¹ Bama farisi aba saduki bakaza abatondezye citodezyo cizwa kujulu. ² Kono wakataba okwamba kuti kulibabo,"kuti na lya jolezya, mwamba kuti, bulaca kabotu, kambo kujulu kusalala. ³ Na bwaca, mwamba kuti, sunu bwaca obi, kambo kujulu kusalala cokusiya. Mulizi kupandulula julu mbuliboneka, kono tamukonzi kupandulula zitondezyo zyezindi. ⁴ Bantu besunu basizibi abo sibwamu balayandola citondezyo, kono tabakopegwa citondezyo, kutaba kuti citondezyo, kutamba kuti citondezyo ca Jona. Mponya Jesu wakabasiya oku lanzya kumbi. ⁵ Mponya basikwiya nibakasika kutala, bakaluba kubweza cinkwa. ⁶ Jesu wakamba kuli mbabo,ämubone akucenjela emimena yama Falisi aba Saduki." ⁷ Basikwiya bakabuzyana mulicabo okwamba kuti, "kambo kokuti takwe nitwabweza cinkwa." ⁸ Jesu wazi eci okwamba kuti, nwebo nomujisi lushomo lunini, ninzi nimubuzyana mulicenu okwamba kuti kambo takwe nimwabweza cinkwa? ⁹ Ino tamuna kuziba na kuyubulukwa zinkwa zyosanwe zyakambilwa bantu bali zyulu zyosanwe, ino mwabwezide nsangwa zyongai? ¹⁰ Na zinkwa zyosanwe ezibili zyakambilwa bantu bali zyulu zyone, ino mwabwezide nsangwa zyongai? ¹¹ Ino kambonzi tamuzi kuti tainsi cimkwa cindalikwambola kulinwebo? Amubone okucenjela mumena wama Falisi aba Saduki." ¹² Mponya bakamvwisisya kuti tainsi mumena wacikuwa ngwalikubambila kuti ba cenjele, kono kuti bacenjele kwisya kwama Falisi aba Saduki. ¹³ Mponya Jesu nakasika kucisi coku Kaisareya Filipi, wakabuzya basikwiya bakwe, wakati, Ino bantu bamba kuti mwana o muntu ngwani?" Bakamba kuti, bamwi bamba kuti ngu Joni mupapatizi, bamwi, ¹⁴ Eliya, mponya bamwi, Jeremiya, na umwi wabasinsimi," ¹⁵ Wakamba kuli mbabo,"Petulo wakamba kuti, ndimeni?" ¹⁶ Mukutaba, Simomi Petulo wakamba kuti, ndiwe kilisitu, mwana a leza upona. ¹⁷ Jesu wakataba okwamba kuti kulinguwe, ulilelekidwe yebo, Simoni mwana a Jona, kambo tainsi muntu ulya maila wayubulula eci kuli yebo, kono mba tata ba kujulu. ¹⁸ Ndakamba kuliyebo kuti ndiwe Petulo, mponya atala ebwe eli ndizoyaka cikombelo cangu. Milyango yolufu taluzoizundi. ¹⁹ Ndizokupa zijulizyo zyoku bwami bokujulu. Kufumbwa ncotokange ansi ciyoangwa kujulu, ape kufumbwa ncetokangunune ansi ciyoangununwa kujulu. ²⁰ Mponya Jesu wakambila basikwiya kuti batambili nenga womwi kuti ngu kilisitu. ²¹ Kuzwa eco ciindi Jesu wakatalika kwambila basikwiya bakwe kuti welede kwinka ku Jelusalemu, uyo penga zinji kumanza abapati oku bapaizi basimutwe okubalembi, kujaigwa, okuzobusigwa kubumi mubuzuba bwatatu. ²² Mponya Petulo wakamutobela kumbali okumukazya, wati, eci acibe kule aibo,mwami eci citakacitiki kuliyebo." ²³ Pele Jesu waka cebuka okwambila Petulo kuti, swena oko kusule lyangu, satani! Uli cilebyo kulimebo, kambo kokuti toyeyi zintu zya leza. pele zintu zyobuntu susu. ²⁴ Mponya Jesu wakamba kuti kulibasikwiya bakwe, na kuli uyanda ku ndicilizya, alimye, abweze cingano cangu, akundicilizya. ²⁵ Kambo kufumbwa uyanda kuli yobweda bumi bwakwe kambo kangu azobujane. ²⁶ Ino nimpindinzi njajana muntu kuti wavuba nyika yonse anukuti wanyanzigwa bumi bwakwe? ²⁷ Kambo mwana o muntu uzoza mubulemu bwaisi abangelo bakwe. Mponya uzobwedezezya muntu o muntu kwindila mbuli kumilimo yakwe. ²⁸ Nconzyo ndilamba kuliyebo, mpubali bamwi ba imvwi awa batazolumvwi lufu kusikila bazobone mwana o muntu uzo mu bwami bwakwe.