¹ Mbukuli namu amube baiya Leza anga mbana bayandwa. ² Mwende muluyando mbubonyina mbuli kilisitu mbwa katuyanda okulyabila nyebo, kuba atuzyo ecipaizyo ca kamukuzyo kabotu kuli Leza. ³ Mane takwelede okwezezya akati kenu kuli zyo bwamu nikuba kutasalala, ambweni bunyu, kambo taziluleme kubantu ba salala baLeza. ⁴ Kutabi musofwazi nikuba ku kanana zyobufuba fuba niziba, zyensezi taziluleme anu mane celede, kupa kulumba. ⁵ Kambo mulizi ambi muli disizye kuti bwamu, busofwazi na muntu ulakamina zyabezinyina nkokuti ukomba mizimu. ⁶ Kutabi muntu omwenena naba womwi amajwi obuyo kambo kenkani zili namu bukali bwa Leza bulasika kubana batakwe bulemu, na imbulabulaye. ⁷ Mponyina , mutavwalangani ambabo. ⁸ Kambo cindi mwali mumudima, pele sunu muli mumumuni wa mwami mwe mbuli bana bomumuni. ( ⁹ Zizyalo-zyalo zyo mumuni zizwide bubotu, obululami akasimpe). ¹⁰ Amwiye eco ciboyezya mwami. ¹¹ Mutali kumbikizyi kubantu bemilimo yomundima takwe mpindu, kwinda kuyubununa. ¹² Kambo cetela nsoni okwamba nziba cita mukusisikizya. ¹³ Pele zintu zyonse zyaboneka atangalakazya omumuni, cilaboneka amenso. ¹⁴ Cintu cense ciboneka mumunmuni mponya cilamba , amubuke nywebo no muna , mubuke kuzwa kubafu, kilisitu ulamumunikila. ¹⁵ Mulangisisye kabotu mbumwenda kutali mbuli batakwe mano bafuba pele mbuli basongo. ¹⁶ Amucejele loko cindi kambo mazuba mabi ngenyonyono. ¹⁷ Mponya mutabi bafubafuba pele amumuvwe luyando lwa Leza mbulubede. ¹⁸ Ape mutaklwi musinza wo musansa ndaba eci cizulwida kubu kolwi okuli bamba kubi. Pele amuzuzigwe omuya usalala. ¹⁹ Kwambola kuli umwi oumwi kwindila mutembauzyo, omunyimbo, enyimbo zyo muya, mukwinda oku yanya majwi kubotezya okulumbaizya mwami emyeyo yenu yenseni. ²⁰ Zyense kunopa mulumbo muzintu zyenseni muzina lyomwami wesu Jesu kilisitu okuli Leza tata. ²¹ Okulibobya kuli umwi oumwi kumwenzinyinz mukupa bulemu kuli Jesu. ²² Nobanakazi amulibombye kubalumi benu mbubonyina mbuli ku mwami. ²³ Kambo mwalumi ngo mutwe we mbungano lwakwe we ngo,ufutuli wo mubili. ²⁴ Pele mbuli kilisitu mbwali mutwe we cikombelo, abo banakazi mbubelede kulibombya kubalumi babo, muzintu zyenseni. ²⁵ Balumi , amuyande banakazi benu mbwenya mbuli kilisitu mbwakayanda cikombelo, wakalyaba okulipa kuli ncico. ²⁶ Kutegwa acisalazye, mbwaka sampuluzya mukucisanzya amanzi ejwi lyakwe. ²⁷ Kuti atondezye cikombelo kuli nguwe bulemu bwe cikombelo atakwe kabta ketodoti na kudingana nanga kagwalu kataboneki obotu, pele buyo busalali butakwe butongo. ²⁸ Muzina yelene, abo balumi balyelede kuyanda banakazi babo, mbubonya mbuli mbubayanda mibili yabo beni. Oyo uyanda banakwe nkokuti ulaliyanda loko. ²⁹ Takwe muntu wakasula mubili wakwe, pele muntu omuntu ulaubamba kabotu mubili wakwe mane okusanzya, kabotu, kusingabika tufuta, tumnunkila kabotu, mbubonyina namu awe kilisitu ulabamba kabotu mbungano yakwe, ulaisanzya, kwibamba kabotu. ³⁰ Kambo tuli zipanzi panzi zyo mubili wakwe. ³¹ '' Kambo kokuti namu, mwalumi ulasya isi abanyina, mponya ula vwanisigwa abanakwe mponya bolile baba nyama yomwi. ³² Aka kasimpe kasisidwe kapati pele awo ndyamba kilisitu embungano yakwe. ³³ Nikuba namu, umwi oumwi wenu ngwaya ayande banakwe mbuli mbwaliyanda lwakwe, anguwe mwanakazi ulyelede kupabulemu kumulumi.