¹ Ino melekizedeki oyu, mwami woku salemu, mupaizi wa Leza situlu lyamajulu, wakaswanana o abbulamu kapiluka kuzwa kukujaya bami wakamuleleka. ² Calikulinguwe kuti Abulamu wakapa kwe kumi kwe zintu zyense .Kusanguna kupandulula kwe zina lyakwe kwamba kuti, mwami wo bululami, mponya ape mwami woku salemu, nkokuti, mwami wo lumuno. ³ Utakwe isi, utakwe banyina , utakwe bensiku, utakwe matalikilo amazuba nanga mamanino obumi. Pele uswana o mwana Leza, kambo unoli mupaizi kukabe kutamani. ⁴ Amubone bupati bo muntu oyu mbubwabede oku patiliyaka Abulamu kwakapa kwe kumi kuzintu ezyo nzyakatola mu nkondo. ⁵ Bana ba levi bakatambula mulimo wo bupaizi balijesi nguzu kwinda ku mulawo wokubwezela kwe kumi kuzwa ku bantu, nkokuti, kuzwa kubazyalwanyina, nanga kuti, ambbo mbana bazwa kuli Abbulamu. ⁶ Pele melekizedeki, utainsi wo mukowa wabo wakatambula kwe kumi kuzwa kuli Abulamu mponya wakamuleleka,oyo wajesi zisyomezyo ⁷ Takwe kukaka kuti oyo muntu munini ulalelekwa omupati . ⁸ Mukambo aka, bantu bafwide balatambula kwe kumi, pele mukambo kaya cakazibinkana kuti mpali. ⁹ Ape , mubube bokwambola, Levi, wakatambula kwe kumi, anguwe wakabadela kwinda muli Abulamu, ¹⁰ Kambo levi walimumubili wabensiku b akwe awo melekizedeki nakaswanan o Abulamu. ¹¹ Ino kuti bubotu nibwakakozya kuza kwinda mubupaizi bwa Levi kunze ambubo bantu bakatamu lawo , kwacilikuyandika nzi kuti kubeumbi mupaizi kuzwa kuli melekezedeki, ape kabutalanganizigwa kuzwa mubube bwa Aloni , ¹² Kambo kuti bupaizi bwacincwa, omulawo anguwo welede kucincwa. ¹³ Ino oyo wambolwa zintu ezi uzwa kumusyobo umbi, wokuti takwe naba omwi wabo walinanga wabeleka acipayililo , ¹⁴ Ino kulizibinkene cizwa kuli Juda cokuti mwami wesu wakazyalwa, musyobo oyo Mozesi ngwatakadoma ujatikizya bapaizi. ¹⁵ Ncitwamba cilasalala nanga kuti umwi mupaizi wasika mubube bwa melekizedeki. ¹⁶ Takwe nicalikuyandika mumulawo wamba makani obuzyalwe cokuti wakaba mupaizi, pele nikuba namuya wakaba kwinda mu nguzu zyo bumi butamani. ¹⁷ Mbuli malembe mbwamupandula, uli mupaizi wokutamani mbubonya mbuli mbubwabede. Bwa melekizedeki, ¹⁸ Mbuli kutainsi buyo mulawo we cindi wabikwa kumbali kambo taukwe nguzu ape taugwasi, ¹⁹ Mbuli mulawo mbutakwe ciwa lilamika pele ape lulangilo lubotu lwakaba kwinda mukutuswenya kuli Leza. ²⁰ Ape ticalinsi cokutakonka, bamwi bakaba bapaizi kakutakwe nikuba kukonka , ²¹ Pele wakaba mupaizi kwinda mukukonka kwendelana oyo wakati kulinguwe, mwami wakonka ape takoyocinca muzezo wakwe, uli mupaizi mane kukabe kutamani. ²² Ali eci anguwe Jesu wakapa cisinizyo ce cizuminano cibotu. ²³ Bapaizi batanzi bali banji,mu myelwe,kuzwa lufu nilwakabelesya kuzwida anembo emilimo yabo. ²⁴ Pele kambo Jesu wazumanana kupona kutamani, ujesi bupaizi butayomani. ²⁵ Mponya anguwe ulakozya kubafutula bense abo baswena kuli Leza kwinda muli nguwe, kambo cindi cense uponena kubamwimi nizi wabo , ²⁶ Calikwelede kuti twelede kuba omupaizi mupati mbuli oyu, usalala, ubombide, utakwe pampenda uzwide kuzwa kuli basizibi, ape usumpukide atala majulu. ²⁷ Tayelede kuba mbuli bapaizi bapati, kupayila zipaizyo mazuba ense, kusanguna zibi zyakwe, mponya zibi zyabantu. Walikucita eci cindi comwi buyo nakalipa lwakwe mweni. ²⁸ Mbuli mulawo mbubika bantu batetete kuti babe bapaizi bapati. Pele ijwi lye cikonkezyo, lyakaza musule omulawo, lyakabika mwana, wakacitwa kuba mubombe mane kukabe kutamani.