¹ Luyando lwe buzyalwanyina aluzwidilile. ² Mutalubi kuba o luyando kubenzu. Kwinda muli eci, bamwi bakatondezya luyando kubangelo kabatazi. ³ Amuyeye bange mbuli kuti muli ambabo. Amuyeye abo bapenzigwa mbuli kuti mupenzigwe ambabo. ⁴ Lukwatano alulemekwe abantu bense, bulo bolukwatano bukale kabusalede, kambo Leza uyobeteka abasimamambe. ⁵ Bumi bwenu butabi bokuyanda mali. Amukutile ezintu zimujesi, kambo Leza lwakwe wakati, takwe neyomusiya , nanga kumuleka. ⁶ Atube obusicamba nkokuti tujane nzungu zyokwamba , mwami ngo mugwasi wangu , tandikoyowa. Muntu nanga wacitanzi kuli mebo. ⁷ Amubayeye bendelezi benu, abo bakamba majwi a Leza kulinywebo , amuyeye mamanino enzila zyabo. Mwiye muzumino wabo. ⁸ Jesu kilisito ngonguwe nguwenya jilo, sunu, mane kukabe kutamani. ⁹ Mutayungwi enjisyo zya benzu. Kambo nkubotu kuti moyo welede kudisigwa o luzyalo , kutainsi ezilyo ezyo zitagwasi abo benda ambabo. ¹⁰ Tulijesi cipayililo eco abo babeleka acipayililo ncobakonzi kuba e nguzu zyokulya . ¹¹ Kambo bulowa bwabanyama bajayigwa kambo ke zibi bala eta omupaizi mupati mucibaka cisalala,kakuli mibili yabo ilatentwa kunze omulawo. ¹² Jesu anguwe wakapenga kunze lyo mulyango we cisi, mukuti asalazye bantu kwinda mu bulowa bwakwe. ¹³ Mponya antwinke kulinguwe anze ezibaka kutuyumwine busu bwakwe. ¹⁴ Mbuli mbutu takwe munzi ukawide ano, tweyandola oyo uciza. ¹⁵ Mulinguwe, mponya atupayile Leza acipaizyo cokuti micelo ye milomo ilumba izinz lyakwe . ¹⁶ Tutalubi kucita zibotu ape okwabana, kambo zili mbuli ezi zipayizyo Leza nzyanonenwa. Amulemeke bendelezi benu okulicesya , kambo mbabalanga myuya yenu mbuli abo basilyambilila. ¹⁷ Amulemeke kutegwa bendelezi benu bakacite eci okukondwa, kutainsi cokusa, eco citakwe muli o kulinyebo. ¹⁸ Amutukombele, kambo twazumina kuti tulijesi mizezo yokukala kabotu muzintu zyense. ¹⁹ Ndamukulwaizya loko kucita eci, nkokuti ndikapasigwe kuli nywebo cokufwambana. ²⁰ Ino Leza wo lumuno, oyo wakapilusya mwembezi mupati wembelele kuzwa kubafu, mwami wesu Jesu, kwinda mu bulowa bwe cizuminano citamani. ²¹ Amunonezye muzintu zyense zibotu kukucita luyando lwakwe. Kubeleka muli swebo eco cinonezya kulinguwe, kwinda muli Jesu kilisito, kulinguwe akube bulemu mane kukabe kutamani. Ameni. ²² Ino ndamukulwaizya , nobazyalwama, kuti muswilisye ku majwi ayo ngindakamu lembela. ²³ Amuzibe kuti muzyalwama timosi wakangununwa, oyo ngwetekabole anguwe kuzomuswaya kuti afwambana kusika. ²⁴ Amubalumelesye bendelezi benu bense abantu ba Leza bense basalala. Abo bazwa ku itali balamulumelesye , ²⁵ Luse alube anywibo nwense.