¹ Mponya mumazuba ayo, basyomi nibali kuya buvula. kutongoka kwakatakika akati ka bajuda nali kwmbola cigiliki aba Kebulayo, kambo becigiliki bali kutongoka kuti bamukabafu bakali mbabo tibali kuba langanya ni bali kwamba zyokupa zyo buzuba obuzuba. ² Abo bali kumi ababili bakabunganya nkamu yabantu okuti,' tacinsi cibotu kuli swebo kuti tuleke kukambauka majwi a leza tugame kulanga zyobupe. ³ Mponya mwelede kusala balumi bosanwe aa babili akati kenu bazizilwe, bazwide muuya usalala obusongo, mbitunga ywasala kuli ooyu mulimo. ⁴ Pele swebo, tulyabe kuzumanana mu nkombyo oku kambauka ijwi.' ⁵ Mwambo wabo wakanonezya mbunga yabantu boonse. Mponya bakasala Sitivini mwalumi wazwide lushomo omuya uusalala, o Filipo, Pulokolasi, Nikano, Timoni, Palamenasi, woku Antiyoki, oyo cindi wasandukide okcilizya cijuda katana kuba mushomi. ⁶ Bashomi baketa abo balumi kuli basikwiya, baka amba oku bika manza abo alimbabo. ⁷ Mponya ijwi lya leza lyakamwaigwa koonse, emyelwe ya ba shomi mu Jelusalemu yakavula loko, inkamu mpati yabapaizi yakaba kuteka okuba olushomo. ⁸ Ino Sitivini uzwiide luse enguzu, wali kucita malele ezitondezyo zyenguzu. akati kabantu. ⁹ Pele bamwi bantu bakamukazya oku mukatazya, bali be nkamu yecikombelo cabantu bangunukide, boku sailini oku Alekizandaliya, mponya bamwi ku Siliya oku Asiya. Aba bantu bali kukonzya o Sitivini. ¹⁰ Pele takwe nibakazinda busongo omuya Sitivini ngwakambola. ¹¹ Mponya bakuongelezya bamwi bantu kuti,' twakamvwa sitivini kaamba makani oku sampaula Mozesi o leza.' ¹² Baka nyonganya bantu, bolu pati pati, abamai bomulao, mponya bakamujata Sitivini oku mutola munkuta. ¹³ Baketa bakamboni babeji, bakamba kuti,' Oyu mwalumi taleki kwambola makani a sampaula ganda ya leza emi lawo. ¹⁴ Kambo twakamumvwa kaamba kuti Jesu munazaleta uyo katupa Mozesi.' ¹⁵ Boonse aabo bakese munkuta bakamulangisisya Sitivini okubona kuti busyu bwakwe bwakaswana obusyu bo mungelo.