¹ Paulo wakasika ankuko ku Debbe oku Listila anukuti oumwi wabasikwiya utegwa ngu Timotewo kwabede, mwana womucembele wo musyobo we ci Juda wali muzumini pele isi wali mugiliki. ² Nguwe wakali empuwo mbotu kubazyalwanyina bomu lusitla omu ikoniyo. ³ Paulo wakayanda kuti bainke anguwe, wakaika anguwe wamupalula kambo kaba Juda ano balimuli ayo masena, kambo bonseni bakalibazi baisi kuti bali ba giliki. ⁴ Ino nibali kuyo bwinda muminzi, balikubapa milawo lyakambwa abapositola bapati bomu Jelusalema, kuti bicite. ⁵ Mponya zikombelo zyakayumisigwa kulusyomo okuvusigwa mazuba onse. ⁶ Paulo abenzinyina bakandulula kwinda muzyoko zyaba Filigiya aba Galatiya kambo baka kasigwa omuya usalala kuti ba kambauke jwi mucisi ca Eszya. ⁷ Nibakaswena ku Maisya bakasoleka kuti baye ku Bbitima pele muya wa Jesu wakabakasya. ⁸ Nibakainda Maisya , bazoinda munsi omunzi mupati wa Tulacisi. ⁹ Cilengano cakalibonya kuli Paulo masiku:mwalumi muna Makedonya wali muwi kambo kuti,''kozakuno ku makedonya uzotugwasye,' ¹⁰ Ino Paulo nakabona cilengano, kufwambana kwakayanda kwinda ku makedonya okuziba kuti Leza watwita kuti tuka kambauke mulumbe kulimbabo. ¹¹ Mukwenda ino kuzwa ku Tuloasi mubwato twaka lungama kuyaku samotilasi, nibwa kaca twakasika ku Nepolisi. ¹² Kuzwa awo twakainka ku Filipi, oyu munzi mupati mumakidonya we mpati mbotu, muci Giliki ambu ncobulelo bwe ci Loma, ambi twakala mazuba manji oko. ¹³ Mubuzuba bwe nsabata twakainka anze emilyango, kumbali lyomu longa nkutwakayeya kuti kube cibaka coku kombela kwambola amacembele bakasika kuzoswangana. ¹⁴ Mucembele umwi utegwa ngu Lidiya uzya masili wokumunzi wa Tiyatila, uwali kukomba Leza, wakatuswilizya swebo. Mwami wakajula moyo wakwe kuti avwisisye kukamboka kwa Paulo. ¹⁵ Nakabbizigwa abenyanda yakwe wakakumbilisya kuti, na mwamba kuti ndilisyomide mu mwami amunjile munyanda yangu, mukale wakatukomelezya. ¹⁶ Ino twakali kwika bucibaka, ncokukombela, twakaswana musimbi uwali omuya wokusonda, uwakavubya basimalelakwe okusonda. ¹⁷ Nguwe wakacilila Paulo aswibo ulongolola, okwamba kuti, aba bantu mbazike ba Leza, sijulu wama julu, batukambaukila nzila yokufutuka. ¹⁸ Wakacita namu kwamazuba manji. Ino Paulo wakapya moyo, wacebuka wati kumuya, muzina lya Jesu kilisitu ndakulalila kuti uzwe mulinguwe. Mponyina wakazwa muli nciconya eci cindi. ¹⁹ Ino basimalelakwe nibakabona kuti impind njobakali kulangila yamana, bakajata Paulo osila, okubakwelela munkuta kunembo lyabami, ²⁰ Nibakabatola kubabetesi bakati, aba bantu mbubali ba Juda, banyonganya munzi wesu. ²¹ Bamba ziyanza nzotutelede kutambula okuzicita swebo toba Loma. ²² Mponya bantu bakabakumbila, ababelesi bakabazapawida zyokuzwata zyabo, balalila kuti baumwe endufwa. ²³ Nibakabauma mabunda bakabanjizya muntolongo, balalila ulindila ntolongo kuti abalindilile. ²⁴ Nguwe alalilwe abo, wakabanjizya mutolongo ili akati, wanga maulu abo muziliba. ²⁵ Akati kamasiku Paulo a Sila bali kukomba okwimbila Leza nyimbo, abange bali kuswilizya. ²⁶ Mponyina kwakaba muzunzumina mupati wenyika , kwaka zunganyisigwa ntalisyo zyentolongo. Mponya zitendele zyonseni zyakainka, zyakangunuka nketani zyabo bense. ²⁷ Ulindila tolongo nakasinsimuka okubona zitendele zyentolongo zilibukwazi, wakasomona paga lyakwe, wakali kuyanda kulijaya, kambo wakali kuyeya kuti basintolongo baloboka. ²⁸ Pele Paulo wakongolola ejwi pati wamba kuti, utabisi, mpotuli tonse. ²⁹ Mponya wakaita mimuni, wandulila mukati ulatutuma, wawida mumaulu aPaulo o Sila, ³⁰ Wakabagwisya okwamba kuti, ''nobami ino ndicite nzi kuti ndifutulwe? ³¹ Bakati, syoma ku mwami Jesu, notafutulwe yebo abenyanda yako. ³² Mponyina bakamwambila makani a mwami, antomwi abomunyanda yakwe benseni. Mponyina wabatola nciconyina cindi camasiku, lwabasanzya zilonda zyabo. ³³ Mponya wababbizya antomwi we abana bakwe benseni. ³⁴ Wakabanjizya munyanda yakwe okubapa cokulya, kanonenidwe kapati, abenyanda yakwe benseni, mbubasyoma Leza. ³⁵ Ino nacili sikati babetesi be ntuta bakatuma jwi kuli bamulonda kwamba kuti,''amubaleke balumi abo bainke.'' ³⁶ Bamulonda webe ntolongo bakamba majwi kuli Paulo bakati,''babetesi be nkuta batuma majwi kuli mebo kuti tumuleke mwinke. Mbubo ino amuzwida anze mwinke mulumuno.'' ³⁷ Pele Paulo wakabambila wati''batuma antangala kazya kuku takwe kutu beteka nikuba kuti tuli basicisi ca Loma, mane batuyanda kutibatugwisye cesisnsikizya? ne, aba zebeni bazotu zulwida kutugwisya anze. ³⁸ Bamulonda bagwasya muntolongo bakatola majwi aya kababetesi be nkuta ino niba kamvwa kuti Paulo o sala mbasicisi be Loma bakayowa. ³⁹ Babetesi bagwasya munyolongo, okuba kumbila kuti bazwe mu munzi mupati. ⁴⁰ Mponya Paulo o Sila bakazwa muntolongo okwinka kunyanda ya Lidiya. Ino Paulo o Saila naba kabona bazyalwanyina, baka bayumiya, mponya bazwa mu munzi oyo.