¹ kumane awo jesu wakabola kumakamu abantu okuli basikwiya bakwe? ² wakati,'balembi aba mayi bo mulawo balapandulula milayo ya Mozesi. ³ Aboobo amucite akujatisya ezyo nzyobamwambila pele kulinzyobacita, nkambo bakambauka buyo, pele tabaziciti pe. ⁴ Ii,balanga mukuli milemu iminya kunyamuna akwibika amasansa abantu, Pele lwabo beni balakaka kuzinyamuna nikuba omunwe wabo. ⁵ Balacita milimo yabo yense kuti babonwe abantu. Balalyanga tukomo tupati-pati akulampya azizwato zyabo. ⁶ Balayandisya kukala azyuno zyabulemu muzikombelo okuyanda busena bwabulemu mumapobwe. ⁷ Ape balayanda kujuzigwa akulemekwa muzisambalilo akwitwa kuti mwiyi kubantu. ⁸ Pele nywebo mutaitwi kuli mwiyi, nkambo mulijisi mwiyi omwe nywebo mwense muli bananyina. ⁹ Ape mutaiti muntu ano aasi kuti tata, nkambo mujisi uso omwe, oyo uli kujulu. ¹⁰ Ape mutaitwi kuti mwiyi, nkaambo mujesi mwiiyi omwi kilisitu. ¹¹ Pele oyo mupati akati kenu abe mubelesi wenu. ¹² Kufumbwa oyo ulisumpula uyo lombezegwa pele kufumbwa ulibombya uyosumpulwa. ¹³ Pele mawe kulindinywe, nobalembi aba mayi bamulawo, basikupaupa amenso! mujalila bwami bwakujulu kubantu. Nkaambo nywebo tamubujisi ape mulakasya abo bayanda kujila . ¹⁴ Mawe kulindinye nobamayi bomulawo aba Falisi basikupaupa amenso kambo mulalya lubono lwabamuka bafu ape mukwena mulalya lubuno,mulalapya nkombyo zyenu. Kakako muyojana mulandu mupati. ¹⁵ Mawe kulindinywe nobayi bomulawo aba falisi, basikupaupu! kambo mulenda nyendo mulwizi enyika kuti musandule muntu omwi , mponya muntu omwi asanduka , mumusandula zyindi zyobile kuba muna Gehena kwinda nyebo. ¹⁶ "Mawe kulindywe, nobofu bendelezi, inywebo nomwamba kuti, kuti na womwi wakonkezya anganda ya leza, ukonka cabuyo. Pele kuti na umwi wakonkezya angolida ya nganda ya leza, oyo ulangwa kucikonke cakwe," ¹⁷ Nywebo nobofu bafuba-fuba! Ino ncecili cipati, ngolide na nganda ya leza isalazya ngolida? ¹⁸ Ape, kufumbwa ukonkezya acipaizyo ukonka cabuyo pele kuti na wakonkezya acipego eco cili acipaizyo ulangidwe ku cikonke cakwe. ¹⁹ Nywebo nobantu boofu! Ino ncecili cipati cipego na cipaililo eco cisalazya cipego. ²⁰ Nkakako, oyo ukonka acipaililo ulakonkezya azeezyo zili mpawo. ²¹ Oyo ukonkezya aganda ya leza ulakokezya ezili mwateni. ²² Oyo ukonka kujulu wakokezya a leza acuno cakwe. ²³ "Mawe kulindiywe nobamayi ba mulawo a bafalisi, nobasikupaupa nkambo mulapa cakumi catununkilizyo ecakulunga cakulya, pele mulaubausya makani mapati e milawo_mbuli kubeteka akuba aluzyalo akushomeka. Pele ezi mulelede kucita kakutakwe kusiya zimwi. ²⁴ Nywebo nobasololi bofu mulaibula kanzinii pele mulamena nkamela! ²⁵ "Mawe kulindinywe nobamayi bamulawo a bafalisi, nobasikupaupa! nkambo mulasalazya nkomoki adido mpozili anze, kakuli kuti mukati kanu muzwide buyo bunyangi a bulyato. ²⁶ Nywebo no bafalisi bofu! amusangune kusalazya nkomoki mwili mukati andido kuti anze ampawo asalale. ²⁷ "Mawe kulindiywe nobamayi ba mulawo a bafalisi, nobasikupaupa! nkambo muli mbuli zyumbwe zibikidwe mulambo, zinga kuzilanga anze nzibotu loko, pele anikuti mukati zizwide zifiwa zyabantu bakafwa akutasalala kwense. ²⁸ Mbubonya oobo, anywibo mbomulangika mbuli bantu baluleme kubantu, pele mulindinywe muzwide kupaupa obusofwazi. ²⁹ "Mawe kulindiywe, nobamayi ba mulawo a bafalisi nobasikupaupa ! Nkambo mulayaka makumbu absinsimi akubotya zibumbwa zyabaluleme. ³⁰ Mulati kuti nitwakaliwo mumazuba amatata, nitwatakangwa kujaya basinsimi. ³¹ Ncecico cimulipa mulandu, kambo mulati mulibana bababo bakajaya basinsimi. ³² Mulukede kumanizya mulimo wamauso. ³³ Nywebo nonzoka , nobana bacipile, ino muyocileya buti cisubolu camulilo utamani? ³⁴ Kakako amulange ndamutumina basinsimi abantu basongo abamaiyi. Bamwi babo muyobajaya okubakankamina acingano, bamwi muyobama muzikombelo okubapenzya kuzwa mumunzi omunzi. ³⁵ Abobo cisubulo ciyomusikila akambo kabantu baluleme bense bakajaigwa kutalikila kuli Abela mululami, kusikila kuli Zekaliya mwana Bbalakiya, oyo ngomwaka jaya mucikombelo akati kabusena busalalisya acipaililo. ³⁶ Masimpe, ndamwambila kuti yonse ezi zintu ziyoza aleli zyalano. ³⁷ '' Jelusalemu, Jelusalemu, ojaya basinsimi kubauma mabwe abo mbatuma kuli nwe! kanji - kanji ndalikuyanda kubungana bantu antomwi , mbubonya buli nkunku bwifukatila bana bayo, pele yebo wakaka. ³⁸ Langa nganda yasyala kuli yebo yanyonyoka. ³⁹ Kambo ndamwambila kuti, tamucindiboni ape, mane mukambe kuti, bulilelekidwe uza muzina lya mwami.