¹ Mponya ino atuleke matalikilo omulumbe wa kilisito tuswene kunembo kubupati tutabiki ape ntalisyo zyokulilekelela kuzwa kumilimo ifwide olusyomo muli Leza , ² Nanga ntalisyo yokwisya zyo mu papatisimo, okubika manza, mububuke bwbafu. Ape olubeteko lutamani, ³ Tuyocicita ancico eci na Leza wazumizya. ⁴ Pele nciyumu kuli abo bakamunikilwa kale, bakalabila cipego cakujulu, abo banjilidwe kale omuya usalala, ⁵ Ape bakalabila ijwi bbotu lya Leza enguzu zyecindi ziciza. ⁶ Pele abo bakawa nciyumu kubabukulusya mu lwempo. Kambo bakabambula mwana Leza lwabo beni, okumubyaubya antangalala. ⁷ Kambo nyika inywa mumvula lwiida alinjiyo, yamana yazyala kumicelo ibeleka kuli abo nyika mbiyakabekela eyi nje nyika yakatmbula cileleko kuzwa kuli Leza . ⁸ Pele kuti yazyala bumvwa eciyasabavwimi, nkokuti nimbi ape cilafwi kuba lutuko. Mamanino aco kutentwa. ⁹ Pele tulizumide ezintu zibotu zijatikizya nywebo , nobayanwa , zintu zijatikizya lufutuko, nanga kuti twambe namu. ¹⁰ Kambo Leza takwe kampenda. Takoyoluba milimo yenu ape oluyando ndumwakatondezya kuzina lyakwe. Kambo mwakafutula bantu bakwe basalala esunu mucibabekela. ¹¹ Swebo tuyandisya kuti umwi oumwi wenu ulakonzya kutondezya lusungwalo luswana kumamanino, kucitila kuti kusunwala kwenu kukalilile . ¹² Eci cilapa kuti kamutabi bakandu, pele batobeli babo banga mulusyomo omubulangilizi bayojana zisyomezyo. ¹³ Awo Leza nakapa cisyomezyo cakwe kuli abbulamu, wakalikonka lwakwe mweni, mbukunga tikwalikwe mupati winda ngwalikukozya kukonka. ¹⁴ Wakati, ndilakuleleka okukuvuzya. ¹⁵ Muleyi nzila abbulamu wakatambula eco cakasyomezigwa nakamana kulindila cobusicamba. ¹⁶ Bantu balakonka kwinda mu muntu ubainda kumamanino cikonke cipegwa ce nconzyo, cimana kukazyanya kwense, ¹⁷ Awo Leza nakayanda kutondezya ncantangalala kuli basikukona be cisyomezya, muzezo wakwe utasanduki, wakacisyomezya mukulumbaizya. ¹⁸ Wakacita eci kucilila kuti muzintu zyobile zitasnduki ezyo zinga tazikonzeki kuli Leza kubeja. Swebo, totucijila bulangizi, tukabe olumbulizyo luyumu kuti tujatisye bulangizi bubikidwe kumenso esu. ¹⁹ Tulijesi eci mbuli musemo muyumu wo muya lusyomo lunjila mukati ko busena busalala kunsi e cisitilizyo. ²⁰ Omo Jesu wakatu sanguninana kunjila ,wakanjila mubusena buya kwiminina swebo .Wakaba mupaizi mupati okuba kutamani mbubonya mbuli mbwabede melekizedeki.