¹ Mponya ba Falisi abalembi bakasika kuli Jesu kuzwa ku Jelusalema. Bakati, '' ² Ino ninzi basikwiya bako nibadula milawo yabapati? tabasambi kumanza abo banolya cikwa. '' ³ Wakataba okuba ambila '' ino nizi nimudula mulawo wa Leza. Kambo kotu nsiya nsiya twenu? '' ⁴ Kambo Leza wakamba kuti, ' kuteka bauso abanyoko,' pele ' oyo uyo ambola zibi ali baisi na banyina masimpe ulafwa.' ⁵ Pele nywebo mulamba kuti kufumbwa wambila baisi na banyina, '' kufumbwa lugwasyo ndomwalukede kutambula kuli mebo ino cipegwa Leza,'' ⁶ Oyo muntu tayelede kukuteka baisi.' muli eyo nzila mubyaubya ijwi lya Leza. ⁷ Nobasikupa upa amenso! mumumo Izaya wakasisima mbomubede wakamba kuti, ⁸ Aba bantu balandikuteka emilomo yabo, kono myo yabo ilikule amibo. ⁹ Kundikomba kwabo kwabuyo kambo bayisya njisyo zyabo kili milawo yabantu.'' ¹⁰ Mponya wakaita bantu bonse kulinguwe okubambila kuti, '' amuswilizye okuvwisisya.'' ¹¹ Takwe cijila mukanwa cisofwazya muntu. Kono, cizwa mukanwa, eco ncecico cisofwazya muntu.'' ¹² Mponya basikwiya bakaza okumwambila Jesu, '' ulizi kuti baFalisi bakabijilwa nibakavwa aka kambo? '' ¹³ Jesu wakataba okwamba kuti, '' kufumbwa cisyango ba tata bokujulu cibatakabyala cizomunkolwa. ¹⁴ Amubaleke buyo, bendelezi bofu. Kuti muntu mofu wendelezya mofu nyina, bonse balawida mudindi.'' ¹⁵ Petulo wakataba okwamba kuli Jesu, '' pandulula aka kambwiyo kuli swebo. '' ¹⁶ Jesu wakati, '' anwibo tamuna kuvwisisya? ¹⁷ Tamuzi kuti kufumbwa cinjila mukanwa cinka mwida mponya ciyo zwida anze? ¹⁸ Kono zintu ziwa mukanwa ziwa mumuyo . Nzezizo zintu zisofwazwa muntu. ¹⁹ Kambo mumoyo muzwa mizezo mibi, bujayi, bumambe, bwamu, bwibi, bumboni bobubeji obuvwuzi. Ezi nzezintu zisofwazya muntu. ²⁰ Pele kulya amanza atasambide tacisofwazi muntu.'' ²¹ Mponya Jesu nakazwa oko wakainka kuzisi zya Taya a Sidoni. ²² Amulange ,mwanakazi wa Kenani wakazwa kucisi eco . Wakaongolola okwamba kuti , '' ndifwide luzyalo, mwami, mwana wa Davida! mwana wangu musimbi unjilidwe myuuya mibi minji. '' ²³ Pele Jesu takwe nakataba oyo mwanakazi nenga jwi lyomwi. Basikwiya bakwe bakaza okumukumbila, bakati, mutande kambo ulimukutusabila. ²⁴ Mponya Jesu wakataba okwamba kuti, '' nsikatumidwe kumuntu onse pele kumbelele ziswekidwe zyomukowa wa Isilayeli.'' ²⁵ Mponya mewanakazi wakaza okufungamina, okuti, ''mwami, ndigwasye. '' ²⁶ Wakataba akwamba kuti, '' tainsi cibotu kubweja insima yabana okwifusila tubwa tunini. ²⁷ Wakati, '' iiyi, mwami, kambo tubwa tulalya tufwefwelenga tuloka kuzwa kumatebule abasimalele ato.'' ²⁸ Mponya Jesu wakataba okwamba kulinguwe, '' mwanakazi, lusyomo lwako ndupati, akucitwe kuli yebo bubonya mbilimboyanda. '' Mwana wakwe musimbi wakapona cindi nconya. ²⁹ Jesu wakazwa kucibaka oko okwinka kumbali olwizi loku Galilaya. Mponya wakatanta acilundu okukala kwateni. ³⁰ Bantu bnji bakaza kulinguwe. Bakamwetela zilema, bofu, basyatambi, batyokide, abamwi banji baciside. Bakabatula munsi maulu a Jesu, mponya wakabaponya. ³¹ Mponya nkamu yabantu yakakondwa niyakabona bantu basyatambi bambola, zilema zyapona, batyokide benda abofu babona. Bakamulumbaizya mwami wa Isilayili. ³² Jesu wakaita basikwiya bakwe okwamba kuti, "Ndafwida luzyalo nkamu yabantu kambo bakala amibo kale mazuba otatwe ape tabakwe cokulya. Tandiyandi kubamwaisya kabatilide, kambo ninga bayumina munzila. ³³ Basikwiiya bakati kulinguwe, "Tulazijana kuli kuno kusaka zinkwa zyokuti bakute bantu banji balinamu?" ³⁴ Jesu wakati kuli mbabo, "mujesi zinkwa zyongayi?" Bakamba, zili zyosanwe ezibili, otuswi tuce tunini." ³⁵ Mponya Jesu wakambila bantu boonse kuti bakale ansi. ³⁶ Wakabweza zinkwa zyosanwe ezibili enswi, nakamana kulumba, wakazikomauna zinkwa okuzipa basikwiya bakwe. Basikwiya bakazipa bantu. ³⁷ Bantu bonse bakalya okukuta. Mponya bufwefwelenge mbwakasyala bakazuzya masuwo osanwe aobile. ³⁸ Abo bakalya bali myulu yone balumi, katabala banakazi abanini. ³⁹ Mponya Jesu wakamwaisya makamu wakanjila mubwato okwinka kucisi coku Magadani.