¹ Kwakaba kuti Apolosi nacili ku korinto, Paulo wakainda mucisi cilatala akuza kucisi ca ku Ehesusi, ponya wajana bamwi basikwiya kuya. ² Paulo wakamba kuli mbabo,"nkokuti nywebo mwakatambula muya usalala nimwakashoma. ³ Paulo wakamba,"mwakabatizigwa kwindila muli ni? Bakamba,"muli babatizya lwa Joni." ⁴ Paulo wakataba,"Joni wakababatizya olu babatizyo lyo kwempwa. Wakambila bantu kuti balukede kushoma muli oyo umwi uyoza kwazwa nguwe, momumo, muli Jesu. ⁵ Ino bantu nibakamvwa eci, bakababatizigwa muzina lyo mwami jesu kilisitu. ⁶ Ponya ino Paulo nakabika manza akwe ali mbabo, muyausalala wakaza ali mbabo. ⁷ Ponya bakambola mumishobo imwi okusinsima. Aba bonse balikusika balumi bali kumi obobile. ⁸ Paulo wakainka ku sinagogi akwambola cenguzu kwa myezi yotatwe. Pele ino bamwi ba juda bali bayumu akutamvwida, bakatalika kwamba zintu zibi akati kabantu banji. ⁹ Paulo wakabasiya ponya wabweza basikwyiya anguwe, wakalyambozya ambabo mazuba onsanwe mubwanda bo kwisizya ku Tyranus. ¹⁰ Eci cakazumanana kwemyaka yobile, kuti bonse abo bamu Asia bamvwe ijwi lyo mwami, beebse ma juda ama Giliki. ¹¹ Leza walikucita mulimo ukomosya mu janza lya Paulo. ¹² Nikuba buyo kataulu kuba lwanzi ponya ayo malwazi akazwa kuli mbabo ape emyuya mibi yakazwa muli mbabo. ¹³ Pele bakali bama Juda bakatede kumakani ni bakabweda kwinda mucibaka. Bakaita mu zina lyo mwami jesu kilisito kuti bakonzye kuba enguzu kumyuya mibi ino niba kamba,Öyo Jesu Paulo ngawakambauka mebo ndakutanda yebo kuti uzwe." ¹⁴ Oyo mupaizi mupati waba juda, izina lyakwe wali Sceva,, wajesi bana bali tosanwe otubili mbali kucita eci. ¹⁵ Muya mubi wakabajata,"Jesu ndilimwizi, ape Pailo ndilimwizi, ino ndiweni yebo?" ¹⁶ Oyo muya mubi wali mumuntu wakadalila exoecites ape okubazunda ape okubauma loko. Ponyina bakacija kuzwa muli elyo nganda ecinkuna ape ka baliciside. ¹⁷ Eci cakazibikana okuma Giliki bali kukala ku Efeso, ponyina bakayowa loko, pele izina lyo mwami jesu lya kutekwa. ¹⁸ Abamwi, banji bashomi bakaa ape okuyambilila ape okupa cokuzuzikizya kwiminina zintu zibi zibakacita. ¹⁹ Banji bali kujatikizya bulozi baketa mabuku abo antomwi ape okwatenta mumenso abeense. Ino nibakabala mulao wazyo, ali makumi osanwe a siliva, ²⁰ Ponyina ijwi lyo mwami lyakasansailwa mubinji munguzu zindene indene. ²¹ Nikwakamana, Paulo nakamana bukabausi bwakwe mu Efeso, mumuya wakayeya kuti ainde ku macedoniya ape oku Achia munzila yakwe yo kwinka kujelusalemu; wakamba,"nikwakamana nindacilikuya. Ndilukede kuyobona ku Roma." ²² Paulo wakatuma ku macedonia bobile abo bakabeleka anguwe, Timoti ape Erastusi, kono nguwe lwakwe wa kaka ku Asia kwecindi celede. ²³ Muli eco cindi sikwalikwe manyongwe neba kanini mu Efwso ajatikizya izila. ²⁴ Umwi simupanga zisimbi wezina lya Demestrusi, wali kupanga zibumbwa zye zya Aetemisi, waketa kunjil kuli basikubeza. ²⁵ Ponyina wabunga bunga antomwi bubelesi bwalikuyandika ape wakamba, "no balumi, mulizi kuti muli alya makwebo tula panga mali manji. ²⁶ Mulabona ape okumvwa kuti, Taitasi buyo ku Efeso, kono mane oku Asia kweense eci Paulo wakacisongelezya ape cakasnduka bantu banji. Ulikwamba kuti baleza bapangwa amanza Taitasi baleza. ²⁷ Kutainsi buyo bubi buliwo kuti kuzwa kwesu takuyonvwiki kono ape e tempele lya bubotu bwa Artemisi bukonzya kuyoba okwamba kuti tabukwe tuso ape bupati buyoba buyo buyo, oyo Asia ape enyika ngubakomba. ²⁸ Ino nibakamana eci, bakazula obukali ape okukwila, kwamba,"mupati ngu Artemisi oku Efeso. ²⁹ Cisi cense cakazula amanyongwe, ape aba bantu bakaba omuzezo omwi okuzazanina ku nganda njibali kuswananina, bakajata benzinyina ba Paulo mbali kwenda ambabo, Gaius ape o Aristusi oyo wakazwa ku Macedonia. ³⁰ Paulo wayandide kunjila akati ke mbunga ya bantu, kono basikwiya bakamucingilizya. ³¹ Ape abamwi bapati pati bomo mucoko co ku Asia bali benzinyina bakamutumina mulumbe wokumukombelela. Kuti atanjili mucibaka, ³² Bamwi bantu bali kongolola cintu comwi, ape abamwi kuli umwi, cabo kokuti kwali manyongwe ambunga. ³³ Imwi imbunga yakalaelela Alekizanda oyo ba Juda ngubakikutontela kunembo. Bonyina Alekizanda. Kono ino wakanyanyazya janza lyakwe, kuyanda kupa kuli kwabilila ku babungene. ³⁴ Kono ino niba zibulula kuti wali mu Juda beense baka kwila kwama hola obile ejwi lyomwi lyamba kuti,"mupati ngu Arimesi waku Efeso. ³⁵ Ino sibuku wecoko naka umnizya mbunga, wakamba,"nobalumi boku Efeso, muntu nzi oyo utazi kuti munzi waba Efeso babambi be tempele lya mupati Aritemisi ape eci bumbwa cakawida ansi kuzwa kujulu. ³⁶ Nakabona kuti ezi zintu tazikananwa, ulukede kumunina ape okutacita cimwi cintu cokufwambana. ³⁷ Kambo yebo weta aba balumi kuli eyi nkuta aba babetesi bebi mu tempele na kusanguna leza wesu. ³⁸ Kambo na Demetusi abe abasikubeza abo bala nguwe balijesi kutamikizigwa kuli umwi. ³⁹ Kono na nywebo muyanda cimwi ali tumwi twambo, iyo sitikila twakuswanana muli cindi cense. ⁴⁰ Mbobubo tuli mucibela citaisi kabotu kambo twatamikizigwa kwendelana okulwana kwesu. ⁴¹ Ïno nakamba eci. wakamwaisya mbunga.