¹ Ino muzumino nkukakatila muli aezi nzitulangila kuzintu zitabonwi . ² Akambo kezi bensiku mubakajanwa muzumino wabo . ³ Kwinda mumuzimino tulamvwa kuti nyika yakalengwa kwinda mu nguzu zya Leza, nkokuti ezyo zibonwa zyakalenwa kuzintu zitabonwa. ⁴ Ncomuzumino Abela wakatulila Leza cipaizyo citambulika kwinda ca kaini, kwinda muli eci wakategwa mululami, mponya Leza wakambola kabotu zyanguwe kambo ke zipego zyakwe, ape kwinda mulusyomo Abela ucambola, nikuba kuti ulifwide. ⁵ Ncomuzimino eco inoki wakatolwa kujulu kuti ataboni lufu. Takwe nakajanwa, kambo Leza wakamutola. ⁶ Ino kuti kakutakwe lusyomo tacikonzi kumunonezya. Kmbo cilelede kuti kufumbwa muntu uswena kuli Leza welede kuzumina kuti ulapona ape okuti ngupabulumbu bwabo bamuyandola. ⁷ Ncomuzumino kuti nowa, wakapegwa makani okulaililwa kwe zintu zitana kubonwa, kwinda mukuswila malailile aLeza wakayaka bwato kuti afutule bana bakwe. Mukucita eci, wakaisampola nyika mponya wakaba okuba sikukona wo bululami bwendelana omuzumino. ⁸ Ncomuzumino kuti Abulamu, nakaitwa, wakazumina okwinka ku cibaka eco ncalikuyotambula mbuli lukono. Wakainka, katazi nkwayobuya. ⁹ Cali colusyomo kuti wakakala mucisi cakasyomezigwa mbuli mwenzu. Wakakala mumatente oizaki o jakobo, basikonanyina becisyomezyo ciswana. ¹⁰ Kambo walikutangila kudolopo lijesi ntalisyo, lyakayeyigwa okuyakwa o Leza. ¹¹ Kwinda mulusyomo anguwe sala lwakwe watalikuzyala wakatambula nguzu zyokumita mubucembele bwakwe. Kambo wakazumina kuti ulasyomeka oyo waka musyomezya. ¹² Mponya , kuzwa kuli oyu muntu wali mbuli muntu ufwide kwakazyalwa bantu banji banji mbuli nyenyezi mujulu zitabaliki mbuli muse wa nkomwe lyo lwizi. ¹³ Ncli mulusyomo kuti abo wakafwa kabatana kutambula llusyomezya. Pele mukubona okubalumelisya kuzwa ale, bakazumina kuti abo bali bamuzwakule ape beni nyika. ¹⁴ Kuli abo bambola zintu zili namuya balalibonya kuti bayandola cisi cabo. ¹⁵ Kuti nibakuyeya cisi ncibakazwa, nibalijesi cindi cokupiluka . ¹⁶ Pele mbuli mbucibede, baya ndisya cisi cibotu, nkokuti cisi cokujulu. Mponya Leza talisendi kwitwa kuti ngu Leza wabo. Mbuli mbwaka bambila dolopo. ¹⁷ Calicolusyomo kuti Abulamu, nakasunkwa, wakatula Iska. Ngwali mwana wakwe alike oyo wakatula , oyo wakatambula zisyomezyo. ¹⁸ Nkokuti Abulamu kwakambwa kuti, kwinda muli isaka bana bako mwataba kauzikwe. ¹⁹ Abulamu wakayeya kuti Leza ulakozya kubusya isaka kuzwa kubafu, okukonzya kwambola. Cakazwa kuli mbabo kuti wakamutambula. ²⁰ Calicolusyomo kuzintu ziciza ezyo isaka wakaleleka jakobo oesau. ²¹ Calicolusyomo kuti jakobo nalikufwa, wakaleleka bana ba josrfa, jakobo wakakomba, kasyamide atala omusako wakwe. ²² Calicolusyomo kuti josefa mamanino akwe nakaswena ,wakambola kuzwa kwa bana ba izilayeli kuzwa mu ijipiti okubailila zya mfuwa akwe. ²³ Calicolusyomo kuti Mozesi, nakazyalwa, wakasiswa kwe myezi yotatwe abazyali bakwe kambo bakabona kuti wali mwana mubotu. Takwe nibakayowa malailile omwami. ²⁴ Calicolusyomo kuti mozesi, nakakomena, wakakala kwitwa kuti mwana omwana wa falawo mwanakazi. ²⁵ Wakasala kupenzigwa antomwi abantu ba Leza kwinda kulinonezya misalo ye zibi kwa kaindi kanini. ²⁶ Wakayeya kuti kusampolwa koku cilila kilisito ndubono lupati kwinda mbono zya baijipiti. Kambo wacilikulangila bulumbu bwakwe. ²⁷ Calicolusyomo kuti mozesi wakasya ijipiti . Takwe nakayowa bukali bo mwami, kambo wakakatila mbuli kuti wakabona oyo utabonwi. ²⁸ Calicolusyomo kuti wakabamba paseka okusansali bulowa, nkokuti sikujaya bana batanzi atayumi bana batanzi kukuzyalwa ba izilayeli. ²⁹ Calicolusyomo kuti bakazubuka lwizi lusalala mbuli kuti yali nyika njulu. Bana ijipiti nibakasola kucita namuya, bakanyikila . ³⁰ Calicolusyomo kuti manda a jeliko akawa, nakazingulukwa kwa mazuba ali musanu abili. ³¹ Calicolusyomo kuti lahabu wali mwamu, takwe nakafwa abo bataliswilila, kambo wakatambula basilweno mulumuno. ³² Ino ndicamba nzi, kambo cndi cilandimanina kuti kandicamba zya Gidiyoni, bbalaki, samisoni, jafeti, daveti, samiyeli, ape abasinsimi. ³³ Calicolusyomo kuti bakazunda masi, bakakalila bululami, okutambula zisyomezyo, bakamomya milomo yabalavu. ³⁴ Bakazimya nguzu zyo mulilo, bakeleba kubosya kwe panga. Bakaponisigwa kumalwazi, bakaba basinguzu munkondo, bakazunda basinkondo bazwa kumasi ambi. ³⁵ Banakazi bakatambula bafu babo kwinda mububuke. Bamwi bakapenzigwa , okukakakwa ngununwa, nkokuti bakatambula bubuke bubotu. ³⁶ Bamwi bakatambula kusampolwa oku kwbbolwa, mawenge okubikwa muntolongo. ³⁷ Bakapotolwa mabwe. Balikutimbolwa muzibela zyobile, bakajaigwa epanga. Bakenda mumatobo embelele empongo. Bali bapenzi, kukatazigwa , pkupenzigwa . ³⁸ Nyika tiyalibelede abo. Balikwendenda cindi cense munkanda omumalundu, mumpako omumadindi ansi. ³⁹ Pele nikuba kuti bense bantu aba bakalanganizigwa kabotu akambo ko muzumino wabo, takwe niba kambula zisyomezyo. ⁴⁰ Leza wakatubambila cinut cibotu. Nkokuti swebo kuti katutawo, tabakosalazigwa.