¹ Mupaizi mupati wakati´´ino ezi nzenco nzyo .Stephani wakati ² .Nobazyalwa ma anomatata Amundiswilile ,Leza wobulemu wakalibonya kuli taata Abulahamu cindinali ku mesopotamia katano longela ku harani, ³ Wakati kulinguwe, siya Nyika yako omukowa mponya winke ku nyika njeyo kutondezya. ⁴ ¨Mponya wakasiya cisi caba kolodiya mponya wakukala ku Haran, kuzwa awo, kabali baisi bafwa, Leza wakamweta mucisi eci, mwakala sunu. ⁵ Takwe nakapa kanyika nikaceya kuli nguwe, takwe nikaba kokulyata buyo gulu ali nkako. Pele wakasyomezya nikuba kuti Abbulahamu talina kuba omwana cokuti ulakonzya kupa nyika yecisyomezyo kulinguwe abomukowa wakwe bayosika musule lyakwe. ⁶ Leza walikwambola kulingwena wakati, bomukowa wakwe bayokala kwakaindi kanini mucisi cimbi, ape mponya beni nyika okuya bayobatola mubuzike mponya bayobalela obi kwe myanda yone yemyaka. ⁷ Pele ndiyo beteka cisi ncibabelekela, mbwakamba Leza, Ape kwakumana awo bayozwa ange okundikomba mubusena obu. ⁸ Mponya Leza wakapa Abbulamu citambocokupalula, mponya Abbulamu wakaba isi wa Isaka mponya wakapalula mubuzuba bomusanu otutatu, isaka wakaba isi wa Jakobo, ape jakobo wakaba isi wabana bali kumi ababili bali mbabensiku besu. ⁹ Nkambo bazyalwanyina bali omunyono p Jesefa, bakamuzya ku Egypt, kono Leza wali anguwe. ¹⁰ Ape wakamuvuna kuzwa mumapenzi akwe ense. Wakapa josefa colwe obusongo mumenso a Falawo, mwami woku Egypt, oyo wakamusala kuba muleli woku Egypt ape muleli we nganda yakwe yense. ¹¹ Mponya kwakanjila nzala muzisi zyense zya Egypt o kenani, ape kwakaba manyongwe, bamatata takwe nibali kukonzya kujana cokulya. ¹² Pele Jakobo nakamvwa kuti mu Egypt kuli cokulya, wakatuma matata besu mulwendo lokusanguna. ¹³ Mulwendo lwabo lwabili Josefa wakalizibya kubazyalwanyina, ape mukowa wa Josefa wakazibinkana kuli Falawo. ¹⁴ Josefa wakapilusya bazyalwanyina okubatuma kuti bakambile Jakobo isi kuti aze ku Egypt, atomwi abomukowa wakwe wense, bensebalikusika ku makumi ali musanu amakumi obile abantu bosanwe atomwi. ¹⁵ Amane Jakobo wakainka ku Egypt , monya wakakufwa, inguwe a matata. ¹⁶ Bakanyamunwa okutolwa ku syekemu mponya bakakubikwa mu makumbu ayo ngakaula Abbulamu a mulo mu nsiliva kuzwa ku bana becinga ca Hamo mu syekemu. ¹⁷ Ino cindi cecisyomezya nicakasika, eco cisyomezyo Leza ncakapa kuli Abbullamu, bantu bakavula loko mu Egypt. ¹⁸ Kumane kwakaba mwami umbi mu Egypt, mwamiwatalizi zya Josefa. ¹⁹ Wakenena bantu besu ape wakasongelezya matata besu okubenena kuti bosowe bana babo banini kuti bafwe. ²⁰ Ali eco cindi Mozesi nce cindi nakazyalwa, wali mubotu kumeso a Leza ape wakalelwa kwe myezi yotatwe munganda yainsi. ²¹ Nakagwisigwa anze, mwana musimbi wa Falawo wakamubweza okumulela mbuli mwana wakwe. ²² Mozesi wakaiya kuzwa mu busongo bwa ma Egypt, mponya majwi akwe emilimo yakwe yakaba mipati. ²³ Pele Mozesi nakasika myaka ili makumi one, wakayeya kuti akaswaye bazyalwanyina. ²⁴ Mukubona bona umwi wabaizilailinyina kapenzigwa, Mozesi wakamugwasya wakamuvuna mponya wakajaya oyo mu naEgypt. ²⁵ Wakayeya kuti bazyalwanyina balamvwa kuti Leza kwinda kujanza lyakwe walikubapa lwangunuko , pele takwe nibakamvwa. ²⁶ Buzuba bwakacilila wakabona balumi, bolile balalwana mponya wakakasola kupalumuno akati kabo wakati, nobalumi, momulicenu, ino nkambo nzi ni mulimukucisana. ²⁷ Pele oyo wakalubizizya mwenzinyina wakantonta Mozesi , mponya wakati, ngwani wakakusala kuti ube mwendelezi omubetesi wesu. ²⁸ Ino uyanda kuti undijaye, mbonya mbuwakajaya ulya muna Egypt jilo. ²⁹ Mozesi wakacija nakamana kumvwa bupanduluzi, wakakuba mwenzu munyika yoku Midiyani, oko nkwakakuzyala bana bolile balumi. ³⁰ Myaka a makumi one niyakainda, mungelowkalibonya kuli Mozesi munkanda a cilundu ca sinayi, mukati mubbibi lyo mulilo walikuyaka muciteyo ³¹ Awo Mozesi nakabona mulilo, wakayowa, mponya nakaswena kuti alangisisye mponya kwakazwa jwi lyo mwami lyamba kuti. ³² Ndime Leza wamauso, Leza wa Abbulamu, ape o Leza wa Isaka o Leza wa Jakobo. Mozesi wakatutuma ape takwe nakasola kulanga nkuko. ³³ Leza wakamba kunguwe, zununa ndasyo ku maulu ako, nkambo busena obo mpoimvwi bulasalal. ³⁴ Ncozyo ndabona mapezi abantu bangu abo bali mu Egypt, ndakumvwa kutongoka kwabo, ino ndaza kuti naizo bavune, ino koza, ndiyokutuma ku Egypt . ³⁵ Oyu Mozesi ngubakakaka awo niba kuti ngwani wakakusala kuti ube musololi ape kuti ube mubetesi, ngonguwe Leza ngwakatuma kuti abe musololi o mufutuli. Leza wakamutuma kwinda mu janza lyo mungelo oyo wakalibonya kuli Mozesi musaka. ³⁶ Mozesi wakabasolweda kuzwa mu Egypt, kuzwa nakamana kucita malele ape ezitondezyo mu Egypt omulwizi lusalala , ape omu nkanda mu cindi ce myaka ili makumi one. ³⁷ Mozesi ngonguwe nguwenya wakamba kabantu bana isilayi kuti, Leza uyomu busizya musinsimi kuzwa ku bazyalwanyoko, musinsimi mbuli mebo. ³⁸ Oyu ngonguwe mwalumi wali wo nibabungene munkanda atomwi omungelo oyo wakambola kuli nguwe mulundu wa sinayi, oyo wali antomwi amatata,ngonguwe wakatambula majwi apona ayopegwa kuli swebo. ³⁹ Kono matata besu bakakaka kumuswilila, bakamutonta kuzwa kuli mbabo ape myoyo yabo yalipilukide ku Egypt . ⁴⁰ Ali ciya cindi bakati kuli Aloni, tucitile ba Leza batabatusolwede . Mbuli oyu Mozesi wakayusoloda kuzwa mucisi ca Egypt, pele eli ano cindi tatuzi cakacitika kulinguwe. ⁴¹ Mponyabakabumba mombe mumazuba ayo okupa cipaizyo kulincico, mponya bakasekelela nkambo ke milimo ya manza abo. ⁴² Pele Leza wakabasandukila mponya wakacita kuti batalike kukomba nyenyezi zyomujulu , mbubonya mbucililebidwe mubbuku lya bansinsimi kuti, ino kuli nimwakandipa zipaizyo ezituzyo kwe myaka ili makumi one munkanda, nobantu ba izilaili. ⁴³ Mwakazumina kukomba Leza mupange moloki e nyenyezi ya lefani, ezibumba nzimwaakapanga kuti kamuzikomba, ndiyomutandila kule kuzwa nyika ya Bbabbiloni. ⁴⁴ Matata besu balijesi tente lye cizuminano munkanda, mbubonya mbuli Leza mbwakalailila Mozesi. Kuti welede kulibamba mbuli mucokozyanyo eco ncakabona. ⁴⁵ Kuzwa awo, ba ,matata besu, nibakainka o Josyuwa, bakatambula tente mponya bakainka andilyo kuyotola cisi cemisyobo eco Leza ncakabatandila. Leza wakatola nyika kuzwa kumisyobo yense mponya wakabatandila kumenso a matata. Itepele lyakasyala mu cisi kusikila mu cindi ca Devidi. ⁴⁶ Oyo wakamufwida luzyalo mumenso a Leza, ape wakabuzya kuti na ninga wajana busena bwe nganda ya Jakobo. ⁴⁷ Pele ngu solomoni wakayaka nganda ya Leza. ⁴⁸ Nikuba kuti, sijulu lyamajulu, takali mu manda ayakwa amanza abantu, mbuli musinsimi mbwamba, ⁴⁹ Julu ncecibbula cangu, mponya nyika ncecilyatilo ca maulu angu. Ino ninganda ili buti njatamukonzye kundiyakila , mbwamba mwami, na ino mbusena nzi obo bokulyokezya kwangu. ⁵⁰ Ino manza angu takwe nakaanga zyense ezi. ⁵¹ Nywebo nobabicinguni, nomuli emyoyo itasanduki ape amatwi , cindi cense mulakaka kutambula muya usalala , mucita mbonya mbuli mauso mbubali kucita. ⁵² Ngwani umwi wabasinsimi oyo mauso ngubatakapenzya,bakabajaya basinsimi abo bakaza kuzoambilizya zyokubola koyo ululeme, ape ino mwababasikumwa ape bajayi bakwe. ⁵³ Nywebo nobantu nomwakatambula milawo eyo bangelo njibaketa, pele takwe nimwakaibamba. ⁵⁴ Ino basinkuta nibakamvwa zintu ezi, bakanyema mu myoyo, mponya bakalumanya ntwino kuli sitefani. ⁵⁵ Pele mbonya mbwazwide muya usalala wakalungumana kujulu mponya wakabona bulemu bwa Leza, mponya wakabona Jesu ulimvwi ku janza lya Leza lyecilisya. ⁵⁶ Sitefani wakati , langa, ndalibona julu lyajuka, ape omwana omuntu ulimvwi kujanza lya Leza lyecilisya. ⁵⁷ Ali eci basinkuta bakasinka matwi abo, mponya bakaongolola ejwi pati, bakafwambanina kulinguwe omuzezo omwi. ⁵⁸ Bakamutandila anze omunzi okumuma mabwe. Bakamboni bakabika zizwato zyabo ku maulu omwalumi munini utegwa saulu. ⁵⁹ Awo nibacili kumuma mabwe Sitefani, walikwita mwami walikwamba kuti , omwami Jesu, tambula muya wangu. ⁶⁰ Wakafugama ansi mponya wakongolola ejwi pati, omwami utabapimulandu acibi eci. Nakamana kwamba namuya mponya wakafwa.