1 Muelelo omushili o loto opo uwela kwa Simioni, pa mukuta no mukuta. O shwana wo awopo ukala mukachi ko ushwana o mushovo wa Juda. 2 Mukushwana ko kuma nakukala Beresheba, Sheba, Molada, 3 Hazare Shuale, Bala, Ezemu, 4 Elutoladi, Bethulu, no Horema. 5 Simioni naye ayepo piwa Zikilagi, Beti Marekaboti, Hazare Susaha, 6 Beti Lebaoti, ne no Sharuhene. Aapo oliyo ma mbongi o likumi na ahatu, kupakapo no maumbo oo. 7 Simioni kalo ayepo kala no Aini, Rimoni, Etere, no Ashani. Aa opo akala ma mbongi ane kupakapo no maumbo oo. 8 Aa po kuma akalile pofochi, kupakapo no maumbo okuthzinguluka aa mambongi kukakuma ku Baalati Beere (mofochi no Rama mu Nagevu). Okupo kokushwana ko mushovo wa Simioni, kuthza mumukuta woo. 9 Kushwana ko mukuta wa simioni ayepo kukwama shipathsi sho kuthza ku mushovo wa Juda. Mukonda muve ounau piwa kushi kuta sha Juda po kuma wawakulelile nene, shikuta sha Simioni opo shitambulako oshwana kutundelela mukachi ko muve woo. 10 Muelelo wo mushihatu o loto awopo uwela ku mukuta wa Zebuloni, kuthza mushikota no shikota. Mainja okushwana koo ayepo kutatekela ku Saridi. 11 Mainja oo opo a thza kuwiko kutanekisha ku Maralaha no kukwata Dabesheti; kalo opo aka pitelela noku kalwale aka kalitanekelile no Jokeneami. 12 Kutunda Saridi mainja aopo apita kuthza echi wa kuthza kumuvoyuwa no kuthza ku mainja o Kisiloti Tabore. Kutunda apo ayepo athza ku Daberati ne opo aka kuma no ku Jafia. 13 Kutundapo opo apita kutamba muvoyuwa kukakuma ku Gati Hefere, ne ayepo athza ku Etehe Kazini; kutundapo ayepo athza ku Rimoni ne no ku piluka kutanekela ku Neaha. 14 Mainja ayepo petama kutamba ku mutulo ku Hanatoni ne no kukapwela mumulonga wa Ifataha Ele. 15 Eshi shilalanda po kuma sha shimbelelile no ma mbongi oKatati, Nahalale, Shimironi, Idalaha, ne no Betelehema. opo akala ma mbongi oku kwana likumi na eli, kupakapo no maumbo oo. 16 Oupo woliyo ushwana omukuta wa za Zabuloni, kuthza mu shikota no shikota, kupakapo aa ma mbongi, pofochi no maumbo oo. 17 Muelelo wo mushine o loto ayepo uwela kwa Isakare, kuthza mu shikota no shikota. 18 Shivaka sho kuma sha shimbelelile no Jezireele, Chesuloti, Shuneme, 19 Hafaraimi, Shioni, ne no Anaharati. 20 Mwoliyo kalo mwa kalile no Rabiti, Kishioni, Ebezi, 21 Remeti, Ene Ganimu, Eni Hadaha, ne no Beti Pazzezi. 22 Mainja o aopo aka kwata no ku Tabore, Shahazuma, no Beti Shameshi, ayepo aka pwela ku Jordani.Kuma mwakalile ma mbongi okukuma pa likumi no mutanu nathzo fochi, kupakapa no maumbo oo. 23 Oupo woliyo wakalile ushwana omukuta wa Isakare, kuthza muikota yoo - ma mbongi, kupakapo no maumbo oo. 24 Muelelo wo mushitanu o loto ayepo uwela ku mukuta wa Asere, kuthza mushikota no shikota. 25 Shivaka shoo kuma sha shimbelelile no Helikati, Hali, Beteni, Akshafa, 26 Alameleki, Amadi, ne no Mishale. Kuwiko mainja kuma akakumine ku karmele ne no ku Shilihore Libinati. 27 Honi aopo apiluka kutamba ku muvoyuwa ku Beti Dagoni ayepo athza mane kuka kuma ku Zabuloni, ne ayepo akakuma ku mulonga wa Ifataha Ele, kuthza ku mutulo ku Beti Emeki ne no ku Neiele. 28 Ne ayepo utwalelela kusho ku Kabule kukengisha ku mutulo. Ayepo athza ku Abidoni, Rehobi, Hamoni, ne no ku Kanala, ne kuka kuma no ku Sidoni shokulu. 29 Mainja ayepo ahuka ku Rama, ne aopo athza ku mbongi thzo shipaka sho mawe ku Tire. Nehonine ngapa a hukile ku Hosaha ne ayepo akapwela kulikulu lwale, mushivaka sha Akizibi, 30 Uma, Afeki, ne no Rehobo. kuma akalile ma mbongi okukuma pa makumi eli no ma mbongi eli kushimbelela pofochi no maumbo oo. 31 Ou woliyo wakalile ushwana o mukuta wa Asere, kuthza mushikota no shikota - no mambongi, kupakapo no maumbo oo. 32 Muelelo o mushitanu naufochi o ayepo o loto ayepo uwela pa mukuta wa Nafetali, pa shikota no shikota. 33 Mainja oo ayepo atundelela ku Helefu, no kutundelela ku Oke pa Zaananimu, kutwala ku Adami Nekebi no ku Jabineele, kutamba ku Lakumi; ayepo aka pwela pa Jordani. 34 Mainja ayepo a piluka kutanekela ku wiko kukengisha ku Azinoti Tabore no kuthza ku Hakoki; ayepo aka kwata no ku Zabuloni kumboela wenji, no kukakuma ku Ashere ku wiko ne no ku Juda kumuvo yuwa ku liviya lya Jordani. 35 Aa kalile ma mbongi o shipaka sho mawe po kuma akalile Zidimi, Zere, Hamati, Rakati, Kinereti, 36 Adama, Rama, Hazore, 37 Kedeshi, Edrei, ne no Eni Hazore. 38 Ayepo kukala kalo no Ironi, Migidale Ele, Horemu, Beti Anati, ne no Beti Shemeshi. Kuma kwa kalile ma mbongi oku kuma pa likumi na mutanu na ane kupakapo no maumbo oo. 39 Oupo woliyo wakalile ushwana wo mukuta wa Nafetali, pa shikota no shikota- ma mbongi kupakapo no maumbo oo. 40 Muelelo wo loto o mushitanu na wili ayepo uwela pa mukuta wa Dani, pa shikota no shikota. 41 Mainja ou shwana woo ayepo ushimbelela pofochi no Zora, Eshitaole, Ire, Shemesh, 42 Shaalabini, Aijaloni, ne no Itilaha. 43 Ayepo ku wanahala no Eloni, Timunaha, Ekroni, 44 Eletekeha, Gibetoni, Baalati, 45 Jehudi, Bene Berak, Gati Rimmoni, 46 Me Jarekoni, neno Rakoni kushimbelela pofochi no shivaka shitundelela ku Jopa. 47 Shivaka sho mukuta wa Dani owu sha monahalile kuwa onyena, Dani ayepo lwisha Leshemi ne ayepo amushimba.Ayepo alilwisha no otwe wo mwele, ayepo alishimba kukala liumbo lyo, ne awopo atungamo. Awopo ata Leshemi echi Dani, lithzina lya kukuwo Dani. 48 Ou woliyo wakalile u shwana wo mukuta wa Dani, pa shikota no shikota - ma mbongi, kupakapo no maumbo oo. 49 Apa amanine kuliela ela muve ou shwana, anu a Isilaele awopo ashimba kuu shwana woo kupa Joshua mwana Nuni. 50 Kuthza mukutumina kwa Shinda sha moyo awopo amutambeka mbongi ethzi alombile, Timinati Seraha mulitunga lyo mikinyathza Eferaimi. Ayepo thziumba nawane ayepo tungamo. 51 Ouwoliyo wakalile ushwana owo Eleazare muprisita, Joshua mwana Nuni, ne no aeteleli o mikuta no ikota ya Isilaele aelaelile no loto ku Shilo, posho thza Shinda sha moyo, ku wingeneno wo tente thzo shiwano. Honine awopo amanisha kuela litunga.