¹ Ino cizuminano cokusanguna calijesi milawo yobukombi eyo busena busalala. ² Tente lyakaya kwa,lyokusanguna, mali cimikilo ce lambi, tebule ecinkwa cibonwa bonwa. Lyali kwitwa kuti cibaka cisalala. ³ Kusule lye cinsinkilizyo cabili kwali tente liyegwa cibaka cisalalisya. Cakayakwa angolode yokubikila tununkilizyo. ⁴ Lyajesi bbokisi lye cizumminano, livumbidwe engolide kwense kwense. Mukati kwali kanywido kajesi mana, omusako wa Aloni wasonside mani, ape amatebule ecizuminano, ⁵ Atala ebbokisi lye cizuminano,ba kelubimu bo bulemu bakavumbilila cibbula coluleleko, makani aya tatukonzi kwa mba mukumaninina. ⁶ Nizyakamana kubambwa zintu ezi, bapaizi balikunjila cindi cense mu kand ke cipaililo kuti bacite milimo yabo. ⁷ Pele mupaizi mupati walikunjila mukanda kabili cindi comwi mu mwaka, pele talikunjila kakutakwe bulowa mbwatula lwakwe mweni aye milandu ya bantu njibakacita mukutaziba. ⁸ Muya usalala ulayisya kuti natente litanzi kalicimvwi nzila iya ku cibaka cisalalisya taina kuyunumwa. ⁹ Eci ncikozyano ce cindi cino. Zyense zipego ezipaizyo ezyo zilimukutulwa tuzikonzi kusalazya mangezezya abakombi. ¹⁰ Bagamide buyo kulizyo kulya okunywa ezyo kusamba kwe misyobo misyobo, nzyokulibamba buyo mubili kusikila cindi co bwende bupya. ¹¹ Kilisito wakaza mbuli mupaizi mupati we zintu zibotu zyakaza. Wakainda mutente pati lyeni lyeni lyatakayakwa amanza abantu, litainsi lyano ansi. ¹² Tuyalinsi lyo bulowa bwe mpongo nanga botugombe, pele obulowa bwakwe mweni wakanjila mu cibaka cisalalisya. Wakanjila komwi buyo okutwetela lununuko lutamani. ¹³ Nikwalikuti bulowa bwe mpongo obwabapoho okusansaila dota lye ntole kuli abo bakasofwazigwa kubasalazya kumibili yabo, ¹⁴ Ino ninga mbuti bulowa bwa kilisito , oyo kuli Leza, bwasalazya mangezezya esu kuzwa ku mililo ifwide mukulemenezya Leza mumi. ¹⁵ Mukambo aka, ngomwini we cizuminano cipya.Nkokut, kambo lufulwakatola busena kuti lubanunune abo bali mucizuminno citanzi kuzwa kumilandu yabo, abo bakaitwa buyotambula cisyomezyo co lukono lutamani. ¹⁶ Awo alimalayilile, lufu lo muntu wakapanga welede kulanganizigwa. ¹⁷ Kambo malailile acitwa buyo kwacitika lufu, kambo takwe milimo nacipona sikulailila. ¹⁸ Pele ancico cizuminano cokusanguna takwe nicakatalukwa kakutakwe bulowa. ¹⁹ Kambo Mozesi nakamana kupa malailile omulawo ku bantu bense, wakatola bulowa botugombe obwe mpongo, amanzi boya busalala, ewisopo, ape okusansaila lyense bbuku abantu bense. ²⁰ Mponya wakati, obu mbobulowa bwe cizuminano obo Leza mbwaka mubambila. ²¹ Mumzila njiyonya, wakansansaila bulowa atente lisalala ezibelesyo zyense zyomo mukumbelwa. ²² Kwendelana omulawo, yense zyakasala zigwa obulowa. kakutakwe kutilwa ko bulowa takwe kulekelwa. ²³ Mponya kwayelede kuti zikozyanyo zye zintu zyokujulu kazisalazigwa ezipaizyo zyabanyama aba. Nikuba namuya, zintu zyokujulu lwazyo lwali kwelede kusalazigwa ezipaizyo zibotu zinda ezyo. ²⁴ Kambo kilisito takwe nakanjila mu abaka cisalalisya cakapangwa amanza abantu, kacilibuyo cikozyanyo celyo lyeni lyeni. Pele wakanjila kweni kujulu, kuti alibonye ino mubube bwa Leza kuli swebo. ²⁵ Takwe nakwe nakainka kuyolitula lwakwe mweni zindi zinji, mbuli mupaizi mupati, unjila mubusena buslalisya mwaka omwaka obulowa bo umwi. ²⁶ Nikwali kuti mbukubede, nkokuti walikwelede kupenga zindi zinji kuzwa kumalengelo enyika . Pele ino wakalibonya kumamanino ecindi kuti agwisye zibi kwinda mu kulipa lwaka mweni. ²⁷ Mbuli muntu mbwarlrde kufwa lomwi, ape kwamana kuza lubeta. ²⁸ Ape mbubonya kilisito wakalitula lomwi kugwisya zibi zyabanji, ape uyolibonya lwabili, kutainsi kugwisya milandu, pele ko lufutuko kuli abo bamulindilila.