lyo mikinya thzo Juda. ⁸ Muthsambwa thza Jordani ku muvoyuwa wa Jeriko, awopo ahangula no Bezere mumbulwa kukutu omumikinya wo mumukuta wa Rubeni; Ramoti Gileadi, kutundelela mumukuta wa Gadi; no Golani mu Bashani, kutundelela mumukuta wa Manase. ⁹ Aapo oliyo mambongi na hanguliwa kwaanu o Isilaele nanu angana awa natungu noo, kuninga echi munu yomuhe oyu napaa munu mokukana kuhima atweshe kuchilelako echi awane kuliyala. Oyu munu po kapaiwa no lyoko lyo munu oyu nafoto kumuhushela omango mukonda wo unyinga ou na mwaa , kutwala shikati shoyo munu na ayaleliwa atange kukemana mukuta.