¹ Ino nitwakafutulwa okutampuka twakaziba kuti acoli mputwabede cali kwitwa kuti Milita. ² Bantu bokuya ku cibaka bali luzyalo kuli swebo, kono takwe nibakatutambula mbuli bantu buyo, kambo kokuti bakatubikila mulilo kambo kokutontola e mvula yalikuwa cokuta lekelezya. ³ Pele Paulo nakabunga bunga cikata cotusamu samu okutufusila a mulilo, kwakazwa inzoka mpawo kambo kokukasala ponya yaka muluma ku janza. ⁴ Ino bantu bokuya kucibaka nibakabona munyama ulalengelela kujaza lyakwe, bakalyambozya umwi o umwi,öyu mwalumi wakafutulwa mumulonga mupati mujayi, kasimpe ta muzumizi kuti kacipona. ⁵ Ino nakasansa nzoka mumulilo kwakajanika kuti inguwe takwe paliciside. ⁶ Bali kulindila kubona kuti na ulazimba na kuwa ansi okufwa, ponya niba kamulangilila kwecindi cilamfu, bakabona kuti takwe cibi cakacitika kuli nguwe, ponya bakacinca mumizezo yabo okwamba kuti wali a leza. ⁷ Afwifwi buyo kuzwa awo mputwabede kwali cibaka mwendelezi wa a coli oyu mwalumi wali kwitwa kuti pubuliyasi. Wakatutambula ca luzyalo okutupa kwamazuba otatwe . ⁸ Cakacitika mubili kupya okusulula kalowa Paulo nakainka kuli nguwe, wakakomba, okubika janza lyakwe ali nguwe okumu ponya. ⁹ Nicakamana kucitika eci, bantu banji abo basyede mucoli kabacisidwe bakaza okuzo ponisigwa. ¹⁰ Bantu bakatupa zipo zinji zyokutulumba nitwalikulibambila kuti tutampuke ponya bakatupa zitwalikuyanda. ¹¹ Nikwakainda myezi to tatwe katunyamukide mu bbwato bwakede cindi cempeyo conse mu coli eco, bbwato bwa Alekizada,"otuleza tumbile"citondezyo. ¹² Nitwakatampuka twakakusika mumunzi wa Sailakasi, twakakala mpawo mazuba otatwe. ¹³ Kuzwa owo twakatampuka obwato okusika mu munzi walikwitwa legiyumu. Kwakainda buyo buzuba bomwi kwakaunga luwo lwalikuzwa kumusanza, mumazuba obile twakainka ku puteyoli. ¹⁴ Kuya twakajana bazyalwama bakatutamba kukala ambabo kwamazuba osanwe otubili, muli eyi nzila twakakusika ku loma. ¹⁵ Kuzwa awo bazyalwama, nibakatumwa swebo, bakaza kuzotuswana ku Appius kucibaka camasambalilo oku manda otatwe, ponya Paulo nakabona a bananyina wakandisigwa okulumba leza. ¹⁶ Ino nitwakanjila mu Roma, Paulo wakazumizigwa kukala alike o sikalumamba wali kumugadela. ¹⁷ Nikwakainda mazuba otatwe Paulo wakabaita antomwi abo balumi bali bendelezi akati kama Juda. Nibakaza antomwi, wakambila kuti,"nobazyalwama, nikuba kuti takwe cindakabisya kubantu na oku cizo ca matata, ndakatoligwa ku Jelusalemu mbuli sintolongo mumanza amaloma. ¹⁸ Nibakandibuzya buzya mibuzyo, bakayeya kuti bandangunune, kambo kokuti bakajana kuti ndijaigwe. ¹⁹ Ino bama Juda nibakaindana mukwambola kuzintu zibali kuyanda kuli mebo baka ndisongelezya kuti ndikalibonye kuli kaisala, nikuba kuti sondali kwambolazyokutamikizizya cisi cangu. ²⁰ Kambo kaka, kambo, ndamwita kuti tubonane okwambola anywebo, kwamba kambo kolulangilo ndubajisi bana Isreali sindangilw. ²¹ "Ponya bakamba kulinguwe,"takwe luwalo ndutwakatambula kuzwa kuma Juda lwamba zyako, ape takwe bazyalwanyoko beta kambo kamba cibi aliyebo. ²² Kono tuyanda kumuvwa kuli yebo zyoyeya ali eyi nkani, kambo kuli zibinkene kuti nkani yakambo kokukazyana"konse-konse. ²³ Ïno nibakamuswilila buzuba, bantu banji bakaza awo acibaka pali kukala. Waka betela kambo, okupa bukamboni zyo bwami bwa leza. Wakasoleka kupandulula zya Jesu, okujatikizya mukwalembidwe mumulao wa Mozesi awo basinsimi, kuzwa kuseni mane kusika kujolezya. ²⁴ Bamwi bakazumina zintu zya kwamba akati kabo bamwi takwe nibaka shoma. ²⁵ Ponyina nibatakamvwana umwi o umwi, bakamwaika Paulo nakamana kwamba bala lyomwi, muya usalala kwindila muli Isaya musinsimi wamatata. ²⁶ Wakamba, koya kulaba bantu ukambe mukunvwa muya pele tamuyonvwisisyi ape mukubona muyobona, tamuyobonisisi. ²⁷ Ape amumyoyo yabantu taikwe luzibo, ponyina okumatwi abo balakacilwa kumvwa, ponya bakali jata kumenso. Nikuba obo balukede kubona amenso okunvwa amatwi abo, ape okunvwisisiya emiyeyo yabo, basanduke, ape ndiyobaponya. ²⁸ Ponyina ulukede kuziba kuti olu ndufutuko lwa leza lwaka tumwa kuli basimasi, ape bayomvwa." ²⁹ Ino nakamba ezi zintu bamajuda bakamwaika. Balikukazyana muli cabo. ³⁰ Paulo wakakala kwe myaka yobile yonse munganda yakwe njali kubadela, ponya wakabatambula boonse bakaza kuli nguwe. ³¹ Wali kukambauka mwami bwa leza ape kwiisya zintu zijatikizya mwami Jesu kilisito cokutayowa kokutakwe kumukasya.