¹ Mu kulipitula, amwe ambyama mulipake kushi thzo akwelume enu. mukwame kengeyo shinga ci kaa kuteka liywi, litundelela mu ekwama yo ambuyama, ² mu kupaka eyi munalimanena mu likute lyenu, ekwama yoiwa. ³ Uwa wenu wahe kala pohuma wo pola weci ko kuvinda huki, mathseka o gauda, inji evata yo makavo. ⁴ Unone kukale ko munu wo mukaci wo mu mucima, no uwa wo kukana kupwa ko kuwa mucima no mupepo wo kututwala, uli no utokwa kwa Nyambi. ⁵ Mukonda ambuyama o kukale owakenu moliyo naa lilioeshelanga ashinda kwa Nyambi, kwa lipaka kushi thzo akwelume wo. ⁶ Mu kulipitula Sara shime akuteka Abrahama ne shime amwisha ci Fumu wenji. Ne mwaanenji ou mukwama mwa kalo ngeci kamuyapa ukalu. ⁷ Mu kulupitula, namwe akwelume mwa loela kuyoya no ambuyama enu shiwana omu kulyele, mu kulimuka ci ivela yoimangao, kukala ambuyama. Mwaloela kuwapa likute mu kuwana no shipithzi sho shihemo sho moyo. Mukwame kengeyo eci elombelo yenu katele ika kwangishiwe. ⁸ Mu kumanisha, mwaheno, mukale liano lifoci, muliyuvele n'eke, mulihime mu wapenu, mukale no n'eke, ne mucithsue. ⁹ Mwa hushela umango ku mango nji lituka ku lituka. Unone mukatwale mu kupa fuyauthzi, mukonda yoliyo mwaisheliwile, eci mwa kuwane fiyauthzi. ¹⁰ "Munu hima kuyoya no kumona mayuwa omawa kuimeka lulimi lwenji yoimango no mulomo wenji kuamba n'anda. ¹¹ Ashiye kukwama amango ne akwame yoiwa apote kuliyala ne akuootele. ¹² Meho a Fumu amona oawa, ne matwi enji ayuva ilombelo yo. Unone lupala lwa Fumu kaluli kwawa akwama omango." ¹³ Elye wa kumikwama omango ngeci mwatanalela mu kukwama nawa? ¹⁴ Unone ngeci mwanyanda mukonda wo kuluka, muna fiyauthziwa. mwaa yapa eyi ayapa. Mwaa umbishiwa. ¹⁵ Ambene, mupake micima thzenu kwa Fumu Kilesite eci mukenu. Popahe muli loishele kujpa shitawa kowahe aipula yo kukulupela muli nako- ¹⁶ nehoni, kulithsue no likute. Mukale no kuwa micima eci anu ahenda muyoyelo wenu wouwa kwa Kilesite ci angu akuyenishiwe mukonda aamba yo kumilwisha eci mwakalile akwa kukwama omango. ¹⁷ Kuli nawa, ngeci mukuhima kwa Nyambi, eci munyandele kukwama uwa kupita mu kukwama omango. ¹⁸ kilesite naye anyendela ivi lofoci. aye naluku watunyandelile, atwe twakalile okupila kuluka, eci watweshile kutuleta kwa Nyambi. Wapaiwile mu nyama, unone mu mupepo shime ayoya. ¹⁹ Mu mupepo, wathzile no kuka kutathza ku mupepo nathzikala mu tolongo. ²⁰ Kanaa kala no likute ou mucima wa Nyambi naukala mu kutatiela mu mayuwa aNuwe, mu mayuwa okuumba areka, ne kwayoishiwile angana pohuma- myoyo mutanu no thzihatu-ku ukalu wo weyu. ²¹ Eshi sholiyo shimonisha sho kolovethzo thziyoisha lelo- kali kuhupa mathzilo pa elema, unone ko kulomba mu kuwa mucima kokuwa kwa Nyambi -kutundelela mu kupinduka kwa Jesu Kilesite. ²² Kilesite oli kulyoko lya Nyambi lyo shilo. wathzile muwilu. Mangeloi, maci no okolo yaloela kulipaka kukwenji.