¹ Nakutathza akulu mukaci kenu, ame, no mukulu name kalo no paki o makando a Kilesite, kalo name kenge nakuwana ku kutethzima oku kwakukeya: ² Mukale alisani o mulaka wa Nyambi ou uli mushi thzenu, mukwame eci akakuendisha- kali ko kumiootola, unone ko kuhima kwenu, eli amifota Nyambi ci mukwame- kali ci muwane lufumo lolumango unone kuhima ko micima thzenu. ³ Lelo mwakwama eci mwa mafumu kwawa muendisha. Unone mupiluke akakuonisha ku milaka muendisha. ⁴ Nehoni mulisani shokulu ou akumonahala, kenge mwakutambula huthsi thzo kutethzima thzo ufumu thzokukana kuipa. ⁵ Kalo namwe, micaha, mulipake kushi thza akwelume owakulu. Mwaheno, muvate n'eke ne mulikwamene munu nangenjenji. Mukonda Nyambi kahimine kulitundumuna, unone apa shihemo kwawa alihusha pashi. ⁶ Honine mulihushe pashi mu lyoko lya Nyambi lyolikolo ci aye akukulishe mu shikati shiloela. ⁷ Mupake mapilaelo enu oahe kukwenji mukonda aye amitwalela maano. ⁸ Mutanale, mumamele. Mukonda mukwashithzimbo shenu diavulosi athza no kuendaula eci nyime oyu vuma, kufota munu oyu alya. ⁹ Mumukanene. Mutanale mushitawo. Mwalimuka ci apenu wahe mu kaye ali mu makando okulipitula naa enu. ¹⁰ Munyima thzo kunyanda pa shikati shoshionye, Nyambi o shihemo, oyu namiishela ku kutethzima kokukana kupwa ko Kilesite, kenge akumi loisha, kumitanalisha, kumipa okolo, no kumishisha. ¹¹ Okolo okuendisha ukale kukwenji kokukana kupwa. Ameni. ¹² Ninamono ci mwapetu Siluvanasi wakusepahala, ne ninamin'olela muwipi ko aye. Namikutathza ne kalo naamba kukwenu ci ei ninan'olo yoilyo shihemu shoshemwa sha Nyambi. Muimane mo. ¹³ Mbuyama oyu li mu Babilona, oyu nahanguliwa pofoci nenu, amivumenena. Mareka, mwange omukwelume, naye amivumenena. ¹⁴ Mulivumenene munu na mungenji ko kulicuveta ko shehemo. Kuliyala kukale nenu mwahe muli kwa Kilesite.