¹ Cakacitika kuti mu Ikoniyamu Paulo o Banabasi bakanjila antomwi mu sinagogi lya ba Juda okwambola munzila yo kuti, mabunga-mabunga aba juda mponya aba Giliki bakashoma. ² Pele ba juda batashomi bakanyonganya mizezo yabasimasi okubacita kuti basule bazyalwanyina. ³ Mponya bakala kuya kwecindi cilamfu, kwambola cenguzu enguzu zya mwami, nalikupa bukamboni kujatikizyi mulumbe wluse lwakwe. Wakacita eci kwinda mukuzumizya zitondezyo amalele kucitwa o Paulu o Banabasi. ⁴ Pele bantu becisi bakandana, bamwi bakatola lubazu lwamajuda, bamwi abatumwa. ⁵ Beense basimasi aba Juda(antomwi abasoli zi babo) bakasola kubapenzya okubafusa mabwe, ⁶ Pele mbuli mbubakaziba cokufwambana makani aya, bakacijila ku likawoniya zisi zya lisitula o debe ezyoko zizungulukide, ⁷ Kubakazuminana kukambauka mulumbe mubotu. ⁸ Kulikisito umwi mwalumi wali kede, watakwe nguzu mumaulu akwe, mulema kuzwa mwida lyabanyina, utana buzuba wenda. ⁹ Oyu mwalumi wakanvwa Paulo kakambauka. Paulo wakatambya mwnso akwe alinguwe okubona kuti walijisi lushomo kuti abe kabotu. ¹⁰ Mponya wakati kulinguwe mujwii pati,ïma amaulu ako."mponya mwalumi wakadula mujulu okweenda-enda. ¹¹ Ino makamu abantu nakabona Paulu zyakacita bakanyamuka majwi abo, kwamba mumushobo waku likawoni,"baleza babanga mbantu okuza kuliswe." ¹² Bakaita Banabasi"zusi"mponya Paulo Hermesi,"kambo nguwali mukambausi mupati. ¹³ Muapaizi mupati wa zisi, ula tempele lyakwe lyali buyo anze amunzi waketa mapulu amalubaluba kumilyango; nguwe amakamu balikuyanda kupa cituuzyo. ¹⁴ Pele bakatuma Banabasi o Paulu nibakazinvwa bakandeula zizwato zyabo okufwambana kwiinka mubantu kabalila. ¹⁵ "Nobantu, kambo nzi nimucita ezi zintu? aswibo tuli bantu, obube bomwi mbuli nywe. Tulikumwambila makani mabotu kutegwa muzwe kuli ezi zintu zitabeleki kuti leza pona wakalenga majulu, nyika, olwizi ezintu zyeense zili mulizizyo. ¹⁶ Cindi, wkazumizya bantu beense kwenda munzila zyabo beni. ¹⁷ Pele nikuba namu takwe nakalisiya kakutakwe kamboni, mukuti wakacita cibotu okumupa nvula kuzwa kujulu ezilyo zilabizwa mucindi celede, kuzuzya myoyo yenu ezyokulya okunonnwa." ¹⁸ Nikuba amajwi aya, Paulo o Banabasi cali ciyumu kubalesya bantu kukupa zituzyo kulimbabo. ¹⁹ Pele bamwi ba juda bazwa ku Antiyoki oku Ikoniyumu bakaza okusongelezya bantu banji. Bakamufusa mabwe Paulo mponya bakamukwela kumugwisya mudolopo; kabayeya kuti walifwide. ²⁰ Mbuli basikwiya kabainvwi kabamuzungulukide wakanyamuka okunjila dolopo. Buzuba bwajacilila, wakainka ku Derbe o Banabasi. ²¹ Nibakamana kukambauka makani mabotu mu munzi ulya okuba abasikwiya banji, bakapiluka ku Lisitula, ku Ikoniyumu, mponya oku Antiyoki. ²² Bakatundamena kuyumya-yumya ya basikwiya okubakulwaizya kuti bazwide anembo mulushomo, kwamba kuti, twelede kunjila mubwami bwa leza kwindila mumasukusyo manji. ²³ Nibakaba salila bapati-pati bezikombelo mucikombelo ecikombelo, mponya kabakombide okulimya kulya, bakabapa ku mwami, mulinguwe mu bakashoma. ²⁴ Mponya bakainda mu Pisidiya okusika ku pamfiliya. ²⁵ Nibakamana kukambauka majwi mu pelega, bakainka ku Antiyoki. ²⁶ Kuzwa awo bakainka bazubuka Antiyoki, oko kubalipede kuluse lwa leza kambo kemilimo oyo ngubakamana inawa. ²⁷ Nibakasika ku Antiyoki okubunganya cikombelo antomwi, bakabambila zyeense zintu zyakacitika leza ambabo, mponya ombubakajulide mulyango wo lushomo kambo kabasimasi. ²⁸ Bakakala kwecindi cilamfu abasikwiya.