¹ Musule ezi zintu Paulo wkasiya Atenesi okwinka ku kolinti. ² Okuya wakakujana mu Juda witwa kuti Akwila, wakazyalilwa ku munzi wa Pontuyasi, oyo wakacizwa kusika kuzwa ku Itali kali omwana kazi wakwe Pulusila, nkambo kilaudiyasi wakalailila bajuda beense kuti bazwe mu Loma. Paulu wakainka kuli mbabo, ³ okuti nkambo walikubeleka mulimo uswana, wakakala ambabo oku beleka, nkambo bali baluki bamatente ku mulimo. ⁴ Mponya Paulu walikukanana musinagogi nsabata e nsabata, kusoleka kuti bazumine makani mamobotu ba Juda a bagiliki. ⁵ Cindi awo Sailasi o Timiti nibakasika kuzwa ku Masedoniya. Paulo wakalipa lwakwe mukukambauka. Mukunolungulwida bajuda kuti Jesu ngonguwe wali kilisito. ⁶ Kono cindi bajuda kuti nibakamukazya okumwamba zitaluleme, Paulo wakakumuna zizwato zyakwe kuli mbabo okwamba kuti kuli mbabo, akube kuti bulowa bwenu bube atala amitwe yenu: ndilasalala. Kuzwa sunu ndilainka kulibamasi. ⁷ Mponya wakabasiya okwinka kuganda ya Titiyasi Jusitusi, mwalumi wali kukomba leza. Inganda yakwe yalibambene ensinagogi. ⁸ Kilisipasi, mwendelezi wesinagogi, walikushoma mumwami, antomwi abe ganda yakwe: ape bunji bakababatizigwa. ⁹ Mwami wakamba kuli Paulo mu masiku mu cilengano,ütayowi, kono kokamboka ape utaumwinini. ¹⁰ Nkambo ndiliayibo, ape takwe naba omwi watasole kukucisa, nkambo ndijisi bantu banji mu dolopo eli. ¹¹ Paulo wakakala okuya ko mwaaka emwezi yasanwe o umwi, kayiisya jwi lya leza akati kabo. ¹² Kono cindi Galiyo nakaba mwendelezi wecisi ca Akeya, ba Juda bakaima omuzezo womwi mukutayanda Paulo okumweta kunembo kucibbula cenkuta: ¹³ bakati,"Oyu mwalumi usungilizya bantu kukomba leza muzina iteendelani omulawo. ¹⁴ Awo nalikuyanda kutalika kwamba, Galiyo wakati kuba Juda,Ïnywebo noma Juda, nikwali kuti watyola mulawo na wabisiszya umwi, nindakaswilila kambo kenu. ¹⁵ Kono nkambo eyi mibuzyo yaya majwi ama zina amulawo wenu, amukabambe ndinywenyina. Mebo nsikonzyi kuba mubetesi we zintu zili namu. ¹⁶ "Galiyo wakabatanda munkuta. ¹⁷ Mponya bonse bakajata Sositenesi, wali mwendelezi wesinagogi, okumuma kunembo lyenkuta nkonyina. Kono Galiyo takwe endaba kuli nzibakacita. ¹⁸ Paulo, nakacilikede oko kwamazuba manjimani, wakasiya bashominyina okunjila mubwato buya ku Siliya o Pulusila o Akwila. Kabatana kunyamuka, ku senkileya, wakagunkwa masusu nkambo kokuti walikokezizye. ¹⁹ Nibakasika ku Efesusi, Paulo wakasiya Pulusila o Akwila, kono we lwakwe wakainka kusinagogi okuyotalika kwambola aba Juda. ²⁰ Nibakamubuzya Paulo kuti akale cindi cilamfu, wakakaka. ²¹ Kono mukubasiya, wakati, ndiyoza ape kulinywebo nakuti kaluli luyando lwa leza"Mponya wakazwa ku Efesusi. ²² Paulo nakakusika ku sizaliya, wakainka okuyojuzyana abembungano yoku Jelusalemu amane wakainka ku Antiyoki. ²³ Nakakala kala oko, Paulo wakazwa okwinka kwinda mu Galatiya eca Fuligiya kuyobuyumya yumya basikwiya beense. ²⁴ Mponya ino umwi mu Juda witwa kuti Apolosi, mu Alekizandaliya kukuzyalwe kwakwe, wakasika ku Efesusi. Walikunongosola kukwambola ape walazi loko malembe. ²⁵ Apolosi walisilidwe kabotu injisyo zyo mwami. Mukusungwala ku muuya, walikwamba okwiyisya mbwelede muzintu zigaminina jesu, kono wazi buyo zyolu bbabbatizyo lwa Joni. ²⁶ Apolosi wakatalika kwambola cobusicamba musinagogi. Kono Pulisila o Akwila nibakamumvwa, bakamutola mumbali okuyomu pa ndulwida kabotu nzila ya leza. ²⁷ Nakayeya kwinka ku Akeya, bashomi bakamuyumya yumya okulembela kuli basiciya bali mu Akeya kuti bamutambule. Nakasika, kapati wakakugwasya abo balikushoma kwindila muluse. ²⁸ Apolosi kweni wakakazya ba Juda antangalala, katondezya kuzwa mu malembe kuti Jesu ngo kilisito.