¹ Nehoni, mukonda Kilesite wanyandile mu nyama, muliloishele mwashinda kukala mu wikalo wo kulipitula. Mukonda yomuhe nanyanda mu nyama onatundu ku shivi. ² Mukengeyo, munu wo kengeyo, mu shikati shenji shoshihe mu nyama, kaashili mu ihimo yo unu, unone mu kuhima kwa Nyambi. ³ Mukonda shikati shina kwama eci mukwame shihimo sha anu angana, muyoyo mu kupila honyi, ohuka, otakwa, mikiti thzo miyoyo, kanganisho thzo mawalwa, no kukwama yo kulombela yo ehumbiwa. ⁴ Aanekela ci wenda eci mwa liwaneka no mikwa thzothzimango, ne aamba omango kukwenu. ⁵ Kenge a kuamba n'anda kwoyu naliloishela kuatula aa ayoya nowa anafu. ⁶ Mu livaka eli evangeli thzakutathziwile kalo kwaafu, eci, shianga ci aatuliwile mu nyama thzo unu, nahimi n'enyi ayoye mu mupepo kulipitula omu ana kwamenanga Nyambi. ⁷ Kupwa ko inu yoihe kuli popepi. Nehoni mukale no maanekelo omawa, ne mukale mu ianekela yenu mukonda wo ilombelo yenu. ⁸ Peulu thzeyo inu yoihe, mukale no shihimo shoshikulu mukaci kenu, mukonda shihimo shathsika ivi yoingi. ⁹ Mutambule angenjenu kupila kuvilaela. ¹⁰ Kuthza ku munu omu anatambulela shipiwa muthzi likwathsithse kututhza angenjenu eci ikombwa yoiwa ya Nyambi mu makun'wa asho o kulishiya shiya. ¹¹ Ngeci munu aamba, akale maywi a Nyambi. ngeci munu akwamena kukala ko maci apa Nyambi. mukwame eyi muci shianga kukale ngeci Nyambi kenge ak ¹² Ahimiwa, mwaashimba upe yeleko yo mu mulilo ina kwamahala kukwenu, eci mwene yahaa kwamahala lo matatekelo kukwenu. ¹³ Ambene, omu muyuvishishela likando lya Kilesite, muloetele, eci kalo mwa kuloelele no kuyuva nawa kutethzima kwenji ou kwa monahala. ¹⁴ Ngeci mwashendauliwa pa lithzina lya Kkilesite muna fiyauthziwa, moknda mupepo o kutethzima no mupepo wa Nyambi uli kukwenu. ¹⁵ Unone kwaa kala oyu nyanda ku kwenu ci mupai, mwithzi, mukwa omango, nji kulipaka muyambo yanu. ¹⁶ Unone ngeci munu yomuhe anyanda mu kuninga mu Kilesite, aa yuva honyi; ambene atethzimishe Nyambi noelye lithzina. ¹⁷ Mukonda kuatula ko shikati eshi kuli no kutatekela akwa njiyo thza nyambi. Ngeci thzitatekele ku kwetu, ine ya ku kwamahala kwawa akana kukuteka liywi lya Nyambi? ¹⁸ Kalo "Ngeci kuli ukulu kowa owakenu ci ayoyi shiwe, ngepi kwa kukala kwawa anakana kupanda kwa Nyambi naka ivi?" ¹⁹ Nehoni awa anyanda mukonda wo shihemo sha Nyambi ape myoyo thzo ku muhumbi omuwa ko akwama nawa.