¹ Jesu wakambila ape mumambila mbali kuti, ² Buleleo boku julu buli mbuli mwami ubambilila kukwato lo mwana akwe mushimani. ³ Ula tuma babelesi kuyoita abo batambidwe ku pobwe lyolu kwato. ⁴ Ape mwami watuma babelisi, kati amubambile batambwa, Amubone ndabamba cokulya cangu. Mapulu ee ngombe zyangu ndajaya, zintu zyonse ndabamba. Amuze kupobwe lyo kukwato. ⁵ Kono takwe nibakamvwa bakainks umwi ku munda, umwi ku muleko. ⁷ Bamwi bakajata babelesi bakwe kubauma okuba jaya.. ⁶ Mwami wakanyema, okutuma basilumamba bakwe kuyo sinya, abo bajayi okubauma, okuyo tenta munzi wabo. ⁸ Mponya wakateti ku babelesi bakwe, lukwato lwabambwa batambidwe takwe baka elela. ⁹ Amwinke mumigwagwa mipati mukatambe bantu kulukwato olu mbata mujane. ¹⁰ Babelesi bakainka mumigwagwa mipati okuya bunganya bantu antomwi mbibakajana, bonse babi ababotu. Mponya nganda mwali lukwato yaka zula abantu. ¹¹ Pesi mwami nakalanga kubantu, wakabona mwalumi wakazwete zibiya cholu kwato. ¹² Mwami wakamba kulinguwe, mwenzuma, ino waza buti muno, kakutakwe zibiya zyolu kwato? Pesi oyu mwalumi wakambaula zyokwamba. ¹³ Ponyina mwalumi wakamba kubabelesi ,'amumwange oyu mwalumi kumanza akumaulu mumusowe anze mumudima oko kwataka lilile okuluma ntwino,' ¹⁴ Nokuba kuti banji bakaitwa, pele mbache bakasalwa. ¹⁵ Ponya bafalisi bakainka okuyondola nzila mbubanga bamujata jesu mukwambola kwakwe. ¹⁶ Bakatuma basikwiya kulinguwe antomwi ama Heroda. Bakamba kuli Jesu,"Omwami, tulizi kuti uli wakasimpe, kakako kambo ulaisya nzila yaleza camasimpe.ulakuteka muzezo wamuntu, ape totondezi kutazulila kubantu. ¹⁷ Ino twambile uyeya buti? Ino cilimumo kupa mitelo kuli siza na takwelede. ¹⁸ Pesi Jesu wakamvwa bubi bwabo okwamba "ninzi cimundisolela, nywebo nobasikupaupa? ¹⁹ Amunditondezye kakoini kumutelo." Ponyina bakaketa ka dibilisi kulinguwe. ²⁰ Jesu wakabambila,"mucikozyano ezina lyani mozibede ezi? ²¹ Bakamba kulinguwe,"Siza."ponya jesu wakamba kulimbabo, Amupe kuli Siza zintu zyakwe Siza, okuli leza zintu zya leza." ²² Nibakamvwa namu, bakakomokwa. Mponya bakamusiya okwinka. ²³ Mubuzuba buya mbonyina bamwi masaduki, bamba kutegwa takukwe bubuke, bukaza kulinguwe bakamu buzya. ²⁴ Kwamba, omuyi, Mozesi wakamba tegwa,"kuti muntu wafwa, katakwe bana, bazyalwanyina ninga bamu kwata oyu mwana kuzi okuzyalila bana muzyalwanyina. ²⁵ "Kwakali bazyalwanyina bali musanu abobile. Wokusanguna wakakwata mpawo wakazofwa. Katakwe nakasiya bana wakamusiya mwanakazi akwe kuba zyalwanyina. ²⁶ Wakacilila wakacita monyina mane wabutatu, kwinkila mane obusanu otobile muzyalwa nyina. ²⁷ Nibakamana boseneni, mwanakazi wakafwa. ²⁸ Ino kukuyobuka uyoba mwanakazi wani ali aba bazyalwanyina bali musanu atobile? Nekuba kuti bali mukwete bonse". ²⁹ Pesi Jesu wakataba okwamba kulimbabo,"muli swekide kambo tamuzi tunchali enguzu zya leza. ³⁰ Kambo kuku yobukatakunolikwe kukwatana nenga kukwatwa, pele banoli mbuli bangelo kujulu. ³¹ Kujatikizya kubuka kwabafu, takwe nimwaka bola leza zyakamba, kwamba ati. ³² Ndili leza wa Abulahamu, leza wa Isaka, a leza wa Jakobo? Nkambo tandili leza wabafwide, pele wabapona. ³³ Imubunga niyakamvwa echi bakakomokwa kwisya kwakwe. ³⁴ Pesi bafalisi nibaka mvwa kutegwa Jesu wakabaumuzya Masaduki, bakabungana antomwi. ³⁵ Womwi ali mbabo, wali mukali, kumulawo, wakamu buzya, kumusololi. ³⁶ Omuyi, nguli mulawo mupati kumilawo? ³⁷ Jesu wakataba kulinguwe,ÿanda leza wako omoyo wako wonse, omuya wako woonse, omumizezo yako yonse. ³⁸ Oyu ngomu lawo mupati. ³⁹ Ponya mulawo ucilila ubede namuýanda mwenzinyoko mbuli mboliyanda. ⁴⁰ Kuli eyi mulawo yobile cindila mumilawo ama pulofita. ⁴¹ Ponya alya mafalisi nibacili bungene antomwi Jesu wakaba buzya mubuzyo. ⁴² Wakamba,"Muyeya buti ali kilisitu? mwana wani?"Bakamba kulinguwe, mwana wa Davida, ⁴³ Jesu waqkamba kulimbabo, Ïno kambo nzi Davida mumuya namwita kuti mwami, kwamba, ⁴⁴ Mwami wakamba ku mwami wangu,"kala kujanza lyecilisya lyangu kusikila mane ndika bike balwani nyoko kunsi amaulu ako? ⁴⁵ Kuti na Davida wita kilisitu ati mwami,'Ino mwana wa Davida buti?' ⁴⁶ Takwe wakakonzya kumwita ebbala, ape takwe muntu walikukonzya kumubuzya mibuzyo kuzwa liya zuba.