¹ Nobana amuswilile bazyali banu mumwami, nkambo eci cililuleme. ² "lemeka bauso abanyoko"(oyo ngo mulawo muntanzi ujisi cisyomezyo) ³ "Mukuti kwayanda cilaba cibotu kuli nywebo omukuti kwayanda mulapona kwe ciindi cilamfu munyika. ⁴ Nomatata mutanopatokili bana benu mukubanyemena. Mucitndi cokuti, bulalele mukubaisya a mukubalailila munzila ya mwami. ⁵ Nobazike amubaswilile basimalelo anu kwindilila mbuli kunyama cokubalemeka amoyo womwi okubapa bulemu mukushomeka mukuti kemyoyo yenu. ⁶ Amubaswilile mbonya mbuli mbumuswila kilisitu. Amubaswilile kutainsi buyo basimalelo enu nibamulangila, mukucita kuti babotelwe. Mucindi cakuti mube baswilizi mbuli bazike ba kilisitu, bacita luyando lwa leza kuzwa ku myoyo yenu. ⁷ Amubabelekele calumwemwe, anga mwali kubelekela mwami kutainsi bantu, ⁸ nkambo tulizi kuti kufumbwa cibotu muntu cacita, uyotambula bulumbu kuzwa ku mwami, neenga kali muzike nukuba muzyale. ⁹ Nobasimalelo mubacitile mbubonya bazike benu. Mutabakongi. Mulizi kuti anwibo mujisi simalelo womwi uli kujulu, mponya we tajisi ulusalululo. ¹⁰ Mukumaninizya amuyume mu mwami omunguzu zyakwe zipati. ¹¹ Amuzwate zilwanyo zyoonse zya leza, mukucita kuti kwayanda anga inga mwakonzya kwiima mukukazya memeno a diabulusi. ¹² Nkambo inkondo yesu tainsi yokulwana nyama obulowa, pele njokulwana aba sibwami, abendelezi, aba singuzu bo mudima oyu wansi ano, ambi emyuuya mibi minji yomujulu. ¹³ Nikuba namu amuzwate zilwanisyo zyoonse zya leza, mukucita kuti kwayanda inga mwakonzya kwiima mubuzuba bwecibi, ambi mwazwa akucita zyoonse nkwiima nji. ¹⁴ Amwime nji mbubonya mbuli ntambo ye nchonzyo, izingulukide, yangidwe nta muchukungu, okunobikidwe acamba cabululami, ¹⁵ ambi, maulu enu aelelwe kulibambila eco cibola kuzwa kumulumbe wo lumuno. ¹⁶ Muli zyoonse amubweze ntobo yolushomo, eyo njimunokozya kugwisya oonse masumo afuswa omubili. ¹⁷ Ambi amubweze hementi yolufutuko epanga lyoomuya elyo nde jwi lya leza. ¹⁸ Kunkombyo ili yoonse ankumbilizy, cindi conse amulangilizye zyoonse mukuba obusungu mwano kombela bantu boonse basalali ba leza. ¹⁹ Ambi amundikombele mukuti kwayanda mulumbe inga wa pegwa kuli mebo nidijula mulomo wangu. ²⁰ Nkambo ndili mwimini mubwange: mbuli mbwebedelede kwamba cenguzu, mbuli mbondiyelede kwamba. ²¹ Kuti muzibe cilongwe cangu, ambwe cita, Tukiko, mwana kwesu uyandwa alimwi mukambausi usyomeka mumwami, uyomuzibya muzintu zyonse. ²² Oyo ngundakatumina kuma kanze ngonya, kuti muzibe cilongwe cesu, kuti au mbulizye myoyo yanu. ²³ Lumuno lube kubakwesu, aluyando lwalusyomo, kuli leza Tata a mwami Jesu Kilisitu. ²⁴ Luzyalo lube kuli abo bonse bamuyanda mwami Jesu Kilisitu. Ameni