¹ Nehoni mushiye um ango wouhe, n'anda, kapopo, muna, no kuhopa kokuhe. ² Eci eli kuli kakeke, muhime mawe o mupepo, eci akumikushele mu kuyoishiwa, ³ mukonda munalimuka ci Fumu oli no n'eke. ⁴ Mwiye kukwenji aye liwe liyoya eli lyakaniwile ku anu, unone linaanguliwa kwa Nyambi ci lya utokwa. ⁵ Namwe mwalipitula no mawe ayoya muli no kuumbiwa ci mukale njiyo thzo mupepo eci mukale aprisita owakenu apa itawelo yo mupepo atambuliwa kwa Nyambi ko Jesu kilesite. ⁶ Lin'olo lya amba eyi: "Mumone, n apaka liwe mu sione, eli linaanguliwa ne lili no owa yomuhe atatawa kaa kuyenishiwa." ⁷ Nehoni, owa, uli kukwenu amwe mutawa, unone kwawa akana kulitawa, liwe lyakaniwile ku aumbi, linakala lyo likulu lyo lyo lipeta," ⁸ kalo, "Liwe lyo shikun'ukisho no liwe liwisha." Akun'uka mukonda kaayuvu liywi - eshi naangileliwa nawo. ⁹ Unone mwanu ana anguliwa, mu aprista awakulu, mbunga thzothzikenu, aendishiwa ko Nyambi, eci mwa ku tongole ekwama yoiwa yoyu wamiishile kumitundisha mu milema no kumitwala mu liyeye lyenji. ¹⁰ Kana mukala mwaanu, unone pano mwaanu a Nyambi. kana mutambula n'eke unone pano munatambula n'eke. ¹¹ Ahimiwa, namikutulula mu kukala kwenu akwa matunga ao kalo mwaa enda eci mulitundishe ku mayalo o nyama, alwisha myoyo thzenu. ¹² Miendelo thzenu kwa anu angana akale omawa, eci ou amilundela omango, a kulimonene nomeho o ekwama yenu yoiwa no kutethzimisha Nyambi mu liyuwa a kumonahala. ¹³ Mulipake mu kwendishiwa kanu owahe mukonda wo Fumu. Mukuteke Fumu ukulu wenji, ¹⁴ no aendishi, awa naa tumeniwa kukapa mulandu awa akwama omango no kushangala awa akwama nawa. ¹⁵ Mukonda eshi sholiyo shihimo sha Nyambi, eci mu kukwama nawa mu tutwalishe maano o tuamba etomba. ¹⁶ Mu kukala anu analoelela, kuloela kwenu kwa kala ko kuthsika omango unone mukale weci angamba aNyambi. ¹⁷ Mukuteka anu owahe. Mulihime mu wapenu. Myape Nyambi. Mukuteke Fumu. ¹⁸ Angamba, mulipake a Fumu enu likute lyolihe. Mwa lipaka pohuma kuanu oawa no afumu o kuyuvishisha, unone noku kowa owakalu. ¹⁹ Mukonda kuli shiwana ngeci walitalisha , mukonda onau mucima kwa Nyambi, munu, alitanalisha kooli mu mafu shianga ci likando kalipu. ²⁰ Mukonda kulishangala kungbai kulimo ou mukwama omango ne mutanale kumuhumbishiwa? Unone munakwama nawa ne mwanyanda kumuuhumbishiwa, eshi sholiyo ashangala Nyambi. ²¹ Mukonda oku koliyo namuisheliwa, mukonda Kilesite naye shime aminyandela. Shime amishiyela likun'wa eci namwe mushupwele omu napiti. " ²² Kana kwama shivi, nji shinga n'anda mu kuamba kwenji" ou naa tukaaniwa, kana hushela. ²³ Ou naa nyanda, kanaa fumbela, unone shime alipaka kukwenji aye atulanga shiwa. ²⁴ Shime ashinda ivi yetu mu ilama yenji pa shitondo eci twakutundishiwe ku shivi ne tuyoye mu kukwama nawa, Mu man'iva enji muna polishiwa. ²⁵ Mwaheno shime mwalipitula weci ngu nayongo, unone muna huka ku mulishi no mumoni wo myoyo thzenu.