¹ Eli lyoliyo litunga atambekile aka mukuta wa Manase (Aye wakalile mweli wa Josefa) - lya, Makiri , oyo wakalile mweli wa Manase ne aye mwene wakalile tata wa gileadi. Ekulya Makiri kuma awa tambekile litunga lya Gileadi ne no Bashani, mukonda Makiri kuma akalile mukwelume wo mvo. ² Litunga honi opo ali tambeka ku mukuta wa manase awa shialilepo wahe, awa tambekile kuthza ko ikuta -Abiezere, Heleki, Asiriele,Shekemi, ne no Shemida. Awa kuma akalile ekulya Manase mwana Josefa, kuimaneniwa kuikota yoo. ³ Nehoni Zelofehadi mwana Heferi mwana Gileadi mwana Makiri mwana Manase kaakalile no mwana wo mukwelume, ambene shime owa mbuyama. Mathzina anenji owa mbuyama kuma akalile Mahala, Noa,Hogila,Milika, ne no Tiriza. ⁴ Awopo athza kwa Eleazare muprisita, Joshua mwana Nuni, ne no kuaendishi, ne awopo aka amba echi, ''Shinda sha moyo kuma atuminine Mushe echi tupiwe yo ku heta pofochi noa ndumbuthzetu.'' ne, kushupwela etuminina ya Shinda sha moyo, ayepo tambeka awo ambuyama shivaka sho kuheta mukachi ko andumnuthzo ana tata woo. ⁵ Ivaka yokukwana likumi yo mube kuma ai tambekile Manase mu Gileadi ne no Bashani, ethzi thza kalile muthsambwaaeli thza Jordan, ⁶ mukonda ana owa mbuyama a Manase kuma atambulile shivaka sho ku heta pofochi noa anenji owa kwelume. litunga lya Gileadi kuma alitambekile kwa ekulya manase awa shialilepo. ⁸ Litunga lya Manase kuma lyaka kumine kutunda ku Asheri kuthza ku Mikimeta, ethzi thzi waniwa kumuvo yuwa wa Shekemi. Ne mainja aopo athza kukengisha ku mboela kwawo atungile popepi no mawelu welu oku Tapua. ⁷ (litunga lya Tapua kuma lya kalile lya Manase, ambene mbongi thza Tapua ethzi thza kalile pa mainja a Manase kuma thza kalile thzaka efraimi.) ⁹ Mainja aopo athza kuhelela kuka viya ka Kana. Aa ma mbongi oku mboela wokuka nukanam mukachi ko ma mbongi amanase kwaakalile aapwile aka efraimi. Mainja a Manase kumutulo kuka nukana, ne aopo akahulela kulikulu lwale. ¹⁰ Litunga lyo kumboela kuma lyakalile lya Efraimi, ne litunga lyo kumutulo kuma lya kalile lya Manase ; likulu lwale lyoliyo lyakalile mainja. Kumutulo Ashere kuma aka kumineko , ne no kumuvoyuwa,Isakare. ¹¹ Kalo mwa Isakare ne no mu Ashere, Manase kuma ahetilemo Beti Shani no maumbo ateni, Ibileami ne no maumbo enji, awa tungile mu Doro no maumbo ateni awa tungile mu Enidore ne no maumbo ateni, no awa tungile mu Taanaki ne no maumbo ateni, nowa atungile mu Megido pofochi no maumbo ateni(mbongi thzo mushihatu po Nafeti). ¹² Kemonga kengeyo mukuta wa Manase kawa tweshile kuheta ao ma mbongi , mukonda Makanana kuma aekezile kutunga mwelyo litunga. ¹³ Ou mbunga thza Isilaele thza kulile ku ukolo, awopo apaka Makanana muikwama yo kulema, ambene kaawa tunulile kuwa chiza mo. ¹⁴ Ne awa thsimuluhile kwa Josefa awopo aamba kwa Joshua echi, ''Yiñe ona tupela shivaka sho fochi pohuma sho litunga ne no shivaka sho fochi sho kuheta, atwe po twaangi kupalo, ne kalo Shinda sha moyo ona tu fuyawethza? ¹⁵ ''Joshua ayepo wa tawa echi, ''Monapo mwambunga thzo sho kulu kupalo, mulithzele mwa shinda mumulundu ne muya mukalikenishelemo mu litunga lyo Maperizi ne noli lyo Marefaimi. Mukwame eshi,okumona echi litunga lyo mikinya thza Efraimi po lina pupa kukwenu.'' ¹⁶ Awa athsimuluhile kwa Josefa awopo atawa echi, ''liya litunga lyo mikinya kalitu kwanine. Ambene wahe Makanana awa ana tungu mu liko ali noikochikala yo ifu, wahe awo ali mu Beti Shani ne no maumbo ateni, ne noa ali muliko lya Jezireele.'' ¹⁷ Nehoni Joshua ayepo ambela aka njiyo thza Josefa-kwa Efraimi na Manase, ''Mwa mbunga thzo sho kulu kupalo, ne muli no ukolo wo sho kulu. Kamuloelile kutambekiwa shivaka sho fochi sho litunga kukwenu. ¹⁸ litunga lyo mikinya nalyo kuma likala lyenu. Kemonga echi mumulundu, kuma mukenishamo ne no kuliheta kutwala ku mainja ateni okule. Kuma ochithzamo Makanana, kemonga echi ali noikochikala yo ifu, ne kemonga echi ali no ukolo.''