¹ Nichakamana choongo, paulo wakatumwa kuli ba sikwiiya bakwe nakamana ku diisya, wakati musyale kabotu okwinka ku macedonia. ² Nakaika kwinda mumasena ayo akwambola majwi manji aku ba diisya kulimbabo, wakaza ku gilisi. ³ nakamana kukala myezi yotatwe kuya, kwakabambwa makanze okuti ajatwe aba Juuda nalikuyanda kukwasula ku siliya, wakayeya kupiluka kwiindila ku Macedonia. ⁴ Bakamusindikila kusika mu Asia wali Sopata mwana wa Pilhasi uzwa kuBelia; Aristakas o Sekandas, boonse bobile bali bashomi boku Tessalonika,Gaius woku Debe; Timoti; o Tichikasi o Tirofimasi uzwa ku Asia. ⁵ Kono baalumi aba balinkide kale poonya balikutulindila ku Troas. ⁶ Twakeenda kuzwa Filippi nikwa kainda mazuba echinkwa chitakwe mumena, poonya mu mazuba osanwe twakaza kuli mbabo ku Troas. Kuya twakakala mazuba osanwe otubili. ⁷ Mubuzuba bokutanguna bwe nsunda, niywa bungene antomwe kukomona chinkwa, Paulu wakambola ku bashomi. Wali kukanza kweenda buzuba bwali kuchilila, poonya wakaindilizya kwambola mane kusika akati ka masiku. ⁸ Kwali malampi manji mung'anda yo mujulu mutwakabungene. ⁹ Ampulungwido kwakede mukubusi wezina lya Eutikasi, waka zoona ng'ozi zilamfu. Paulu mbwakambweda mubulamfu, oyu mulombe, waka zundwa eng'onzi, wakazoowa kuzwa a ng'anda yatatu oku zobwezigwa kafwide. ¹⁰ Kono Paulu wakaseluka ansi, okolibwala alinguwe, oku mubeka beka. poonya wakazoamba, ''Mutalili limbi, kambo muumi.'' ¹¹ Poonya wakainka atala ape okuyo komona chinkwa okulya. Nakamana kwambola ambabo kwechiindi chilamfu kusikila kubu chedo, wakainka. ¹² Bakamupilusya mulombe ka poona bakanonenwa loko. ¹³ Swebo tobeni twakainka kunembo lya Paulu kubelesya bwato okwinka ku Assosi, kutwali kuyeya kuti tumutolelezye. Echi chayandisizye kuchita, kaambo wayeeyide kweenda amaulu. ¹⁴ Nakatujana ku Assos, twakamutolelezya mu bwato okwinka ku Mitilene. ¹⁵ poonya twakeenda kuzwa kuya okusika buzuba bwa kachilila katulangene echooli cha Chiosi. Nibwakacha twakasika ku chooli cha Samosi, poonya buzuba bwaka chilila twakasika mumunzi wa Miletusi. ¹⁶ Paulu wakayanda kukwasula koindilila ku Efesasi, kutegwa atakabi echiindi mu Asia; kaambo wali kuzuzila ku Jerusalemu ku buzuba bwa Pentekositi, nichalikukonzeka kuti achite namu. ¹⁷ Kuzwa ku Miletus wakatuma balumi ku Efesasi, kuti baka mwitile baalu bechikombelo. ¹⁸ Nibakasika kuli nguwe, wakabambila ati, '' Nywebo lyenu mulizi kuzwa buzuba bokusanguna buya mbundakalisyatila mu Asia, echiindi chibotu chitwa jesi antomwi. ¹⁹ Ndakazumanana kubelekela Leza okulichesya e misozi, omukupenga koonse kundakainda akaambo ka ma Juda. ²⁰ Mulizi mundataka piluka musule mukwamba zintu zili ziyandikana maningi, omundakamwisya kuzwa ku ng'anda imwi kwinka kuli imbi, ²¹ kukambauka kuma Juda oku ba Giliki kujatikizya kweempwa kuli Leza olushomo mu Mwami wesu Jesu. ²² Ino mubone, ndiyobuya ku Jerusalem, ndambilwa o muuya, kutaziba ziyochitika kuli mebo kuya, ²³ ati buyo muuya usalala undambile kwangwa oku penga kundilindila muminzi. ²⁴ Pesi tandibali buumi bwangu kulema lwangu, kuti na ndamanisya luno okumanizya mulimo ngu ndaka tambula kuzwa ku Mwami Jesu, okukambauka makani mabotu oluzyalo lwa Leza. ²⁵ Ino amulange, ndilizi kuti nywebo noonse, mbindaka ku kambaukila bulelo bwe julu, takwe nibayondibona busyu. ²⁶ Pawo ndamwambila sunu, kuti tandikwe chibi cho bulowa bo muntu uli woonse. ²⁷ Kaambo takwe ndaka mulekelela kukumwisya luyando loonse lwa Leza. ²⁸ Ino amu chenjele lwenu, obutanga mbwaka mupa muuya usalala kuti kamu bonisisya. Muchenjele kwembela chikombelo cha Leza chakaula obulowa bwake. ²⁹ Ndilizi kuti ndazoinka, bamwaba bayoza akati kenu poonya takwe nibayoli siya tanga. ³⁰ Ndilizi kuti olo akati kenu bamwi bantu bayooza okusandola masimpe kutegwa bakalibide a basikwiya ba bachilila. ³¹ Amulonde. Muyeye kuti kwemyaka yotatwe takwe nindakaleka kumu lailela nyoonse sikati amasiku nkelila misozi. ³² Ino ndamubika kuli Leza oku jwi lyo luzyalo lwakwe, echi chikonzya kumuyaka okumupa lukono akati kabo basalede. ³³ Meebo takwe nindakabweza nsiliva, ngolide, na zibiya. ³⁴ Nywebo nobeni mulizi kuti aya maanza akabelekela buyandisi bwangu obu yandisi bwaabo mbitwalamwi. ³⁵ Muzintu zyoonse ndakamupa chikozyanyo mumwelede kugwasya baka chidwe kwindila mukubeleka, omumwelede kuyeya majwi o Mwami Jesu, majwi we ngakaamba: 'lili lelekidwe jaanza lipa kwinda litambula.''' ³⁶ Nakamaana kwambola namuya, wakafugama ansi okukomba antomwi ambabo. ³⁷ Kwali kulila kunji poonyina baka mubeka beka Paulu okumumyonta. ³⁸ Bali sesemidwe bunji bwabo akambo kezyo zyakaamba, kuti takwe nibachi yomubona ape. Poonya baka musindikila ku bwato.