¹ Jesu nakamana kwamba makani aya ense, wakati kuli basikwiya bawe,' ² mulizi kuti kwainda mazuba obile paseka lilasika, mponya mwana amuntu uzoambwa kuti abambulwe acingano. ³ Bapaizi bapati pati babantu balibungene mubusena bo mupaizi mupati, walikutegwa Kefasi. ⁴ Bakazumizyanya antomwe kuti bajate Jesu cokusisikilizya ba mujaye. ⁵ Balikwamba kuti.'kutainsi mu cindi a pobwe, nkokuti kutabi lupyopyongano akati kabantu. ⁶ Ino Jesu nacili mu Betani muganda ya Simoni sicisenda, ⁷ kacikede a tafule, mwanakazi umwi wakasika kulinguwe kajesi cibikilo ca Alabbasitilo cijesi mafuta adula, mponya wakamutila atala omutwe wakwe. ⁸ Pele basikwiya bakwe nibakabona eci, bakanyema bakati,' wanyonyoweda nzi? ⁹ Nkambo eci nicauzigwa amali manji okupa kubapenzi.' ¹⁰ Pele Jesu kazi eci, wakati kulimbabo,' nkambonzi nimulikupenzya oyu mwanakazi? Nkambo wandicitila cintu cibotu. ¹¹ Cindi cense bapenzi muli ambabo, pele tamukonolinsi amibo cindi cense. ¹² Kwinda mukutila mafuta aya amubili wangu, wacitila kuzikwa kwangu. ¹³ Nconzyo ndamwambila kuti, kufumbwa mulumbe mubotu pyu nkwatukambaukwe munyika yense, kuli ncacita mwanakazi oyu cinoyo ambwa muku muyeya.' ¹⁴ Mponya umwi wabali kumi ababili , walikutegwa Judasi Isikalioti, wakainka kubapaizi bapati. ¹⁵ Wakati,' muyanda kuti mundipenzi ndamwamba kulinywebo?' bakamubambila, makumi otatwe amali ansiliva. ¹⁶ Kuzwa awo wali kuyanda cindi celede cokumulekelezya kuli mbabo. ¹⁷ Ino mubuzuba bokusanguna bwe cinkwa citwa mumena basikwiya bakaza kuli Jesu bakati,' nkokuli nkoyanda kuti tukabambe nkwatatukalide paseka?' ¹⁸ wakati, kamuya mudolopo kumwalumi umwi mukambe kuti,' cindi cangu cilafwifwi. Ndiyobamba paseka ku ganda yako abasikwiya bangu.' ¹⁹ Basikwiya bakacita mbuli Jesu mbwakabalailila, bakabamba pobwe lya paseka. ²⁰ Nilyakajolezya, wakakala ansi okulya abasikwiya bali kumi ababili. Kabacilimukulya, wakaya bali kumi ababili. ²¹ Kabacilimukulya, wakati,' nconzyo ndamwambila kuti umwi wenu uyo ndaba.' ²² Mponya bakalimvwa bubi, bakatalika kumubuzya umwi oumwi,' mwami ino ndime?' ^{23 24} Wakati,' Oyo ubbizya janza lyakwe antomwi amibo mundido ngonguwe uyondaba. ²⁵ Mwana omuntu uyoinka, mbuli mbukulembedwe zya nguwe. Pele mayo ku mwalumi oyo uciya kuti mwana omuntu alekelezigwe! calikwinda natakazyalwa.' ²⁶ Judasi sikwaba wakati,' ndime na omwami?' Wakati kulinguwe,' wamba ndiwenya.' ²⁷ Kabacili mukulya Jesu wakabweza cinkwa, wacilumbila, mponya wacikomona, wacipa kulibasikwiya wakati,' amutambule mulye, oyu ngo mubili wangu.' Wakabweza kanwido wakalumba, mponya wakapa kulimbabo wakati,' amunywe mwense. ²⁸ Obu mbulowa bwangu bwe cizuminano obo mbwakatililwa banji kti mulandu ilekelelwe. ²⁹ Pele ndati kuli nywebo, takwe neciyonywa anywibo ape mucelo wo musansa kusikila buzuba obo netekanywe mupiya anywibo mubwami mwa tata.' ³⁰ Nibakamana kwimba nyimbo bakainka kumulundu wa oliva. ³¹ Mponya Jesu wakati kuli mbabo, mwense muyolebwa ankambo kangu masiku ngonya aya, nkambo kulilebidwe, kuti ndiyouma mwembezi mponya mbelele ziyosabalangana. ³² Pele ndakubusigwa, ndiyomuzulwida ku Galilaya.' ³³ Pele Pita wakati kuli nguwe,'nikuba kuti bense balebwa ankambo kako, mebo takwe netekalebwe. ³⁴ Jesu wakati kuli nguwe,' nconzyo ndamwambila masiku ngonya ano, muzingili kautana kulila, uyondikaka zindi zyotatwe.' ³⁵ Pita wakati kulinguwe,' nanga kuti ndeleele kufwa aibo, takwe netekukake.' Abasikwiya bamwi bakamba mbubonya. ³⁶ Mponya Jesu wakainka ambabo kucibaka citegwa Getisemani wakati kuli basikwiya bakwe,' amukale awa neciyokomba okuya,' ³⁷ Wakatolelezya Pita abana ba Zebbedi bobile wakatalika kulisenda okupengana. ³⁸ Mponya wakati kuli mbabo, muya wangu ulibijilidwe loko, kusikila kulufu. Amusyale ano akulangila amibo.' ³⁹ Wakainka kunembo kanini, wakavundama, okukomba, wakati 'Tata nicalikukonzeka eyi nkomoki niyandindilila. Nikuba namuya kutainsi kuyanda kwangu, pele kuyanda kwako.' ⁴⁰ Wakaza kulibasikwiya bakwe wakajana balona, wakati kuli Pita,' ninzi, nimwatakonzya kulangilila amibo kwe wola lyomwi? ⁴¹ Amulange mukombe kutegwa mutanjili mumasunko. Muya nconzyo ulayandisisya, pele mubili wabula nguzu. ⁴² Wakainka lwabili kuyokomba, wakati 'Tata' kuti na cikonzeki kuti cindindilile ati ndinywe, luyando lwako alucitike.' ⁴³ Wakaza ape wakajana balona menso abo alilemide. ⁴⁴ Wakasiya ape wakainka wakukomba lwatatu,kamba majwi ngawonya. ⁴⁵ Mponya Jesu wakaza kuli basikwiya wakati kulimbabo,' mucona okukatalukwa? Amulange cindi cili afwifwi, omwana o muntu ulalekelezigwa mumanza abantu babi, ⁴⁶ Amunyamuke atwende, Amulange, sikundilekelezya ulafwifwi,' ⁴⁷ Nibacilikwamba, Judasi, umwi wabasikwiya bali kumi ababili, wakaza. Mbunga mpati yabantu yakaza anguwe kuzwa kubapaizi bapati okubolupatipati babantu. Bakaza amasumo enkoli. ⁴⁸ Ino mwalumi walikuyanda kulekelezya Jesu wakabapa citondezyo, wakati,' oyo ngwentemyonte amumujate. ⁴⁹ Mponya mponya wakasika kuli Jesu wakati, wabona mwami,' mponya wakamumyonta. ⁵⁰ Jesu wakati kulinguwe,' mwenzuma cita nciwazida,' mponya bakaza okujata Jesu. ⁵¹ Mponya oyo umwi wali o Jesu wakatambika janza lyakwe, wakasomona panga lyakwe, okukwampula kutwi kwamubelesi umwi wo mupaizi mupati. ⁵² Mponya Jesu wakati kulinguwe,' bika panga lyako mucikanda calyo. bense abo babelya panga bayonyonyonwa e panga. ⁵³ Muyeya kuti sinkonzi kukumbila tata kuti anditumine malegiyoni abangelo ainda kumi mwabili? ⁵⁴ Ino malembe alazuzikizigwa buti, kuti eci cicitike?' ⁵⁵ Aliciya cindi Jesu wakati ku mbunga,'mwaza enkoli amasumo kuti mundijate mbuli mubili? Mazuba ense ndalikukala kwisya mu tempele, ⁵⁶ pele takwe nimwandijata. Pele eci cakacitika kutegwa malembe abasinsimi azizikizigwe.'mponya basikiwiya bense baka musiya okucija. ⁵⁷ Ábo bakamujata Jesu bakamutola kuli Kayifasi mu paizi mupati oku balembi abantu bolupati pati nkubabungene antomwi. ⁵⁸ Pita wakamucilila alele kusikla kucibaka co mupaizi mupati. Wakajila mukati okukala ansi abalindizi kuti babone mamanino. ⁵⁹ Mponya bapaizi bapati antomwi ebembugano yense balikuyandola bumboni bokubejelezya Jesu kuti bakamujaye. ⁶⁰ Takwe mbubakajana, nanga kuti bamboni bobubeji bakasika,' Oyu muntu wakasika bobile. ⁶¹ Bakati,'Oyu mintu wamba kuti ulakonzya kumwayola tempelele lya leza okuliyaka mu manzuba otatwe. ⁶² Mupaizi mupati wakainka wakati kulinguwe,'Tokwe cakucita? Ninzi ncibalimukukutamikizya? ⁶³ 'Pele Jesu walyumwina. Mupaizi mupati wakati kulinguwe,'ndalubizya kuli leza mumi, Twambile na ndondiwe kilisitu, mwana leza.' ⁶⁴ Jesu wakati kulinguwe,'ndime wamba. Pele ndakwambila kuti kuzwa ino muyobona mwana o muntu kakede kujanza lye cilisya lye singuzu, kabola amayoba. ⁶⁵ Mponya mupaizi mupati wakayaula zizwato zyakwe, wakati," wambola cokusampola! Tuciyandila nzi bakamboni? Amulange ino mwakamvwa masampu. ⁶⁶ Muyeya nzi'Bakataba bakati,'ulelede kufwa. ⁶⁷ "Mponya bakamuswida kmenso okumuma, okumubakola amanza abo, ⁶⁸ Bakati,"nsinsima ngwani wakuma ⁶⁹ Pita wakalikede anze mucibaka, musimbi mubelesi wakasika kulinguwe wakati,Äyibo wali o Jesu." ⁷⁰ Pele wakakaka kunembo lyabo bense, wakati:Tandizi ncolimukwamba. ⁷¹ Nakazwa anze kumulyango, umwi musimbi mubelesi wakamubona wakati kuli abo,' oyu muntu anguwe wali o Jesu waku Nazaleta.' ⁷² Ape wakakaka cokukonka,'tandimwizi muntu oyu.' ⁷³ Mukaindi kanini abo baimvwi awo bakaza okuti kuli Pita,' nconzyo uli umwi wambabo nkambo kwambola kwako kulakuyubununa. ⁷⁴ Mponya wakatalika kulisinganya okukonka, Tandimwizi muntu oyu,? Mponya muzingili wakalila. ⁷⁵ Pita wakayeya majwi ayo Jesu ngakamba, 'muzingili kautana kulila uyondikaka zindi zyotatwe,' mponya wakazwida anze okulila loko.