1 Buzuba obo jesu wakazwa muganda okuyokala kumbali olwizi. 2 Nkamu mpati yubantu yaka mubunganina, cokuti wakanjila mubwato oku kala mumo awo bantu boonse balimvwi ankomwe yolwizi. 3 Mponya jesu wakambola zintu zinji kuli mbabo muzikozyano. Wakati,amulange mulimi wakainka kuyoominza mbuta. 4 Ino nacili kuminza, imwi mbuto yakawida kumbali enzila,mponya buyuni bwakasika okuzoozilya. 5 zimwi mbuto zyakawinda mulubwe-lubwe,omo mwatalikwe muse munji. Mukufwambana zyakamena kaambo kakuti muse walimuce. 6 Pele zuba nilyabala, zyakaswaba nkambo kokuti tizyakalikwe miyanda, mponya zyakayuma. 7 Zimwi mbuto zyakawida akati kezisamu zyamaunvwa. Zisamu zyamaumvwa nizyakakomena zyakayasoolwa. 8 Zimwi mbuto zyakavuzyana okuba mwaanda okwiinda,zimwi makumi ali cisambomwi, ambi ezimwi makumi otatwe. 9 Oyo ulamatwi omumuleke amvwisisisye. 10 Mponya basikwiya bakasika akuzoamba kuti, kuli Jesu, "Nkambo nzincoambala mumikozyano kubantu?" 11 Jesu wakataba akwamba mukuti kuli mbabo,"nywebo mulipedwe luzibo lwamaseseke obwami bokululu, pele mbabo tabapedwe. 12 Nkambo oyo utajesi, plo nzyajesi uyonyangwa. 13 Ncecico ncebamweda muzikozyano: nikuba kuti balabona, pele tababonesisisyi; ambi nikuba kuti balamvwa pele tabamvwisisisyi,nenga kuswililisisisya. 14 Kuli mbabo mbwakasisinsima Isaya kulizulide, nakati, awo nimuyomvwa muyomvwa, pele takwe nimuyomvwisisisya, okubona muyobona, pele tamuyobonisisisyi. 15 Kuli eci mano abantu aba mafwifwi ambi nciyumu kuti bamvwisisisye ambi basinka menso abo, cokuti tabakonzyi kuziba amenso abo, nanga kuswililisisya amatwi abo, nanga kumvwisisisya amyoyo yabo, nikuba kusandukila kulimebo mukuti ndibaponye. 16 Pele alelekwa meenso enu, nkambo alabona; amaywi enu, nkambo almvwa. 17 Nconzyo ndamwambila kuti basisinsimi abalulami banji bali kuyandisisya kubona zintu nzimubona pele takwe nibakazibona. Ambi balikuyandisisya kumvwa zintu ezyo nzimumvwa pele takwe nibakazimvwa. 18 Ino amuswilile cikozyano casikuminza. 19 Cindi umwi namvwa jwi lyabwami bwaleza pele talimvwisisyi, mubi ulasika akugwisya eco cabyalidwe mumbali enzila. 20 Ino cabyalidwe mumuse wolubwe-lubwe ngo muntu umvwa jwi ukulitambula mponya awo kakondidwe. 21 Nikuba namu tajisi muyanda muli lwakwe ambi muyumu kwecindi cinini. Pele cindi cobuyumuyumu amapenzi nabasikila nkambo kujwi, balafwambana kulebwa. 22 Elyo yakabyalwa akati katuteyo twamaumvwa, oyu ngo muntu umvwa jwi, pele uyandisisya zyomunyika obuvubi akusyanikizya jwi, okutazyala michelo. 23 Imbuto eyo yakabyalwa mumuse mubotu, oyu ngo muntu umvwa jwi okulimvwisisya. ulazyala michelo okuba ecizyalo mukuvuzyana ko mwanda muli imwi makani ali cisambomwi, ambi muli imwi makani otatwe mbuli mbukwabyalidwe. 24 Jesu wakamba umwi mukozyano kuli mbabo. Wakati, bwami bwa kujulu bubede anga mwalumi wakabyala mbuto mumunda wakwe. 25 Pele bantu nibakona,sinkondonyina wakasika oku zobyala misonde mumaila akwinka. 26 Mponyina zisyango nizyakakomena okuzyala nseke, mponya abobwizu bwakaboneka 27 Babelesi bo mukamweni muunda bakasika okumwambila kuti, o mwami, nkakuti takwe niwakabyala mbuto mumunda wako? Mbuti ino mbukunga kwaba buyo misonde? 28 'Wakati kuli mbabo, ngusinkondo ma wakacita namu.' Babelesi bakati kulinguwe, nkokuti uyanda kuti tukalimine lusyanga na? 29 Pele mweni muunda wakati, nee. Nkambo mucindi mwanosakwida, kwaanda munomwidilizya amaila. 30 Atuzikile zyonse zikomenene antomwe kusikila cindi cokutebula. Aciindi cakutebula ndizoamba kuti kubatebuze, kusanguna amugwisye misonde mwibungike okuyanga muzikata okwitenta, pele mubike maila angu mubutala. 31 Mponya jesu wakamba oumwi mukozyano kuli mbabo. Wakati, 'Bwami bo kujulu buli mbuli lubanda lwembuto olo ndwakatola mwalumi okuyobyala mumunda wakwe. 32 Eyi nseke ninini loko munseke zyoonse. Pele yamena, ilakomena kwinda zisyango zili mumunda. uba musamu mane okucita kuti bayuni omujulu baze okuzoyaka zivumbo mimitabi yaco.' 33 Mponya jesu wakabambila umwi mukozyano'Bwami bo kujulu buli mbuli mimena mwanakazi jakavwanya muzibililo zyotatwe zyobusu bwa maila mane kusikila cidwi conse cafutumuka.' 34 Zintu ezi zyoonse jesu wakabambila mumikozyano, ambi takwe cakamba kuli mbabo kakutakwe mukozyano. 35 Eci cakaendelana mukuti eco cakaambwa kwiinda mumusinsimi cizuzikizgwe, nakambo kuti, ndiyojula mulomo wangu mumikozyano. Ndiyoamba zintu ezyo zyasisidwe kuzwa kumatalikilo enyika. 36 Mponya jesu wakasiya bantu akujila muganda. Basikwiya bakwe bakabola kuli nguwe akuzoamba kuti,'tupandulwide mukozyano we misonde nolwamba.' 37 Jesu wakataba okwaamba kuti,'oyo wabyala mbuto ngo mwana muntu. 38 muunda nde gundu; embuto mbotu, aba mbabana bwami. Misonde mbobana bamubi,. 39 Ambi ngusinkondo wakazyibyala ngu silweni-kutebula nkwamamanino o mwaaka, mponyha batebuzi mbangelo. 40 Nikuba namu, mbulimisonde nibungikwa okutentwa o mulilo,mbonyina buyo mbukuyoba kumamanino enyika. 41 Mwana wamuntu uyotuma bangelo bakwe, mponya bayobunganika zintu zyoonse kuzwa mubwami bwakwe ezyo zyeetela bubi anzizyo ezyo zidula mulawo. 42 Bayobasowa mubila lyamulilo,omomobanolila akuluma ntwino. 43 Mponyina basalali bayomweka mbuli zuba mubwami bwaisi wabo. Oyo ulamatwi amumuleke amvwe. 44 Bwami bokujulu buli mbuli mbono yasisidwe mumunda. Mwaalumi wakaijana akuisisa. Wakainka kakondedwe, wakauzya zyonse nzyajesi, okula oyo muunda. 45 Ambi,bwami bo kujulu buli mbuli mwalumi musambazi uyandola zyuulila. 46 Nakajana cimwi cali kulila liko, wakainka okuyoouzya zyoonse zyaajisi. 47 Ambi, bwami bo kujulu buli mbuli kazamba oko,kakasowelwa mu lwizi, okuyojata nswi zindene-indene. 48 Nikakazula,basikuteya bakakwela ansi okusala zibotu okuzibika muzibikilo. Pele zibi bakazisowa. 49 Kunoli muli eyi nzila kumamanino enyik. Bangelo bayosika okuyoanzyanya basizibi kuzwa akati kabaluleme. 50 Bayobasowa mubbila lya mulilo, omo mubanoli oku lumanya ntwino. 51 Mwati mwazimvwisisisya zintu ezi zyoonse? Basikwisya bakamba kuti kuli nguwe,'Iiyi'. 52 Mponya jesu wakati kulimbabo, nekuba namuya kufumbwa mulembi waba sikwiya kubwami bo kujulu buli mbuli mwalumi kali ngonguwe mweni nganda, oyo ugwisya zyecindi ezipya kuzwa mucibikilo cakwe. 53 Mponya cakaza mukati jesu nakamanisya mukozyano eyi wakazwa a busena awo. 54 Mponya jesu wakanjila mucisi cokulibo okwisya bantu mucikombelo cabo. Kwakanjanika mukuti bakakankamana okwamba kuti, ino oyu mwalumi ubujana kuli busongo bwakwe enguzu zipati ezi? 55 Tainsi i kuti banyina baitwa kuti mba Maliya? Tabainsi bazyalwanyina a Jemusi, Josefa, Simomi o Judasi? 56 Tabainsi kuti lwanda beense bacizi bali aswibo? Ino zintu ezi zyoonse wakazijana kuli 57 Bakabisizigwa anguwe. Pele Jesu wakateti kulimbabo,'musinsimi tainsi kuti ujana buyo bulemu nucisi cokulibo ompazwa, 58 Takwe nakacita malele manji omo nkambo ko kutashoma kwabo.