¹ Nkambo kako abona cisyomezyo cokunjila mukulyokezya kwakwe cicizumizigwa kuti cime, atulibambe kuti kutabi nanga omwi wenu uyokacilwa kucita. ² Nkambo twakambilwa mulumbe mubotu mbubonya mbuli mbubabede. Pele mulumbe ulya takwe niwakapa mpindu kuli abo bakaswanana mulusyomo ambabo abo bakasyoma. ³ Nkambo kuli swebo totwaka syoma tula yakamana njila nuolo lulyokezezyo, mbuli mbwakamba, mbuli mbundakonka mubukali bwangu, takwe natabaka njile mukulyokezya kwangu, nanga kuti, milimo yakwe yakamana kuzya kumatalikilo enyika. ⁴ Nkambo kuli kumwi nkwkambola zyo buzuba bwe nsabata, mponya Leza wakapumula mubuzuba bwe nsabata kuzwa kumilimo yakwe yense. ⁵ Mponya ape mu makani ngaonya wakati tabakoyonjila mukulyokezya kwangu. ⁶ Mponya, ciyosyala kuli bamwi kuti kunjila mukulyokezya , ape ambabo abo bakasanguna kumvwa mulumbe nubotu kawambilizigwa kulimbabo takwe nibakainka mumo nkambo kokunduluzya. ⁷ Mponya Leza ape wakasala bumbi buzuba, kubwita sunu nakambola majwi ngoya akambwa kale kwe cindi cilamfu kwinda muli Davidi sunu kutum ijwi lyakwe mutayumyi myoyo yenu. ⁸ Nkambo kuti josyiwa wakabapa kulyokezya, Leza natakambola zyobumwi buzuba. ⁹ Nkokuti kucili lulyokezezyo lwe nsabata lubalidwe bantu ba Leza. ¹⁰ kambo oyo unjila mukulyokezya kwa Leza anguwe walyokezya mumicito yakwe, mbuli Leza mbwakacita kuli zyakwe. ¹¹ Nkokuti atusungwale kunjila mukulyokezya oko, kuti kutabi naba omwi uyowida muciyanza cokunduluzya eco ncibakacita. ¹² Kambo ijwi lya Leza lilapona lilenguzu ape lilabosya kwinda iceba lijesi mabemba obile. Lilabosya mane kwanza nya kobumi omuya, ezifuwa omoko, ape lwabeteka kuyeya okuyanda ko moyo. ¹³ Takwe cintu cakanzwa cisisidwe kuli Leza. Nkokuti , cense cintu cilivumbukide ape cili antangalala kumenso anguwe oyo ngutwelede kupa bumboni. ¹⁴ Mponya awo, abona tulijesi mupaizi mupati wakainka mumajulu, Jesu mwana Leza, atujatisye cenguzu kumuzumino wesu. ¹⁵ Kambo tatukwe mupaizi mupati utakonzi kwetezigwa mukulengana kwesu. Pele ,tulijesi umwi unga munzila zyense wakasunkwa mbuli mbutubede, pele cokuti inguwe takwe cibi. ¹⁶ Atwinke cokutayow kucibbula coluzyalo, kuti takatambule lwetelelo okujana luzyalo lutugwasya mucindi nitubula.