¹ Nikuba namu, nobazyalwama basalala. Nomwabana bwite bokujulu. Amuyeye zya Jesu, mu apositola omupaizi mupati wo muzumino wesu. ² Walikusyomeka kuli Leza wakamusala mbubonya mbuli mozesi walikusyomeka munganda. ³ Nikuba namuya Jesu ulelede kulemekwa kwinda mozesi, kambo oyo uyaka nganda ili jesi bulemu kwinda nganda lwayo. ⁴ Kambo kufumbwa nganda ilayakwa omuntu pele uyaka zyense ngu Leza. ⁵ Mozesi walikusyomeka mbuli ,uzike munganda yense ya Leza , wakapa bumboni muzintu zyense ezyo zyalikuyo ambwa kunembo a mazuba. ⁶ Pele kilisito ulasyomeka mbuli mwana wendelezya nganda ya Leza. Tuli nganda yakwe kuti twafmbana kutatatisya cobucamba okulangila nkuti linkankaizya. ⁷ Nkokuti cilimbuli muya usalala mbuti, sunu , kuti mwamvwa jwi lyakwe. ⁸ Mutayumyi myoyo yenu mbuli mukuzanga mucinci cokusunkwa mu nkanda. ⁹ Awo mpawo bensiku beni nibakandisola mukundisunka mponya mu myaka uli makumi one bakabona mililo yangu. ¹⁰ Mponya ndakanyemena zyalani elyo ndakati, cindi cense baliswekide mu myoyo yabo. Takwe nibakaziba nzila zyangu. ¹¹ Cili mbuli mbundakonka mukunyema kwangu, kuti tabakoyonjila mukupumula kwangu. ¹² Amucenjele, nobazyalwama, kucita kuti akati kenu kutabi naba omwi ujesi moyo mubi utazumini, moyo ufutata kuzwa kuli Leza mumi. ¹³ Nkakako ako, amukulwaizye umwi oumwi buzuba o buzuba, mbuli mbuli mbokucitwa sunu, nkokuti kutabi naba omwi akati kenu uyumya moyo kukene nwa e cibi ¹⁴ Kambo mbuli mbu twakaba babelesinyina o kilisito kuti kusyoma kwesu nkutwajesi kuma talikilo katujatisya mane kusikila kumamanino. ¹⁵ Mbuli eci cakambwa, sunu, kuti na mwamvwa jwi lyakwe, mutayumyi myoyo yenu, mbuli mucindi cokuzanga. ¹⁶ Ino mbani bakamvwa Leza okuzanga tainzi abo bense bakazwa ku ijipiti kwinda muli mozesi, ¹⁷ Mbali abo bakamunyemya kwe myaka ili makumi one, tibalinsi abo bakabisya, abo mibili yabo ifwide yakawida munkanda , ¹⁸ Nkokuti bani nkwakako nkakuti tabakonjila mukupumula kwakwe nikwatalisi kuli abo batakamulemeka, ¹⁹ Tulibwene kuti tibalikukozya kunjila mukupumula kwakwe kambo ko kutasyoma.