¹ Jesu wakazwa mutempele okuyabuya munzila yakwe, basikwiya bakwe bakaza kuli nguwe oku zomutondezya mayake e tempele. ² Kono wakataba okwamba kuti kuli mbabo,' Nkokuti tamuzibwene ezi zintu zyoonse? Nchonzyo ndamwambila kuti, takwe bbwe liyosyala atala lyalyenzinyina litako yopindamunwa ansi.' ³ Nakakala acilundu ca oliva, basikwiya bakamuzida mukusisilikizya okwamba kuti,' twambile ino ezi zintu ziyocitika lili? Ino ncecili citondezyo cokubola kwako amamanino eecindi?' ⁵ Jesu wakataba okwamba kuti kulimbabo,' Amucenjele kuti umwi atamweni. ⁴ Nkambo banji bayoboola munzila yangu. Bayoamba kuti ngondime kilisitu okusowa banji. ⁶ Muyomvwa nkondo empuwo zyenkondo. Amubone kuti takwe nimwakatazigwa, nkambo ezi zintu zileelede kucitika; kono mamanino tana kusika. ⁷ Cisi ciyolwana ecisi nyina, ambubo bwami kubwami nyina. kuyoba nzala okuzungana kwe nyika mu masena aindene indene. ⁸ Kono zyeense zintu ezi ngamatalikilo buyo mbuli kucisa kokuzyala ⁹ Mponya bayomunjizya mumapenzi okuyomujaya. Muyosulaikwa abantu bemishobo yoonse akambo kezina lyangu. ¹⁰ Mucindi eco banji bayobisya, okuabana umwi okusulana umwi oumwi. ¹¹ Banji bwabasinsimi babeji bayosika okusowa bantu banji. ¹² Nkambo kubisya kuyovula, luyando lwabanji luyomana. ¹³ Kono oyo ukakatila mane kumamanino uyofutulwa. ¹⁴ Aya makani mabotu obwami ayokambokwa munyika yense kuti bukabe bumboni kumishobo yeense. Mpawo mamanino ecindi nayosika. ¹⁵ Nikuba namu mwabona cisesemyo cibisya, eco cakambwa o Danieli musinsimi kuti, kacimvwi mubusena busalala'(Amuleke sikubala amvwisisye) ¹⁶ 'Amubaleke abo bali mujudiya bacijile kuzilundu) ¹⁷ Amuleke oyo uli atala eciluli ataseluki kuti agwisye kufumbwa cintu cilimunganda yakwe, ¹⁸ ape amumuleke oyo uli mumumnda atapiluki kuyobweza cibaki cakwe. ¹⁹ Kono maawe kuli abo bamisi ape abe banonyansya muli oyo mazuba! ²⁰ Amukombe kuti kucija kwenu kutakabi ko mumpeyo nikuba munsabata. ²¹ Nkaambo kunoli mapenzi mapati, antana bwenwe kuzwa kumalengelo enyika kusika sunu, takuyobo ambi ali namu ape. ²² Ati kuti oyo mazuba akafwinsigwa takwe muntu naba womwi wali kunoyofutuka. Kono akambo kabusale bwamazuba ayo ayoofwimpisigwa. ²³ Ino na kuti umwi wamba kuti kuliyebo, langa, ngoyu kilisito! na ngulya kilisito! mutashomi. ²⁴ Nkambo kuyoba bananike babeji aba sinsimi babeji bayocita zitondezyo zipati ezi zikomosya, kuti kakukonzeka basowe abo basale. ²⁵ Bona, ndakwambila kacitana kusika cindi. ²⁶ Nikuba kuti na bakamwambila kuti, amubone uli munkanda, mutakainki. Na bona uli munganda mutakashomi. ²⁷ Nkambo mbuli kalabi mbukamweka kuzwa kumazwido ezuba oku munikila kumabbililo, o mwana o muntu mbwayoza. ²⁸ Kufumbwa oko kuli muntu, oko basikubungana. ²⁹ 'Kono mponya mponya akumana mapenzi amazuba ayo izuba liyobola, mwezi tuyopi mumuni wawo, nyenyezi ziyoloka kuzwa kujulu, anzizyo nguzu zyokuju ziyozunganisigwa. ³⁰ Awo mpawo nikuyolibonya citondezyo co mwana o muntu mujulu, e mishobo yoonse yomunyika iyolila. Bayobona mwana o muntu kayobuza mumakumbi mujulu enguzu obulemu bupati. ³¹ Uzotuma bangelo bakwe okulila kupati kwempeta, bayo bunganya bantu basalwe kuzwa kumabazu one, kuzwa kumpela yomwi yokujulu kusikila kulimwi. ³² Amwiye ciyo kuzwa kumukuyu, cindi mwabona kuti wasyuka okugwisya mani, mulaziba kuti mainza ali afwifwi. ³³ Mbonyina namu anywibo, cindi nimuyobona ezi zintu zyoonse, mukazibe kuti uli afwifwi, uli kumilyango. ³⁴ Nchonzyo ndamwambila kuti, bantu besunu tabakoyomanina kufwa ati mane kusikila zyoonse ezi zintu zikacitike. ³⁵ Ijulu enyika ziyoinda. kono mafwi angu takwe nayoinda. ³⁶ Kono kwambisya buzuba abo nikuba cindi takwe naba womwi ubwizi, bangelo ambabo bokujulu tababwizi, naba mwana, kono pele buyo tata. ³⁷ Mbonyina mbuli mazuba a nowa mbwabede, okuza ko mwana o muntu mbukuyoba. ³⁸ Nkambo mumazuba aya maanzi katana kupaya bali kulya o kunywa, kukwata okukwatisigwa kusikila buzuba Nowa mbwakanjila mubwato. ³⁹ Ape takwe ncibazi kusikila maanzi nakasika okubalobya mbonyina namu mbukuyoba akuboola mwana o muntu. ⁴⁰ Mponya balumi bobile banoli mumunda-umwi uyotolwa, ape umwi uyosyala. ⁴¹ Banakazi bobile banoziya e ziyo-umwi uyotolwa, ape umwi uyosigwa. ⁴² Nikuba namu amucenjele, nkambo tamuzi buzuba mwami nayobola. ⁴³ Kono amuzibe eci, nikwali kuti mweni nganda walizi cindi camasiku mubbi naza, naakalindila ape natakalekela nganda yakwekuti ipwaculwe. ⁴⁴ Nikuba namu anywibo mwelede kulibambila, nkambo o mwana o muntu uyosika mucindi ncimutayeyide. ⁴⁵ 'Ino nguli mubelesi musongo ushomeka oyo wakabikwa o simalelo wakwe kuti kabapa zyokulya mucindi celede? ⁴⁶ Ulilelekidwe ngoyo mubelesi unga simalelo wakwe aza ujana ucita mbonyina. ⁴⁷ Nchonzyo ndambila nywebo kuti simalelo wakwe uyomukazika kuti abe mulangi we zivubano zyakwe zyoonse ⁴⁸ Kono kuti na mubelesi mubi wati mumoyo wakwe,'simalelo wangu wacedwa; ⁴⁹ Okutalika kuma babelesi nyina, okulya okunywa okunywida amwi abakolwi. ⁵⁰ Mponyina simalelo wioyo mubelesi uyooza mu buzuba mbwatamulangili eciindi ncatazi. ⁵¹ Simalelo wakwe uyomutimbola muzibeela beela okumusowela oko kujanwa basikupaupa ameenso, oko nkubanoyoolila okulumanya ntwino.