¹ Ino nitwakazumina kuti tutampuke ku Itali, ponyina bakatola Paulo ape abamwi basintolongo kumwendelezi wezina lya Juliasi. ² Twakatanta mumugolo kuzwa ku Adramyttium oyo walikuyanda kwinda kumbali kucibaka coku Asia, mponya twakainka kotampuka. Aristrchus kuzwa ku Teselonia mu Macedodia twakainkilila. ³ Buzuba bwakacilila twakasika acibaka ca munzi wa sidoni, oko Juliasi kwababalela Paulo kabotu ape okumuzumizya kwinka kubenzyina kuti bakabalele. ⁴ Kuzwa awo twakainka kotampuka kumulonga ponya twakatampuka kwinda kule ku Cyrusi afwifwi e coli, kambo luyo lwali kutalwana. ⁵ Ino nitwakatampuka akati kudula kolwizi kwinda cilicia ape pamphylia, twakasikila a myra, dolopo lya lycia. ⁶ Mwendelezi wakajana mugolo uzwa ku elikiazanda oyo o tampuka kobwinka ku Itali wakatutansika muli nguwo ⁷ Ino nitwali kuyobutampuka kanini-kanini kwamazuba manji mane kumanino twakasika mubuyumuyumu afwifwi a cidusi ponya takwe nilwakatuzumizya kwinda elyo nzila twakenda mumbali e bazu lya creelya fwide, ⁸ Nitwakenda mumbali enkomwe cokulicucumizya, mane twakasika acibaka cali kuitwa kuti Fair havens. cili kumbali acisi ca Laseya. ⁹ Ino awa twakatola cindi cilamfu, nako yaba Juda yokulimya cokulya yali indide kale, ponya awo inawa kwali kuyosya kwenda ponyina Paulo wakabacengelezya. ¹⁰ Wakamba,'nobalumi, ndabona kuti oyu musinzo kutuyanda kwenda tuyokicisa okuswekelwa kunji, kutamba buyo zintu zyesu ponya mugolo kono amaumi esu.' ¹¹ Kono musunguli wakaswilizya loko kulisikwenzya ape okuli mweni mugolo kwinda elyo zintu Paulu zyakamba. ¹² Kambo ikoba silyalisi bbolu kukala mumpeyo, bunji bwabamwi basikwenda bakalaelelwa bende kuzwa mpawo, ape kuti na kwakonzika mane tukasike mumunzi wa fonika, kukala kuko mumpeyo. Fonika ndikoba mu clete, lilangide zibaka zyobile. ¹³ Ino luwo lwalikuzwa kumusanza lya katalika kunga kanini-kanini, basikwenda bakayeya kuti bakajana zibali kuyanda. Ponyina bakabweza okwenda kwinka ku clete, kuswena o kukutampukila. ¹⁴ Pele kwakanako kanini luwo lupati lwakaza enguzu, lwakaita lo ku nyika okujwe, lwakatalika kumasi kuzwa mucoli. ¹⁵ Ino mugolo wakajatwa oluwo lupati ponya lwakusigwa kwendelana oluwo. ¹⁶ Nitwakenda kuyama kumbali akakolo kanini kaitwa kaunda. Ape amuyumu-yumu twakakonzya kukwambilila buumi bomugolo. ¹⁷ Ino nibakakatula mugolo wabumi, bakabelesya ntambo kwanzya ansi omugolo, bakayowa kuti balakonzya kwinda mubutope mu Syrtis, ponya bakaselusya kwenzya mugolo ponya bakenzigwa cokuyama. ¹⁸ Twakacibweza enguzu kulwanisya oluwo mane buzuba bwakacilila bakatalika ku sowela lubono lwabo. ¹⁹ Mubuzuba bwatatu basikwenda bakasowaila zintu zyomugolo kumanza abo bamukamweni. ²⁰ Ino izuba ape ezyenzi takwe nizyakamweka kuli swebo kwamazuba manji. Ape oluwo lupati lwacilikutuma, mane okulangila lupati lwacilikutuma, mane okulangila kuti ninga twafutuka kwakamana. ²¹ Ino bakenda cindi cilamfu kakutakwe cokulya ponyina Paulo wakanyamuka akati kabo basikwenda ponya wakamba, nimwakandi swilizya mebo. Ponya nitwatakenda kuzwa ku Kiliti, kuteti tutajani kulicisa ape okuswekelwa. ²² Pele ndamuzibya kuti mulidisye, kambo takwe buumi bwatabusweke akati kenu, pele buyo kuswekelwa mugolo. ²³ Kambo masiku ejilo mungelo wa leza oyo oko kwezulilwa, oyo ape ngwekomba- mungelo wakwe wakaima kumbali amibo. ²⁴ Ponya wakamba,' mutayowi, paulo, ilelede kwima kuli caisara, ponya ubone, bubotu bwaleza mbwapa kuli abo bense bobwende aibo. ²⁵ Kambo kako amulidisye, balimi! kambo ndilashoma leza kuti cilacitika mbuli munda kambilwa. ²⁶ Pele tulukede kuzuzanina ali cimwi coli. ²⁷ Ino masiku ali kukwanya nsunda zyobile nakasika. Mbuli mutwakenzigwa muli eyinzila ponya okuti mulwizi lwa Adriatic, akati kamasi abo benzya bakayeya kuti balafwi fwi okusika alimwi nyika. ²⁸ Nibakezyanyisya bulamfu ponya bakajana makani obile, nikwakainda kaindi kanini bakezya ape ponya bakajana kumi lyomwi atusanu. ²⁹ Bayowide kuti tulakonzya kugaila mumabwe ponyina bakabwala zyenzyo zyense kuzwa kucisiko ponya kuti kufwambane. ³⁰ Basikwenzya bali kuyandola nzila yakusiya mugolo ponya bakabwa bumi bomugolo mulwizi ponya bakaupa upa kuti balabwa ansi zisila kuzwa ku zijazyo kunebo. ³¹ Pele Paulo wakambila musunguli aba sikalumamba,'ati buyo aba bantu bakala mumugolo, tamukonzyi kufutuka.' ³² Ponyina basikalumamba bakatimbula ntambo zya mugolo ponya okuzileka kuti zikunke. ³³ Ino nikwakaka, Paulo wakabakombelela bense kuti balye cokulya. Wakamba,'obu buzuba mbwekumi one kamulindila okulimya kulya- takwe nimwalya. ³⁴ Ponyina ndimuzibya kuti mwabane zimwi zilyo, kambo bdolufutuko lwenu. Kambo takwe umwi wenu uyo swekelwa masusu kuzwa kumutwe wakwe.' ³⁵ 'Ino nakamba eci, wakabweza cinkwa ponya wakalumba leza mumenso abense ponyina wakakomona cinkwa wa katalika kulya. ³⁶ Ponyina bense bakadisigwa ponya abo bakabweza cokulya. ³⁷ Twali myanda yobile amakumi ali musanu abili abantu bosanwe bali mumugolo. ³⁸ Ino nibalkakuta, bakaubya mugolo nibakasowela maila mulwizi. ³⁹ Ino nibwakaca, takwe nibakaiziba nyika eyo, pele bakabona koba lijisi nkomwe lyo muse, ponya bakambozyanya kuti na bakonzya kutola mugolo kuko. ⁴⁰ Ponya bakatimbula ntambo kuzilekelezya kubila mulwizi. Munako iswana bakalekezya ntambo zyalo ponya okulandamuna sila lyo luwo; ponya awo bakalanzya ku muse munji. ⁴¹ Pele mugolo wakauma muse munji ponya wakapatila ansi. Lyakapatila awo ponya wakasyala kautanyazigwa, ponya kambo lyakatyoka cenguzu ya mayuwe. ⁴² Basikalumamba' balikukanza kujaya bangidwe kuti kutabi umwi udwaya ponya okucuja. ⁴³ Pele musunguli walikuyanda kufutula Paulo, ponya wakasya makanze abo; ponya wakalailila abo bali kukonzya kudwaya kuti basangune kulibwala mumanzi ponya basike kunyika. ⁴⁴ Ponyina banwi basyala balumi bacilile, bamwi kumapulanga, ponya bamwi kuli zimwi zintu kuzwa kumugolo, muli eyi nzila cakacitika bense swebo twakazwa kabotu kuza kunyika.