¹ Bamwi balumi bakazwida ku Judiya kabayinka ku Antioch kuyoyisa balumi, okwamba kuti, ati kuti takwe niwatendwa kwendelanya omulawo ya Mozesi, ko kuti toyofutulwi.'' ² Eci cakaetelezya kuti Paulo o Bbanabbasi bakazyanye okwambola.Mponya Paulo o Bbanabbasi abamwi bakasalwa kwinka ku Jelusalemu kuti baka swanane aba aposito na abapati mukulanganya oyu mulawo. ³ Mponya ayo, nibakatumwa eci kombelo, bakainda ku Fonenisya oku Somaliya kuyo ambilizya kusanduka kwa basimasi. Caketelezya kunonenwa kubalumi bonse. ⁴ Nibakasika ku Jelusalema, bakatambulwa ecikombelo abama apositola antomwe abapatipati, mponya bakambilizya zyonse zintu Leza zyakabacita ambabo. ⁵ Pele bamwi balumi basyoma, bakali mukabunga kama Falisi, bakaima okwamba kuti, '' cilayandika kuti batendwe okubamba mulawo wa Mozesi. '' ⁶ Mponya ba apositola abapatipati bakabungana antomwi kuti balange kambo aka. ⁷ Nibakamana kwambozyana,Pita wakaima okwamba kuli mbabo, '' bazyalwama, mulizi kuti cindi cibotu ncecindi Leza wasala akati kenu, kuti omulomo wangu basimasi belela kuvwa ijwi lyomulumbe, okusyoma. ⁸ Leza nguzi moyo, wabambweda kuti kwindila mukumupa muya usalala, mbuli mbwakacita kuliswebo. ⁹ Takwe nakapanga lwindanyo akati kesu ambabo, muku basalazwa myiyo wabo kwindila mulusyomo. ¹⁰ Ino nkambonzi nimusola Leza, mane kuti mubike jokwe munsingo yaba sikwiya kutainsi kuti bamatate na swebo twali kukozya kucizweza? ¹¹ Kono tulasyoma kuti tuyofutulwa kwinda muluzyalo lo mwami Jesu, mbuli mbobakabede.'' ¹² Bonse bantu bakaumuni nibalikuvwa Bbanabbasi o Pita kabamba zitondezyo amalele Leza ngakacita akati kabasimasi kwindila mulimbabo. ¹³ Nibakamana kwambola, Jemusi wakataba,kati, '' nobazyalwama, amu swilile kulime. ¹⁴ Sayimoni wakamba mbuli Leza mbwakatalikila kugwasya bamasi kwindila mukubweza bantu muzina lwakwe. ¹⁵ Majwi abasinsimi alazuminizya, mbuli mboli lembedwe, ' ¹⁶ Zyamana ezi zintu ndiyopiluka, ape ndiyo yaka tempele lwa Devidi, eyo lyakawa ansi; ndiyo libamba okwendelezya buleli, ¹⁷ Kutegwa bantu basyede bayandole Mwami, antomwi abasimasi baitwa ezina lyangu.'' ¹⁸ Ezi nzyezizyo Mwami zyamba, oyo wakacita ezi zintu zyaka zibikwa kuzwa kumatalikilo acindi. ¹⁹ Akambo kako, mukuyeya kwangu tutapenzyi abo basimasi bapiluka kuli Leza. ²⁰ Kono tuyoba lembela kuti bakasosoloke kubusofwazi bwemizimu, obumambe, okulisinsimuna,okubulowa. ²¹ Kambo Mozesi ula kambaukwa mumasi onse kuzwa kucindi cecindi ape ula balwa muzikombelo zya nsabata.'' ²² Mponya cakabotezya bama apositola abapatipati, imbunga yonse, kuti basale Judasi walikwitwa kuti Bbanabbasi, o sailasi, bali bapatipati becikombelo, okubatuma ku Antioch o Paulu ape o Bbanabbasi. ²³ Bakalemba ezi : '' kuzwa kuma apositola abasimsi, bazyalwama, kuli basimasi mu Antioch, Siliya, ape aba cilisya:ndamulumelisya! ²⁴ Kambo twakavwa kuti bamwi bakazwa kuliswe, kabatakwe malalile kuzwa kuliswe, ape bamunyonganya eziiyo ezyo zinyonganya myiyo yenu, ²⁵ Cakanonyezya kuli swebo, nitwakaba omuzezo omwi, mukusala balumi oku batuma kuli nwebo antomwi abayandwa besu Bbanabbasi a Paulo, ²⁶ Balumi ba kaba maumi abo kuzina lya Mwami Jesu Kilisitu. ²⁷ kokuti twa tuma Judasi o Silasi, abo wayomwambila aya majwi a swana kwindila mumajwi abo. ²⁸ Mbuli mbocakabotelezya kumuya usalala ape okuli swebo, kuti tutapi mukuli kuli ezi zintu ziyandikana: kuteti mutantamuke kuzintu zisofwazya, ezyo bulowa,zintu zinyongene, ezwa busimambe. ²⁹ Kuti walitantamuna kuli ezi, ciyoba kubida kabotu. Ndamulayizya.'' ³⁰ Mponya, nibakamwika, bakaza ku Antioch; nibakabunganya mbunga antomwi, bakalusisya lugwalo. ³¹ Nibakamana kulubala, bakabotelwa akambo koku yumisigwa. ³² Judasi o Silasi,ape basinsimi, baka balalelala bazyalwanyina amajwi oku bayumyayumya. ³³ Nibakamana kaindi oko, bakatumwa mulumuno kuzwa kubazyalwanyina kuli abo bakabatuma. ³⁴ Pele cakabotezya Silasi kukala oko. ³⁵ Pele Paulo o Bbanabbasi bakakala mu Antioch, kabayisya okwambilizya mulumbe ya Leza. ³⁶ Nikwakainda mazuba Paulo wa kamba kuli Bbanabbasi, '' atupiluke inawa oku swaya bazyalama mumasi mutwaka kambauka ijwi lyo Mwami, oku babona mbubabede,'' ³⁷ Bbanabbasi walikuyanda kuti abweze Joni walikwitwa kuti Maki, ³⁸ Kono Paulo wakayeya kuti tacinsi cabotu ku tola Maki, oyo wakabasiya ku Pafiliya ape takwe na kainka kule ambabo mumulimo. ³⁹ Mponya kwakaba tutavwanana kupati, kuti mane batantamukane kuli o mwi oyu mwi, Mponya Bbanabbasi wakatola Maki okwinka ku Cyprus. ⁴⁰ Kono paulo wakasala Silasi okwinka, nakamana kusyomwa abazyalwanina kulu zyalo lo Mwami. ⁴¹ Mponya wakainka ku Syria oku Cilicia, kabayumyayumya muzikombelo.