¹ Aliciya ciindi ,Helodi mwendelezi wakavwa mpuwo ya jesu. ² Wakaamba kubabelesi bakwe,''oyu ngu Joni mubbabbatisi; wabuka kuzwa kubafu. Mponya ezyi nguzu zyilikubeleka mulinguwe." ³ Kambo Helodi wakajesi Joni, okwetelezya kuti abikwe muntolongo akambo kaba Helodiyasi, banakwe Filipo muzyalwanyina. ⁴ Nkambo Joni wakamba kulinguwe, " tacili mumulawo kuliyebo kuti abe mwanakazi wako." ⁵ Helodi walikukonzya kumujaya,pele wakayowa bantu, nkambo bakamwizi kuti musinsimi. ⁶ Nibwakasika buzuba bwa Helodi bwakuzyalwa,musimbi wama Helodiyasi wakazyana akati ape akukondya Helodi. ⁷ Mukutaba, wakasyomezya chakukonka kumupa kufumbwa chatikumbile. ⁸ Nakamana kulayililwa abanyina, wakamba, " ndipe awa andido, mutwe waJoni mubbabbatizi." ⁹ Mwami wakanyema kuli echo cakakumbila, pele akambo kakukonka ape akambo kabantu balikulya ambabo chilyo chakujolezya wakazumizya kuti cicitike. ¹⁰ Wakabatuma kuyomutimbula mutwe Joni muntolongo. ¹¹ Mponya mutwe wakwe waketwa andido akupa musimbi, mponya wakatola kulibanyina. ¹² Mponya basikwiya bakwe bakasika akutola mubili mponya akuyozika. Nikwakamana bakayinka kuyo ambila Jesu. ¹³ Awo Jesu nakamvwa namu wakapiluka katana kunjila mubwato akwinka kuchibaka chisololokide. Imbunga niyakamvwa namu, yakauchilila amawulu kuzwa muminzi. ¹⁴ Mponya Jesu wakasanguna kusika kabatana pele wakabona bunji bembunga. Wakabafwida luse ape okuponya malwazi abo. ¹⁵ Nikwakasika kujolezya basikwiya bakasika kulinguwe okwamba, " ecci cibaka citakali bantu, ape eciindi cainka, mwayisya mbunga, kutegwa bakonzye kuyinka muminzi kuyowula zilyo zyabo." ^{16 17 18} Pele Jesu wakabambila, " Tabayelede kwinka kumbi. Amube cimwi cintu balye." Bakamba kulinguwe," Tulijesi awa zinkwa zyosanwe answi zyobile." Jesu wakati, " Amuzyete kulime." ¹⁹ Mponya Jesu wakambila mbunga kukala ansi abwizu. Wakabwezya zinkwa zilizyosanwe answi zyobile. Wakalanga kujulu, wakaleleka akukomona zinkwa ape akuzipa basikwiya basikwiya pele basikwiya bakazipa kumbunga. ²⁰ Boonse bakalya akukuta. Mponya bakabweza zilyo zyakasyala - kumi atobile twazisangwa zizwide. ²¹ Abo bakalya bakalizyulu zilimusanu zyabalumi, kunze lyabanakazi abana. ²² Mponya wakalayilila basikwiya bakwe kunjilamubwato okwinka anembo lyakwe kucibaka cimwi, nakali kumwayisya mbunga. ²³ Nakamana kumwayisya mbunga wakainka atala ecilundu kuyokomba. ²⁴ Nikwakasika kujolezya wakali alike. Pele bwato bwalale kuzwa anyika, mukutontwa amayuwe, akambo kaluwo lwakali kunga kulimbabo. ²⁵ Kubucedo Jesu wakswena kulimbabo kabwenda alwizi. ²⁶ Basikwiya nibakamubona kayenda alwizi bakayowa akwamba, " Ndisako," Mponya bakalila maningi mukuyowa. ²⁷ Pele Jesu wakabola ambabo mponya oyo okwamba, " Amukazike myoyo! Ndime! Mutayowi." ²⁸ Pita wakamutaba mukuti, " Mwami, na ndiwe ndambile kuti ndize okuliyebo amanzi." ²⁹ Jesu wakati, " Koza." Mponya Pita wakazwa mubwato okwenda amanzi kayabuya kuliJesu. ³⁰ Pele Pita nakabona nguzu zyaluwo wakayowa. Nakatalika kubbila wakalila maningi kati, " Mwami ndivune!" ³¹ Mponya mponya Jesu wakatambika janza lyakwe, okumunununa Pita, okumwambila, "yebo osi lusyomo lunini, ino wezyezyela nzi?" ³² Mponya Jesu aPita nibakayinka mubwato, luwo lwakayima. ³³ Mponya basikwiya bakamukomba Jesu okuti, " Masimpe ulimwana waLeza." ³⁴ Nibakazubuka bakayinka kunyika Genesaleti. ³⁵ Mponya balumi bokucibaka eco nibakamuziba Jesu, bakatuma mulumbe kuzibaka zyafwi okumwetela boonse bacisidwe. ³⁶ Bakamukumbila kuti ingabajata kumamanino acibiya cakwe,ape mubunji bakajata bakaponisigwa.