¹ Mebo, kambo kako, mbuli mwange wa mwami, ndamukumbila kuti mwende kabotu kubwite oko kumwakaitwa. ² Ndamukumbila nywebo kuti mukale cokulibobya kupati ape omoyo ukede obulangili, kuvwanana oumwi muluyando. ³ Amusole cenguzu kubamba lukamatano lomuya lwangidwe mulumuno. ⁴ Kuli mubili omwi ape omuya omwi, mbuli mbomwatetwa mululangilizi lokwitwa kwenu. ⁵ Ape kuli mwami omwi , lusyomo lomwi, kubbizigwa komwi, ⁶ Ape Leza omwi ape ngo tata wabense, oyo winda zyense ape kwinda muzyense. ⁷ Kuli uwmi oumwi wesu luse lwakapegwa kwendelana omwelo wecipego ca kilisitu. ⁸ Cili mbuli mbo camba malembe: '' ino nakatanta mujulu, wakandelezya bazike mubuzike, ape wakabapa cipego kubantu,'' ⁹ Ino cipandulula nzi'' wakatanta,'' ati buyo oyo wakaseluka munsi muzibaka zyenyika? ¹⁰ Oyu wakaseluka ngumwi muntu oyo wakatanta kule amajulu ense, kuti akanvwe zintu zyense. ¹¹ Kilisitu wakapa bamwi kuma aposito, bamwi businsimi, bamwi kukambauka, bamwi bwembezi, ape abasikwisya. ¹² Wakapa eyi milimo kulibambila bantu baleza basalala kumusebezi okugwasya, kukuyaka mubili wakilisitu. ¹³ Wakazwidilila kuyaka mubili kuti mane twense tusike kulukamantano bwalusyomo ape aluzibo lo mwana wa Leza, ape coku zuzikizigwa muli kilisitu. ¹⁴ Kilisitu uyaka swebo kuti kakutacili mbuli bana banini abo bapilusigwa musule kumandinda, kunyamunwa kene luyo lwense lo mulawo ¹⁵ Kwinda kuti, kwambola kasimpe muluyando, tulakozya kukomena munzila zyense muli nguwe ngomutwe, oyo ngu kilisitu. ¹⁶ Kilisitu ulayaka mubiliwense, ape ulaswananya ape okuzijatanya antomwi ezyo zyense zikwabilizyo zyelede, ape cibela cense cibeleka antomwi, citelezya mubili kukomena kuti okunzye muluyando. ¹⁷ Kambo kako, mebo ndamba ape okuzumanana muli eci mumwami, kuti nywebo mutakakonzi kwenda muli bamasi mubenda, mukubula tunso mumizezo yabo. ¹⁸ Kambo komudima tabanvwisisisi, bakalyanzanya kuzwa kubumi bwa leza kambo kokubula luzibo obo muli mbabo, kambo kokuyumya myoyo yabo. ¹⁹ Bakaba batakwe nsoni ape bakalipa mbabo kububeji , ape bakacita kufumbwa musyobo okutasalala obunyu. ²⁰ Kono tainsi mumwakaisigwa namu kuli kilisitu. ²¹ Ndilayeyela kuti mwakanvwa nyebo zya nguwe, ape kuti mwakaisigwa nyebo muli nguwe, mbuli kasimpe muli Jesu. ²² Mwakaisigwa kuleka ezyo zizulilwa kubumi- bwenu bwecindi, kuleka buntu bwenu bwecindi bwakenenwa kambo kokuyandisisya bubeji. ²³ Mwakaisigwa kucincululwa mumuya wamizezo yenu, ²⁴ Ape okuzwata buntu bupya bulengidwe mucikozya ca leza- mumasimpe, busalali omubululami. ²⁵ Kambo kako, muleke bubeji, ape umwi oumwi wenu ambole masimpe kulisikukowanyina, kambo tuli bantu bomwi. ²⁶ Amunyeme mponya mutaciti cibi, mutaleki zubakuti libbile kamunyemide. ²⁷ Mutamupi lubazu satani. ²⁸ Oyo wali kubba atabbi limbi, kwinda kuti, abeleke, kubelekela zibotu amanza akwe, kutegwa ajane cintu cokwaba abo babulide. ²⁹ Mutaleki zyambo zibi kuzwa mumilomo yenu. Belesya buyo mabbala mabotu akonzya kuyaka abobayanda kutegwa mabbala enu ape luse kubaswilizya. ³⁰ Ape mutanyemi muya usalala, wa Leza, kambo cilikulinguwe kuti mwakandwa kambo kobuziba bolunununi. ³¹ Mubike ambali bwense bukali bunji, kunyema, kupatusyana, ape okutukilizya muli ezi zibi zisiyene. ³² Amube aluzyalo kuli uwmu oumwi, mube batetente moyo, kulekelelana, mbonya Leza muli kilisitu mbwakamulekelela.