¹ Ino mbuli mbutu zingulukidwe e joba pati lili namuya lyabakamboni, atubike kumbali zyense zitulemena okusiya zibi zilamatila. atuzuzane cobusicamba lwendo luli kunembo lyesu. ² Atulangile kuli Jesu, musololi ubamba lusyomo. Kulukondo lwakabikwa kenembo lyakwe, wakazyandamanina mpanda, wakaubisigwa, wakakala ansi kucilisya ce cibbula ca Leza. ³ Ino amuyeye, oyo wakazyandmana mukuzyalwa abasizibi abo balikumulwana, kuti muakatali oku lebganya myoyo. ⁴ Tamuna kukaka nanga kupengana ku cibi co kutilwa co bulowa bwenu. ⁵ Ape mwaluba malailile ayo ngimwambilwa mbuli bana. Mwanangu, utabi noubaubya malailile a Leza, nanga kutyompokulwa nosendululwa anguwe. ⁶ Leza ulasubula abo mbynda, okolola mwana wense ngwatambula. ⁷ Amuyumine mapenzi, mbuli malailile, Leza ulmubamba mbuli bana. Anu mwana nzi oyo utalaililwa oisi, ⁸ Pele kuti kamutalailalwi, mbuli bana bense, nkokuti mulibana bomusaka tamwinsi bana bakwe. ⁹ Kuzwa awo twalijesi matata bakatulailila ape twalikulemeka. Ino mbuti mbutwelede kwindilizya kulemeka isi we myuya okuba obumi, ¹⁰ Matata bakatulailila kwa kaindi kanini mbuli mbubakayeya kabotu. Pele Leza wakatulailila kuti tululame, kuti tulijane mubusalali bwakwe. ¹¹ Kusubulwa ali cimwi cndi kuboneka kuti , pele cipa luciso. Pele kumamamanino izyala micelo mibotu yobululami kuli abo bakayisigwa. ¹² Amunyamune manza enu ayo alengelela amazwi enu matetete. ¹³ Amululamike zya maulu enu , nkokuti cilemene citalebwa pele ciponisigwe. ¹⁴ Amucilile lumuno, omuntuwense, obusalali kambo kuti kazitawo takwe uyobona mwami. ¹⁵ Amulangisisye kuti kutabi nanga omwi ubula luse lwa Leza, ape kutabi muyanda ulula unga wakomena weta mapenzi, kuti banji batakonzi kuso fwazigwa anguwo, ¹⁶ Nanga omwi mwamu utakwe bulemu, mbuli esau, wakauzya bupati bwakwe kambo ke cilyo comwi. ¹⁷ Mbuli mbumuzi kuti kumamanino, nakayanda kukona cileleko, wakakakwa, kambo takwe nakajana nzila yokulilekela, pele nanga wakaciyanda emisozi. ¹⁸ Mbuli mbumutana kusika kumulundu oyo okozya kugumwa, mulundu uyaka, okusiya, kubbubbula. ¹⁹ Tamunosika kukulila ko mwembo, nanga kujwi lyakamba majwi akacita kuti aba bakamvwa kuli mbabo. ²⁰ Kambo takwe nibakonzya kubamba ncibakambila . Kuti munyama waguma cilundu, welede kumvwa amabwe, ²¹ Zyalikuyosya zintu ezyo mozesi wakati, ndayowa ndilimukutuntuma. ²² Nikuba namuya, mwakasika kumulundu wa ziyoni oku dolopo lya leza mumi, ku Jelusalema wokujulu kukumi ezyulu zyabangelo kabasekelela. ²³ Mwasika kumbungano ya batanzi, abo balembidwe mujulu. ²⁴ Mwasika kuli Leza , mubetesi wabantu bense, oku myuya yabaluminina we cizuminano cipya , okubulowa bwakansansaila bwamba kabotu kwinda bulowa bwa Abela. ²⁵ Amubone kuti mutakaki oyo wambola, kambo nibatakacija awo nibakakaka oyo wakaba cenjezya ansi ano, ino swebo tuyoeleba buti kuti twasandukila oyo utulailila kuzwa kujulu, ²⁶ Alicimwi cindi ijwilyakwe lyakazu nganya nyika , pele ino wakasyomezya wakati, acindi cimwi tandiyozunganyi buyo nyika, pele andilyo julu. ²⁷ Aya majwi, acindi cimwi, amba kuti kugwisigwa kwe zintu ezyo zikonzya kuzunganizigwa , nkokuti,kwe zintu zyakalengwa, ezyo zitakonzi kuzunganizigwa ziyosyala. ²⁸ Mponya mbututambula bwami butakonzi kuzunganizigwa, atulumbe ape muleyi nzila akutombe kuli Leza cokulemenezya okuyowa . ²⁹ Kambo Leza wesu mililo utenta.