¹ Ino makani eni mapati kulinzi twamba kuti, tujesi mupaizi mupati wakakala ansi kujanza lyecilisya lye cibbula cobupati kujulu. ² Mubelesi mubusena busalala, cipayilo ce nconzyo cakayakwa omwami kutaini omuntu ³ Kambo kufumbwa mupaizi mupati ulasalwa kuti atule zipego ezipaizyo, mponya kwelede kuti kajesi cokupa. ⁴ Ino kuti kilisito nali anyika, natakaba mupaizi nikuba kuti, kambo nkubali abo batula zipego kwendelala o mulawo. ⁵ Balemenezya cikozyanyo kuli buyo mbuli Mozesi mbwa kalailwa o Leza awo nalikuyanda kuyaka cipaililo, Leza wakati, amubone kuti mwacita zyense mbuli mubube obo bwakatondezigwa kuli nywebo amulundu. ⁶ Mponya ino kilisito wakatambula bwendelezi bupati, mbuli bwali mupati we cizuminano, eco cili abulangilizi bupati. ⁷ Kuti na cizuminano cali cibotu, nikutakwe kulangila cabili. ⁸ Ino awo Leza nakajana kampenda ku bantu, wakati, bona, mazuba asika mbwamba mwami, neyopanga cipayililo cipya e nganda ya izilayeli ape enganda ya Juda. ⁹ Taciyobi mbuli cipayililo eco ncindaka panga abensiku babo mubuzuba obo nindaka bweza kujanza lyabo kubasolweda kuzwa mu nyika ya ijipiti. Kambo takwe nibakalemeka cipayilo cangu, mponya takwe ninda langany mbwamba mwami. ¹⁰ Eci ncipayililo eco nceyopanga e nganda ya izilayeli akwinda mazuba ayo mbwamba mwami. Ndiyobika milawo yangu mu mizezo yabo, ndiyoilemba a myoyo yabo. Ndiyoba Leza wabo ape bayoba bantu bangu. ¹¹ Tabakoyisya umwi wabenzinyina cibamwi babazyalwa nyina, kabotu, amuzibe mwami, kambo bense bayondiziba, kuzwa kumunini wabo mane kumupati, ¹² Kambo nddiyobafwida luzyalo kukubisya kwabo, nsikoyoziyeya ape zibi zyabo , ¹³ Mukwita cizuminano eci cipya, wakamba kuti cizuminano citazi kuba cecindi, ape eco caba cecindi bumwi buzuba ciyomana.