¹ Aliciya cindi Jesu wakainka mumyunda ya maila buzuba bwa nsabata. Basikwiya bakwe bafwide nzala, bakatalika kucela mabbemba amaila okutalika kulya. ² Pele ba Falisi nibakabona eco, bakati kuli Jesu,@bona, basikwiya bako balimukucita citelede kucitwa mubuzuba bwa nsabata. ³ Pele Jesu wakati kuli mbabo,'Takwe nimwanonga mwabala nchakacita Davida nakwafwa nzala, abantu mbali ambabo? ⁴ Wakainka mu ngand yaleza okulya cinkwa ce cituulo eco catalikwelela mumulawo kuti alye ape ticalikwelela mumulawo kuli abo mbali anguwe, pele calikwelela buyo kubapaizi. ⁵ Takwe nimwakabala mimilawo kuti munsabata bapaizi mutempele batyola mulawo pele nanga namuya tabakwe mulandu? ⁶ Pele ndamwambila mupati kwinda tempele nkwali ano. ⁷ Nimwalizi ncicalikwamba eci,' ndiyanda luse kutainsi cipaizyo,' nimwatabeteka batakwe mulandu. ⁸ Nkambo mwana omuntu ngo mwami we nsabata. ⁹ Mponya Jesu nakazwa oko wakainka mumasinagogi abo. ¹⁰ Mponya kwali mwalumi wali cihole kujanza. Ba Falisi bakabuzya Jesu, bakati,' cilimumulawo kuponya mu nsabata?' nkokuti bamujanine kambo. ¹¹ Jesu wakati kulimbabo, 'ngwani mwalumi akati kenu unga kajesi buyo mbelele yomwi, mponya kuti eyi mbelele yawida mumgodi mubuzuba bwe nsabata, takoijata kuti aigwisye anze? ¹² Mponya ngwani uyandika, mwalumi kwinda mbelele! Nkokuti cilimumulawo kucita ciboyu mu nsabata. ¹³ Mponya jesu wakati kumuntu oyo,'vungununa janza lyako.' wakalivungununa, lyakapona, mbubona mbuli limwi janza. ¹⁴ Pele bafalisi bakazwida anze akuyomvwana kumulwanisya, balikuyandola nzila yakumujaya. ¹⁵ Jesu nakaziba, wakazwa oko, bantu banji bakamucilila, mponya wakabaponya bense. ¹⁶ Wakabalailila kuti bataciti kuti bamwi bamuzibe, ¹⁷ kuti cizuzikizigwe eco cakambwa kuli Isaya musinsimi, nakati, ¹⁸ Amulange, mubelesi wangu ngundakasala ngweyandisisya, mulinguwe moyo wangu munoenwa. Ndiyobika muya wangu alinguwe, ape uyoambilizya nconzyo kuli bamasi. ¹⁹ Takoyokazyanya nanga kongolola; takwe nanga omwi uyomvwa jwi lyakwe mutuzila. ²⁰ Takoyotyola kabu kacuzukide takozima kufumbwa kamuni kasuka kusikila akazundye lubeta, ²¹ mponya muzina lyakwe bamasi bazoba olushomo'. ²² Mponya umwi mofu syatabi, wakajilidwe daimona, waketwa kuli Jesu. Wakamuponya, mponya cakacitika ncokuti mwalumi syatambi wakatalika kwambola okubona. ²³ Mbunga zyense zyakakomokwa mponya bakati,' Ino oyo mwalumi ulakonzya kuba mwana wa Davida?' ²⁴ Pele awo bafalisi nibakamvwa malele aya bakati,'Oyo mwalumi takonzyi kugwisya madaimona ati muli Belizebule, mwana wa madaimona,' ²⁵ Pele Jesu walizi miyeyo yabo wakati kuli mbabo,'kufumbwa bwami bulyandanya bulike, ape kufumbwa dolopo na nganda ilyandanya taikoima. ²⁶ Kuti satani watanda satani, ulalyandanya lwakwe. Ino cisi cakwe cilaima buti? ²⁷ Ape kuti ndatanda madaimona kwinda muli Belizebule, ino bana benu ninguzu zyani nzibabapatizya mbabo? mukambo aka bayobababetesi benu. ²⁸ Pele kuti nkegwisya ma daimona kwinda mumuya wa leza, nkokuti bwami bwa leza bwasika alinywebo. ²⁹ Mbuti mbukunga kufumbwa muntu ulajila munganda yo muntu udide okubba zintu zyakwe katana kusanguna ku mwanga mwalumi udide? mponya ulakonzya kubba zintu zyakwe kuzwa munganda yakwe. ³⁰ Oyo utainsi amibo mulwani ma, ape oyo utaswanani amibo ulamwaya. ³¹ Mponya ndati kulinywebo, kufumbwa cibi okusampola kuyolekelelwa bantu, pele kutuka muya usalala takukajatilwi oyo wamba kufumba bbala lilwana mwana o muntu, uyolekelelwa' ³² Pele oyo uwambola kulwana muya takoyolekelelwa nanga munyika muno, nanga kunyika eyo ibola. ³³ Amubambe musamu kabotu emicelo yao kabotu, na mubambe musamu obi emicelo yawo obi, nkambo musamu ulazibwa kwiinda mu micelo yawo. ³⁴ Nywebo nobana bacipile, mbumuli babi ninga mwakonzya buti kwamba zibotu? Nkambo kwinda mubunkutwe bo moyo mulomo wakwe ulamba. ³⁵ Muntu mubotu kuzwa mu lubono lubotu lo moyo wakwe wamba zibotu, ape o muntu mubi kuzwa mulubono lubi lo moyo wakwe wamba zibi. ³⁶ Ndamwambila kuti mubuzuba bo lubeta bantu bayobusigwa nkambo ka majwi mabi ense ngibakamba. ³⁷ Ankambo lamajwi enu muzopegwa mulandu. ³⁸ 'Mponya bamwi balembi abafalisi bakataba Jesu bakati,'o mufundisi tuyanda kubona citondezyo kuzwa kuli yebo. ³⁹ Jesu wakataba wakati kuli mbabo,'inzyalano imbi yobumambe iyandola citondezyo. Pele takwe citondezyo ciyopegwa kuli njiyo kuleka citondezyo ca Jona musinsimi. ⁴⁰ Nkambo Jona wali mazuba otatwe amasiku otatwe mwida lye nswi mpati, mbubonya namuya anguwe mwana omuntu mbwayokala mazuba otatwe amasiku mu moyo we nyika. ⁴¹ Bantu boku Ninive bayoima kulubeta lwe nzyalano eyi okwipa mulandu. Nkambo bakempwa okuka mbauka kwa Jona. Amulange umwi winda Jona nkwali ano ⁴² Mwami mwanakazi wokumusanza uyoima kulubeta abantu benzyalano eyi ookwipa mulandu. Nkambo wakazwida kumamanino enyika kuyomvwa busongo bwa Solomoni, amubone,umwi winda Solomoni nkwali ano. ⁴³ Ino muya mubi nuzwa mu muntu, ulanda muzibaka zitakwe manzi okuyandola cipumwido, pele tucijani. ⁴⁴ Mponya ulati, ndilapiluka kuganda yangu nkundakazwa. íno wapiluka buyo, ulajana nganda ilya yatanyelwa okubambwa kabotu. ⁴⁵ Mponya ulainka okuyoetelezya myuuya mibi ili misanu aibili mibi kwinda njiyo, bense bayoza akukala mumo. Mponya kumamanino bukale bo muntu oyo bulabija kwinda bokusanguna. Ciyoba namuya okunzyalano eyi mibi. ⁴⁶ Jesu nacili kwambola kumbunga, mponya, banyina abazyalwanyina balinvwi anze, bayanda kwambola kulinguwe. ⁴⁷ Umwi wakati kulinguwe," langa, banyoko abazyalwanyoko balinvwi anze, bayanda kwambola ayibo." ⁴⁸ Jesu wakataba wakati kulinguwe oyo wakamwambila," mbani bama ape mbani bazyalwama?" ⁴⁹ Mponya wakatambika janza lyakwe kubasikwiya bakwe wakati,"Amulange, mbaba bama abazyalwama! ⁵⁰ Oyo ucita luyando lwatata uli kujulu, oyo muntu muzyalwama, ape mucizi wangu, ape mbabama.