¹ Ino Agirippa wakateti kuli Paulu, ''Ulya mbilile omweni.'' Mponya Paulu wakodolola janza lyakwe okuli tabilila. ² ''Ndamba kuti ndanonenwa, Omwami Agirippa, kuti ndilyambilile kunembo lyako sunu atwaambo toonse tubandi tambikizya ma Juda, ³ kweni kweni kaambo ulizi kabotu ziyanza zyeense zyama Juda emibuzyo. Ino ndakukumbila kuti undiswilile kabotu. ⁴ Kasimpe, beense ma Juda balizi mbundali kupona kuzwa kubu kubusi bwangu mucisi cangu ape oku Jerusalemu. ⁵ Balindizi kuzwa kumatalikilo kuti na balayanda kuzumina kuti ndali kupona mbuli mu Farisi, cibela cibikila mano kulangisisya zyo bukombi bwesu. ⁶ Ino ndaima ano kuti ndibetekwe akambo kolulangilo ndwejesi kucishomezyo eco cakapanga Leza ku matata. ⁷ Nceci co cishomezyo echi mishobo yesu ili kumi ayobile cibalangila kutambula ciindi nibakomba Leza cokumaninina masiku esikati, ape ko kululangililo olu, mwami, ba ma Juda bali mukunditambikizya. ⁸ Nkambo nzi nywebo nomuyeya kuti takushomeki kuti Leza ulabusya bafu? ⁹ Ino mukasimpe, mebo lwangu ndalikuyeya kuti ndelede kucita zintu zinji zilwanisya zina lya Jesu oku Nazareta. ¹⁰ Ndakazicita ezi mu Jerusalemu. Ndakajalila muntolongo bantu banji ba Leza basalala kwindila munguzu zindaka tambula kuzwa ku bapaizi bapati; pawo nibali kujaigwa, amibo ndali kuzumina. ¹¹ Muziindi zinji ndalikuba subula muma sinagogi ense ape okusola kubasongelezya kuti babisye. Ndakabanyemena loko okubapenzya nanga muminzi indene- indene. ¹² Awo nindacili kucita eci, ndakainka ku Damasikasi mu nguzu amalailile kuzwa ku bapaizi bapati; ¹³ ponya munzila kuya, ku ciindi ce sikati, mwami, ndakabona mumuni kuzwa kujulu walikumwekisya kwiinda zuba, ponya wakamunika kwense kwense kuli mebo oku balumi balikobwenda amibo. ¹⁴ Ino nitwakawida ansi boonse, ndakamvwa jwi lyambola kuli mebo lyali kwamba mumushobo we chi Hebrayo, 'Saulo, Saulo, kambo nzi nondipenzya? Nciyumu kuli yebo kuti ume cidyunsyo.' ¹⁵ Mpoonya ndakamba, 'Ndiweni, Mwami?' Mwami wakataba, 'Ndime Jesu ngopenzya. ¹⁶ Ino nyamuka wiime amaulu ako; kambo makanze ngaya cindalibonya kuli yebo, kuti ndikusale yebo ube muzike okamboni kujatikizya zintu zyozi zigama mebo inawa ape ezintu ezyo zyeyo kutondezya kunembo; ¹⁷ pawo ndiyokuvuna kuzwa ku bantu oku Basimasi oko kweyokutuma, ¹⁸ kobajula menso abo ape okobagwisya kuzwa mumudima kuya mu mumuni, ape kuzwa kunguzu zya satani kuya munguzu zya Leza, kutegwa bakatambule kuzwa kuli Leza kulekelelwa kwe zibi O lukono olo ndwebapa abo basalizidwe mu lushomo muli mebo.' ¹⁹ Ino, Mwami Agirippa, takwe nindakaka kuswilila cilengano co kujulu; ²⁰ pele, kuli baya bali mu Damasikasi kusanguna, ape oku Jerusalemu, omucisi coonse mucizulwa ca Judeya, oku Basimasi boonse, ndakabapa mulumbe okuti belede kusanduka okuchebuka kuli Leza, kucita milimo itondezya kuti bakasanduka. ²¹ Akambo kaka ma Juda cibakandijatila mu tempele okusola kundi jaya. ²² Pawo ndakatambula lugwasyo kuzwa kuli Leza kusikila sunu, ino ndilaima okupa bumboni kubantu buyo oku bapati kuti takwe ciinda basinsimi O Mozesi zibakamba zilacitika- ²³ kuti Kristu welede kupenga mbuli mwali musangu mububuke bwa bafu, uyokamboka mumuni kubantu besu beni okuli Basimasi.'' ²⁴ Ino Paulu nakamana bupanduluzi bwakwe, Fesitasi wakati ejwi lipati, ''Paulu, uli sondokide; lwiiyo lwako lupati lwakwetela kusondoka.'' ²⁵ Pele Paulu wakati, ''Nsisondokide, olemekwa Fesitasi, pele chelikumwambila camasimpe ape cimvwika. ²⁶ Kambo mwami ulizizi zintu ezi; mponya cheambola omoyo usitikide kuli nguwe, kambo ndili kasimpe kuti kuli ezi zyense takwe niciba comwi cisisidwe kuli nguwe; kambo takwe nicakacitika mu kampecukwa. ²⁷ Ulashoma basinsimi, Mwami Agirripa? Ndilizi kuti ulashoma.'' ²⁸ Agirripa wakati kuli Paulu, ''Mukaindi kanini ninga wandisandula kuti ndibe mu Kristo?'' ²⁹ Paulu wakati, ''Ndilakomba kuli Leza, kuti nokuba mukaindi kanini na muciindi cilamfu, kutainsi yebo olike, kono abo boonse bandiswilila sunu, babe anga ndime, pele kakutakwe mawenge aya entolongo.'' ³⁰ Pawo mwami wakanyamuka, ape omwendelezi O Bbenise awe, abaya mbibakede ambabo; ³¹ Nibakasiya busena buya, bakambozyanya kuli umwi oumwi okuti, ''Oyu muntu takwe ncacitide celela kuti ajaigwe nanga kubikwa muntolongo.'' ³² Agirripa wakati kuli Fesitasi, ''Oyu mwalumi na angununwa natakalisisya kuli Siezar.''