¹ Mulawo mwemvule buyo we zintu zibotu ziza, tazinsi ziwa zteni zyezintu lwazyo. Abo baswena kuli Leza tabakonzi kusalazigwa ezipaizyo nzizyonya ezyo bapaizi zibeta mwaka omwaka. ² Nikwatali namu , zipaizyo nizyatalikumana kupaizigwa, kambo basikukomba nibakasalazigwa buyo cindi comwi kabatakwe kulimvwa kuti balomulandu. ³ Pele ankambo kezipaizyo ezyo kuli ciyeyezyo ce zibi mwaka omwaka. ⁴ Kambo tacikonzeki ku bulowa bo mupoho obwe mpongo ku gwisya zibi. ⁵ Kilisito nakasika munyika , wakati, takwe nimwakayanda zipaizyo ezitulo pele mwakandi bambila mubili, ⁶ Muzitulo zyokutenta omu zitulo zye milandu takwe nimwakanonenwa, ⁷ Mponya ndakati, langa , ndime oyu mbuli mbukulembidwe lzyangu mukabbuku kucita luyando lwako o Leza. ⁸ Kusanguna wakati, tikwalinsi muzipaizyo nanga muzitulo zyokutenta , nanga muzitulo zyemillandu nzimwaka yanda. Ezi nzezitulo zipaizigwa kwendelana omulawo. ⁹ Mponya wakati, amulange ndili ano kucita luyando lwako ulagwisya zitanzi kucitwa kuti amanisye zyabili kucita. ¹⁰ Mukuyanda oko, twakasalazigwa kwinda mu citulo co mubili wa Jesu kilisito lomwi kukabe kutamani. ¹¹ Buzuba obuzuba mupaizi wense ulaima okukomba , kupa zitulo nzizyonya lyense lyense zipaizyo ezyo zitakonzi kugwisya zibi. ¹² Pele awo kilisito wakatula cipaizyo cowi ce zibi, wakakala ku janza lye cilisya lya Leza. ¹³ Ulalindila mane basikondonyina bakabe ngama lyatilo amaulu akwe. ¹⁴ Kambo ke citulo comwi wakabalulamika abo bakasalazigwa. ¹⁵ Muya usalala anguwo ulayubununa kuli swebo. Kusanguna ulati, ¹⁶ Eci ncecizuminano nceyopanga ambo ayinda mazuba ayo, mbwamba mwami. Ndiyobika milawo yangu mu myoyo yabo, ape ndiyolemba mu mizezo yabo. ¹⁷ Wakazuzikizya okuti, zibi zyabo emicito yabo mibi takwe neciyoiyeya, ¹⁸ Ino awo alilulekelo ali ezi, takucikwe cipaizyo ce milandu niciba comwi. ¹⁹ Kambo ako, nobazyalwama, tulijesi lusyomo lokunjila mu cibaka cisalalisya kwinda mubulowa bwa Jesu. ²⁰ Eyo nje nzila mpya ape ilobumi njakatucitila kwinda mucisinki lizyo, nkokuti,munyama yo mubili wakwe. ²¹ Kambo tujesi mupaizi mupati ulela nganda ya Leza, ²² Atuswene emyoyo yeni yeni mulusyomo lomuzuminano, emyoyo yesu kisansaidwe kusalala kuzwa mangezyezya mabi ape emibili yesu kisambide amanzi asalala. ²³ Ape atujatisye cokutazungana kubulangizi mbutwambilizya , kambo oyo wakasyomezya ulasyomeka. ²⁴ Atuyeyezyanye mbutukozya kuyumya umwi oumwi ape tuyande milimo mibotu. Tutaleki kuswanana antomwi, mbuli bamwi mbubacita. ²⁵ Pele atuyusyanye, loko loko, kamucita namuya cindi cense mbuli mbumubwene kuti buzuba bulafwifwi. ²⁶ Kambo kuti katubisya amano kokuti twatambula luzibo lwe nconzyo, takwe cipaizyo ce milandu cinoliwo. ²⁷ Pele , kuti buyo lumwi lulangilo lo lubeta luyosya, obukali bo mulilo obo buyotenta basinkondonyina o Leza. ²⁸ Kufumbwa oyo wakasotoka mulawo wa Mozesi ulafwa kakutakwe lwengelelo mukusinizya kwabangelo bobile na botatwe. ²⁹ Ino muyeya kuti kusubulwa kupati kuyoba kuti kuli oyo wasampola nanga kunyansya kunsi amaulu omwana Leza, okucita bulowa bwe cizuminano mbuli kuti tabusalali bulowa omo mwaka salazigwa ape okuti ka muya wo luse. ³⁰ Kambo tulimwizi oyo wakamba kuti, kubwe dezya kuzwa kulimebo, ndiyobwedezya. ³¹ Ape, mwami uyobeteka bantu bakwe. Ncintu ciyosya kwind mumanza aLeza mumi. ³² Pele amuyeye mazuba akainda , nimwakamana kumunikilwa, mumwakapenga nkondo njumu mumapenzi. ³³ Mwaliku yubululwa cantangalala kumasampu kwinda mukutu kikwa okupenzigwa, mponya mwalikupenga akambo abo balikupenga mu mapenzi ngaonya. ³⁴ Kambo mwaka bafwida luzyolo abo bali muntolongo, ape mwakazumina cokunonenwa kunyangwa ko lubono lwenu. Mwalizi kuti nyebo lwenu mwalijesi cintu cibotu ciyoba okutamani. ³⁵ Ino mutasowi lusyomo lwenu, kambo lujesi bulumbu bupati. ³⁶ Kambo mwelede kukakatila nkokuti mwamana kucita luyando lwa Leza, muyotambula eco ncakasyomezya. ³⁷ Kambo mukaindi kanini buyo, oyo uza ulaza nconzyo ape takocedwa. ³⁸ Musalali wangu uyopona mumuzumino. Pele kuti wapiluka musule, muya wangu taukononenwa anguwe. ³⁹ Pele tatwinsi wambabo abo bapiluka musule, pele tuli bamwi ba mbabo abo bjesi muzumino ape ba bamba myuya yabo.