¹ Nkambo twelede kuswilizisya kuli nzitwamvwa, kutegwa tutazwi kuli nzizyo. ² Mbuli kuti mulumbe wakambwa kuzwa ku bangelo wambwa kuti ngwe nconzyo, mponya kusotoka okunduluzya kwelela cisubulo. ³ Ino mponya tulakonzya kwenzulika buti kuti katutaswilili lufutuko lupati luli namuya, olu ndufutuko lwkasanguna kwambilizigwa omwami okusinsimpizigwa kuli swebo kuzwa kuli abo bakacimvwa. ⁴ Acindi nciconya Leza wakacilungulula muzitondezyo, mumalele, ezikomosya zyemisyobo misyobo, omukwabanya zipego zyo muya usalala kwinda mu luyando lwakwe. ⁵ Ino tikwalinsi kubangelo Leza nkwakapa nyika kuti ibolw, eyo njitwamba. ⁶ Nkokuti, umwi wakambisya wati, ino muntu nunzi , cipa kuti kumuyeya nanga mwana omuntu, cipa kuti komubamba. ⁷ Wakamucesya muntu kwinda bangelo wakamubika musyini wobulemu omulemeko. ⁸ Wakabik zyense kunsi amaulu akwe, ino calikulunguwe Leza kuti wakamupa zintu zyense takwe ncakasiya citapedwe kulinguwe. Pele ino tatunakubona zyense zilimubulelo bwakwe. ⁹ Pele tulamubona wakacisigwa kwinda bangelo kwa kaindi kanini, Jesu wakabikwa musyini wobulemu omulemeko kambo ka mapenzi olufu lwakwe, nkokui muluse lwa Leza ulakozya kulabila lufu akambo kabantu bense. ¹⁰ Kwalelede kuli Leza, kambo zyense ziponena bana banji ku bulemu. Kwalelede kulinguwe kuba sikujana lufutuko lwabo luzulide kwinda mu mapenzi akwe. ¹¹ Bonse kuli usalazya ambabo abo basalazigwa bajesi ntlisyo yomwi. Camba kuti tajesi nsoni zyokubaita kuti mbazyalwanyina. ¹² Ulati, ndiyo kambauka zina lyako kubazyalwama, ndiyo kambauka mukati ke mbungano. ¹³ Mponya ape ndiyomusyoma, ape amulange, ndiliano abana Leza mbakandipa. ¹⁴ Ino kuti, na bana balabana nyama obulowa, wabanga ezyo zintu munzila njiyonya, nkokuti kwinda mulufu ulakozya kunyonyona oyo ujesi ngunzu zyolufu, oyo, ngu satani. ¹⁵ Eci calimu kuti ulakozya kwangununa abo bense balikuyowa lufu kwinda mukupona bumi bwabo bwense mubuzike. ¹⁶ Nconzyo tainsi kuti ugwasya bangelo, pele mbana b abbulamu. ¹⁷ Mponya calikwelela kulinguwe kuba mbuli bazyalwanyina munzila zyense, kutagwa akonzye kuba olwengelelo omupaizi mupati usyoma mukubamba zintu zyense zya Leza, kuti abambe cipaizyo cokulungila milandu yabantu. ¹⁸ Kambo Jesu lwakwe wakapenga ape wakasunkwa, ulakonzya kugwasya abo basunkwa.