¹ Ino nibakainda muminzi yoku Amfipolisi oku Apoloniya, bakasika ku munzi wa Tesalonika, oko kwali chikombelo chama Juda. ² Paulu, mbuli muchali chilengwa chakwe, wakainka kuli mbabo, okuyokala mazuba e Nsabata otatwe kaambola ambabo kuzwa muma lembe. ³ Walikujula malembe okuno pandulula kuti chalelede kuti Kristu apenge okubuka ape kuzwa kubafu. wakateeti, ''Oyu Jesu ngwemwambila ngo Kristu.'' ⁴ Bamwi ma Juda bakashoma kuvwana o Paulu o Silasi, kuvwanya abamwi banji ma Giliki bali kukomba maningi, abanakazi banji bolu pati- pati. ⁵ Ino ma Juda batali kushoma, bakendelezigwa omunyono, baka bweza balumi babi kuzwa ku busena bokuzizya, kubunganya mbunga antomwi, okutalika koongolola mumunzi. Kunyonyona ng'anda ya Jason, okuyanda kutola Paulu a Silasi ku bantu. ⁶ Ino nibakababula buyo, bakajata Jasoni abazyalwa ma bamwi okubatola kunembo lya bendelezi bo munzi, kabobongolola, ''Aba balumi bakasandamuna nyika ino bali kuno. ⁷ Aba balumi Jasoni mbaka tambula balwanisya mulawo wa Sizar; bamba ati kuli mwami umbi—Jesu.'' ⁸ Mbunga aba sikalumamba bo munzi bakazolyanganisigwa nibakamvwa ezi zintu. ⁹ Ino basikalumamba baka lailila Jason abamwi kuti babbadele mali okuba kwabilila, ponya baka baleka. ¹⁰ Buya siku mbonya bazyalwama bakatuma Paulu a Silasi ku Beriya. Nibakasika kuya, baka kunjila muchikombelo chama Juda. ¹¹ Ino aba bantu baliluleme kwinda boku Tesalonika, kambo bakali tambula jwi kabali emizezo ilibambilide, kulanga langa malembe buzuba obuzuba kubona kuti na ezi zintu mbuzyabede. ¹² Nokuba namu bunji bwabo bakashoma, kuvwalanya banakazi bechi Giliki bapati pati abalumi banji. ¹³ Kono awo ma Juda bo mu Thesolonica niba kamvwa kuti Paulo awe wali ku kambanka ijwi lya Leza ku Beliya, penzya mbunga. ¹⁴ Mponya mponya, ba zyalwanyina baka tuma Paulo kwinka lwizi, kono Sailasi o Timoteyo baka syala kuya. ¹⁵ Abo bali ku sindikila Paulo baka mu tola kusikila ku dolopo lya Atenesi. Niba ka musiya Paulo oko, baka tambula ma layilile kuli nguwe kuti Sailasi o Timoteyo baze kuli nguwe choku fwambana. ¹⁶ Ino awo Paulo nachili kuba lindita mu Atenesi, muya wakwe, mulinguwe waka nyema naka bona dolopo lizwide zibumwa. ¹⁷ Paulo waka ambozyana buzube obuzuba mu Sinagogo ama Juda obuzamwi bali ku komba Leza, Ape okula abo bali mu busena busambalilwa. ¹⁸ Kono ape bamwi bantu boku Epekuliya aba iyide loko baka mu bunganina. Bamwi bakati, "Wambola nzi oyu sikwabola zitamvwiki?"Bamwi bakati, "Ubanga muntu wita bantu kuti ba chilile tuleza tumwi,"Kambo wali ku kambuka mulumbe wa jesu oku buka kwabafu. ¹⁹ Baka tola Paulu oku mweta ku Alepagasi, kabati, "Twanda kuziba echi chiyo chipya ncholi kwabola? ²⁰ Kambo weta zintu zikomoshya mu matwi esu. Ino tuyanda kuziba zizi pandulwa enzi zintu." ²¹ (Ino bonse buku Atenesi abo bokumwi bali kukala kuya baka sowa chindi chabo atukwe pete kuno abola na ku swilizya chintu chipya.) ²² Paulo wakaima akati ka ba Alewopagasi okuti, "Inwe no balumi bomu Atenesi, Ndili bwene kuti muli bana Leza munzila zyonse. ²³ Kambo ni ndali ko bwinda oku langisisya limukomba zintu zyenu zye nkombyo, Nda jana achikombelo kulembidwe kuti, kulembidwe kuti, " Kuli Leza uta zibinkene,"Mpawo nchi mu komba mu kuta ziba, echi nda muzibya. ²⁴ Leza waka lenga nyika ezintu zyonse ziliwo, kambo ngo mwami we julu ansi, takali mu tempele yaka yakwa amanza. ²⁵ Nikuba tabilwi amanza abantu, anga kuli cha bulide, kambo we lwakwe. Upa bantu bumi oku yeka ezintu zyonse. ²⁶ Kuzwa ku muntu womwi waka lenga zinsi zya ba bantu kuti ba kale anyika, kali wa bamba kale zilimo emi kano mu bayo kala ²⁷ Kuti baka muyandole Leza mwendi bayo jana zila yola swena kuli nguwe oku mujana. Kono tainsi kule aswibo. ²⁸ Kambo muli nguwe tula pona okwenda, mbuli umwi wa baimbi benu mbwamba, 'Tuli bana bakwe.' ²⁹ "Kambo ko kuti tuli bana ba Leza, tatwelede ku yeya kuti bubotu bwe zintu buli mbuli ngolide na siliva, na bwe- ziswa niso zipangwa obu bezi ape emiyeyo yo muntu. ³⁰ Kambo kako Leza waka chiluba chindi cho kubula luzibo, kono ino lailila bantu bonse konse kuti bempwe. ³¹ kuli namu kambo waka bamba kale buzuba mbwayo beteka nyika mu busalali kwindila mu mwalumi ngwaka sala. Leza wapa chitondezyo choyu mwalumi naka mu busya kubafu." ³² Ino bantu bo ku Atenesi niba ka mvwa zyo ku buka ku lufu bamwi baka museka Paulo; kono bamwi bakati, "Tula ku Swililila ape ku nkani eyi." ³³ Kuzwa awe, Paulo waka basiya. ³⁴ Kono bamwi baka mu chilila oku mushoma, ku bikilizya Donishasi woku Alopagite, mwakazi we zina Damalisi, aamwi bali ambabo.